أرجوا الافاده انا محتار ما بين نيسان سنترا وتويوتا ياريس 1500 وسيات توليو ومش عارف اختار ايه انا محتاج عربيه تكون اعتماديه وامان وقطع غيار متوفره فى السوق فارجوا الافاده
عرض للطباعة
أرجوا الافاده انا محتار ما بين نيسان سنترا وتويوتا ياريس 1500 وسيات توليو ومش عارف اختار ايه انا محتاج عربيه تكون اعتماديه وامان وقطع غيار متوفره فى السوق فارجوا الافاده
نيسان سنترا عائليه واوسع من ياريس وموتورها ١٦٠٠..نيسان سنترا تكييفها حلو واوسع في الصالون من التوليدو واعلى عن الارض.نيسان سنترا اعتماديه عاليه جدا في مصر والخليج ودول العالم واعطالها لا تذكر.نيسان سنترا بتتجمع في مصر حاليا والكام سنه اللي جايين بخامات مستورده بالكامل وفوق الممتازه والمتوقع لقطع غيارها انها تنتشر وسعرها يبقى في المتناول الفتره اللي جايه لانها تجميع مصري..وده لا يقلل لا من الياريس ولا التوليدو
طب التوليدا اخبارها ايه فى التوكيل وقطع الغيار لأنى كتير قالى انها مش متوفره والياريس 1500 حد جربها وعامله معاه ايه والله انا محتار بين التلاته وكتير شكرولى فيهم بس انا خايف من السنترا عشان موضوع التقفيل المصرى دا
سنترا او ياريس
التوليدو افضل جودة فى مقابل سعر
مواصفات عالية وخاصة مواصفات الامان من فرامل و Airbags
اركب الثلاثة واشترى اللى ترتاح لها فيهم رغم ترجيحى للتوليدو ثم السنترا
بالتوفيق
اقتباس:
المشاركة الأصلية كتبت بواسطة mohab semary
بسم الله الرحمن الرحيم
أخى الفاضل
أولآ . . أحييك لأنك شخص واسع الأفق و لم تحجر أو تقصر الإجابه على ملاك السيارات فقط.
ثانيآ . . بكل ترحيب لك من صادق النصح والإرشاد و إليك الآتى:
1 - نيسان سنترا
1 - مع كل الإحترام و التقدير و الموده لكل ملاك هذه السياره فإننى أرى أن الوقت مبكر لإصدار حكم أخير عليها و إن كنت أتوقع لها أن تكون تحفه فنيه لنيسان لأن فئة السياره لا تسمح بالتهريج
2 - أرى أن النيسان سنترا أكثر السيارات الثلاثه متعه عند إستخدامها
2 - التويوتا ياريس
1 - أظن أنها الأطول عمرآ إستنادآ على تاريخ تويوتا المشرف و لكن ربما يكون هناك علامات إستفهام حول ثبات هذه السياره على السرعات العاليه لأن ثبات الكورولا (الفئه الأعلى) لا يمكن وصفه بالممتاز بعد ال 160 كم/ساعه
2 - هى بلا شك الأعلى فى سعر إعادة البيع
3 - سيات توليدو
1 - أضم صوتى لصوت الأخ الفاضل بأن التوليدو هى أفضل قيمه مقابل المال. فعلآ التوليدو تعطيك شىء فى مقابل كل جنيه مدفوع
وإليك ترتيب السيارات من حيث عناصر مقارنه أساسيه
1 - الوكيل
1 - توليدو
2 - ياريس
3 - سنترا
2 - إستمتاع أثناء إستخدام السياره
1 - سنترا
2 - ياريس
3 - توليدو
3 - الإعتماديه
1 - يتنافس على المركز الأول الياريس و التوليدو بالتساوى و ربما تنضم إليهم السنترا بعد وقت قصير (هذا ليس تشكيك فى السنترا ولكن تحرى للدقه قبل إطلاق الأحكام)
4 - القيمه مقابل المال
1 - التوليدو
2 - السنترا
3 - الياريس
5 - توفر قطع الغيار
جميعهم عند الوكيل فقط . . أما عن قطع الغيار المضروبه فلا أرى حاجه للحديث عنها لأنها أسرع طريقة لإهلاك أى سياره
هداك الله لأرشد أمرك و أقومه
السلام عليكم ورحمة الله و بركاته
التوليدو احسن في كل حاجه
زياره واحده وهاتعرف ليه التوليدو الرائعه
لو مكانك هاختار السنترا
حاليا هي فرس الرهان الرابحوفي السوق
العربيه انتشرت حاليا بصوره كبيره
خاصه بعد نزولها بسعر منافس