السﻻم عليكم
عاوز اعرف من الخبراء.. مالصورة دى ايه الضرر الى يلحق باى عربية من كبالن وعافشة ومحرك وفتيس وكهربا من تشبعها بالمياة الغزيرة دى.. سواء امطار وﻻ مية مجاري وﻻ طين ورووبه كبيرة وكتيرة..
استطﻻع
استفسار
شاركونا الرأى
والصور خير دليل
اترك لكم التعليق
بعد كارثة السيول.. دعوة للتظاهر ضد رؤساء أحياء الإسكندرية نهاية الشهر::التقرير المصري::
قالوا عن سيول الإسكندرية
نقول تانى
كهرباء:
خراب فى كهرباء السيارة خصوصا السيارات اللى بتشتغل على كارتات كمبيوتر....يعنى تلف الكارتات
زميلى فى العمل دخل مغسلة علشان يظبطوله العربية....شوية مياه وصلو لعقربة الفتيس (كارت الكترونى تحت ذراع الفتيس)...العربية حصل فيها مشاكل و غيره فى توكيل فورد ب 3 آلاف جنيه
فراغ بطارية السيارة نتيجة عملية التفريغ خلال المياه الغير عازلة كهربيا
صاج:
لو عربية صاجها مش معالج كويس او عربية قديمة....فدى دفعة و قفزة محترمة الى الامام فى طريق البارومة اللى بتكتر اكتر فى المدن الساحلية من غير امطار و لا حاجة
عفشة:
تسرب المياه خلال المساعدين و الكبالن و بلى العجل و السرر و كل دا هيبقى خشن بعد كدة نتيجة تلف الشحوم و هيحتاج يتغير
ميكانيكا:
و لو اويل سيل لفتيس او موتور ضارب المياه هتدخل برضه و بلية دبرياج الفتيس بالسلامة هى كمان نتيجة تلف الشحم