https://www.youtube.com/watch?v=kMTmRDtXCAI
طب يراعوا مشاعر الناس اللى معندهاش بخت :(
عرض للطباعة
https://www.youtube.com/watch?v=kMTmRDtXCAI
طب يراعوا مشاعر الناس اللى معندهاش بخت :(
فاكر نفسه فى البندقية
لو كنت فرجت الفيديو ده لآى حد و قولت ان ده فى مصر .... محدش كان حيصدقنى !!!
طيب لو الريس هيشتكي للشعب
طيب احنا نشتكي لمين
الشكوي لفير الله مزلة
الفيديو دا قديم من ايام مشكلة المجاري في اسكندرية
لكن الفيديو الجديد بتاع الراجل اللى راكب عوامة
مسخرة
نعتبرهه انجاز من انجازات الفنكوش
الوكسه وسعت اوي
انا اسكندرانى ابا عن جد و عايش هناك طول عمرى ........... انا من ساعة ما وعيت على الدنيا ماشوفتش فى حياتى شتا بالمنظر ده فى اسكندرية ....... و لأول مرة بسبب الشتا ........ المدارس و المصالح الحكومية تاخد اجازة
كان فيه تقرير للأرصاد بيقول ....... فى النوة الأولانية ....... ان 3 اضعاف كمية المطر المتوقع سقوطها فى الوقت ده من السنة فى 24 ساعة ........ نزلت فى 6 ساعات بس
ضيف على كده عامل الاهمال و عدم وجود تحضير و لا استعداد ......... و تهالك شبكة الصرف و عدم قدرتها حتى لو كويسة على استيعاب الكميات الرهيبة ديه
بيتهيئلى خلاص اصلاح و تجهيز الشبكة القديمة مش نافع ..... احنا محتاجين شبكة صرف جديدة ...... يتم تصميمها على اساس كميات المطر الكبيرة الجديدة ديه ....... و ياريت يبقى فيه طريقة لأستغلال الميه ديه بدل ما تروح على الفاضى ...... بس كل ده عايز شغل و وقت و فلوس
ربنا يستر
البعض يرى ان ما حدث هو رد على اغراق الحدود مع غزة
البعض دول هم مهابيل و مجانين الجماعة الأرهابية القذرة ......... مافيش دولة فى العالم بتسمح بانفاق غير شرعية تحت حدودها اللى عايز يدخل و يطلع زى ما هو عايز لا رقيب و لا حسيب
غير ان المطر ده ........... لو تم الأستفادة منه و تجميعه .......... ممكن جدا يستخدم بعد كده فى اغراض كتير
الغريب ان اسكندرية كانت المحافظه الوحيده في مصر اللى مستعده للمطر..يعنى القاهره كانت تغرق وتحصل بلاوى وتلاقى اسكندريه زى الفل..
ايه اللى حصل ومعقول محتاجين شبكه صرف جديده؟دى تباه ماساه ده معناه ان مفيش بنيه تحتية أصلا
كان فيه و خلاص تهالك اتدمرت .... حتى لو كويسة مش حتكفى كل المطر ده
الموضوع بدأ من بعد الثورة ........ نتيجة ظروف البلد و الأحداث اللى حصلت ...... كان فيه اهمال ...... بقينا كل سنة فى الشتا يحصلنا كده ...... لغاية السنة ديه الشتا كان جامد اوى الموضوع تفاقم و زاد
غير ان الحمل على الشبكة القديمة بقى غير طبيعى ........كمية ابراج رهيبة فى شوارع ضيقة جدا وفى مناطق كثافتها عالية جدا و كلها مخالف ...... بتعمل حمل زائد جدا على الصرف الصحى و الكهربا و الميا و الغاز و الشوارع و الركنة و كل حاجة
البنا المخالف دمر صورة اسكندرية القديمة بكل جمالها .......... و للأسف الناس بتقبل على ده و بتشترى بنهم و المقاولين بيكسبوا ملايين و بيدفعوش مليم ضرايب ...... استغلال لثغرات القانون و فكرة الكاحول ........ و ولا محافظ جه قدر عليهم و الحى و المحليا بياكلوا و بيرتشوا
حاجة تقرف
الحقيقة ان فيه .......... و كتير كمان و دول غنية و متقدمة كمان
انا شخصيا عشت الموقف ده مرتين ......... مرة فى جدة ........... و مرة فى دبى
و المرتين كان كمية الشتا اللى نزلت لا تقارن اصلا باللى بيحصل فى اسكندرية دلوقتى
الحكومة الحالية عليها مسئولية الحل .......... لكن مش مسئولة عن تفاقم الوضع بالشكل ده
الكارثة ديه و انهيار شبكة الصرف .......... و احدة من الحاجات اللى بقالنا سنين من قبل الثورة و احنا بنحذر منها .......... البناء المخالف اللى كان مقنن ايام المحجوب .......... و اللى اتفتح على البحرى بعد الثورة لدرجة ان اسكندرية وصلت ان يبقى فيها اكتر من 50 الف عقار مخالف
انت ممكن تنزل حتت زى سيدى بشر و العصافرة و ميامى و المندرة خصوصا قبلى .......... والله العظيم شارع عربيتك ماتعديش فيه ...... على جوانبه عمارات 22 دور
اللى بيحصل ده طبيعى و متوقع من سنين و اللى جاى اسوأ لو مالحقناش نفسنا
الحق يتقال ان قطع الكهربا ده كان تصرف عبقري من السادة اللواءات رؤساء الاحياء و المحافظ اللوا برضه ... بذمتك فيه دولة في العالم قدرت تاخد قرار سريع بالتصرف و الحكمة و العقل و الابتكار و السرعة دي .. .
احنا لازم نعمل دورات تثقيفية لدول العالم في حل ازمات السيول و الابتكارات المعملية الفذة دي .