حد لية تجارب فى شراء من المزاد لاى سلعة كانت وهل فعلا المزادات فيها فرص حلوة وازااى بيدخلوا فيها
عرض للطباعة
حد لية تجارب فى شراء من المزاد لاى سلعة كانت وهل فعلا المزادات فيها فرص حلوة وازااى بيدخلوا فيها
ميش حد قبل كدة دخل مزاد ؟؟؟؟؟؟؟؟؟؟؟!!!!!!!!!!!!!1
اى نوع من المزادات حضرتك بتتكلم عنه ؟؟
أنا رحت قبل كدة مزادات جمرك مطار القاهرة بتاع العربيات...أغلبه عربيات تقيلة مرسديس فئات ال s , و عربيات دفع رباعى و 2000 سى سى فما فوق و دى ممكن تاخدها باتمان اقل شوية من سعر السوق
العربيات الشعبى بفى بتتباع بسعر السوق بالضبط لدرجة ان كنا - و اقصد بكنا هنا الافراد العاديين مش التجار - بنضرب كف على كف من اللى بيحصل....حاسين ان فيه شىءغريب بيحصل ، لدرجة واحد قال امال انا عربيتى بقى تسوى كام و كنا هنخرج
ما تقدرش تجزم بحدوث تلاعب و دا شىء محير فعلا المزايدة علنى و منصة عليها 5 و على عينك يا تاجر و المئات قاعدين و كله بيتسجل....منين الاسعار دى مش عارف !!! فيه شىء غرييييييييييييييييييييب
الحجة انه بيقولك عربيات برة دى فابريكة بمعنى الكلمة فبتسوى الاتمان دى
فى نقطة برضه انك بترخص عربيات المزاد كأول مالك...لذلك لما بلاقى العبارة دى فى اعلانات سيارات ما بتخيلش عليا لان عارف انه ممكن يكون واخدها من مزاد
العربية بتتباع لك و هما ملتزمين باللى فى كراسة الشروط بالنسبة لمواصفات العربية يعنى لو ما ذكرش موتور مفوت و انت لقيته مفوت ...ترجعها
الشواذ و الاسعار اللقط بتلاقيها فى العربيات الشواذ.....طيب ما هى هى سعرها واقع كدة كدة هنا فى مصر برضه
فى برضه هيئات محترمة بتعمل صيانات توكيل دى ممكن تكون كويسة
النوع التانى من المزادات اللى حضرته كان مزادات دهب فى مكة ...مكتب اسمه مزادات مكة
و هنا النقيض تماما اسعار خواتم و حلى باتمان فى الضياع...بس عرفت ان تمن الذهب بيقل لو فيه الماس قطع ، الخواتم و الفصوص و اللؤلؤ دا بتلاقى فيه فرص....و خلى بالك اللى بيبع بيبقى قاعد و لو ما عجبوش تمن الحاجة اللى عايز يبعها بيدخل باعلى رقم من الموجود و يبوظ البيعة قبل ما ترسى على حد حاطط تمن قليل
العربيات لازم تحط تامين دخول مزاد و متهيالى اغلب المزادات كدة بحيث لو فشكلت بيعة على الناس اللى بتبيع تكع على طول التامين...بس بتاع الدهب كان مفتوح لان العدد كان قليل و شغالين على طول مش بتواريخ محددة زى باقى المزادات
مزادات السفارة الامريكية ممتازة