تعليق مرايات الضم للفكترا سي Vectra c folding mirror
دي مشكله صادفه اغلب الناس ان المرايه الجانبيه بتكون شغاله تمام بتفتح وتقفل لكن بعد محد بيقفلها بالغلط بايده او بتتخبط فمرايه عربيه تانيه مثلا فتتقفل بتفضل بعدها معلقه لا تفتح ولا تقفل ممكن ترجع تشتغل لوحدها بعد فتره او مع محاولات عديده او ممكن متشتغلش تاني :11:
المرايه جواها سويتش بيحدد وضع المرايه مفتوحه ولا مضمومه طبعا السويتش بيحصل فيه مشكله والكنترول مبيعرفش يتصرف لان السويتش مش بيبعت اشاره سليمه او بيفضل على وضعه
الحل التقليدي هو انك تغير المرايه لكن ممكن تكون المرايه سليمه وحرام تتغير خصوصا انها مش رخيصه
في حل ان السلكه المتوصله بالسويتش يتم فصلها من فيشه المرايه .. الفيشه دي ورا التويتر على طول هتبان بعد فك مثلث التويتر الموجود فالباب
بعد فصل السلكه اللي لونها اصفر/اسود (فك الترمله من الفيشه المفروض منقطعش السلكه عشان لو حبينا نوصلها بعد كدا) ان شاء الله المرايه هتشتغل تمام و هتفتح وتقفل بدون متعلق :10D5C8w1107:
طبعا ده 90% من سبب تعليق المرايه في اسباب تانيه ان يكون الموتور فيه مشكله او التروس اتكسرت او مشكله توصيل فالضفيره او الكنترول
