جنون اسعار المستعمل

**الاسد المهاجر** · 06-11-2015 09:18 AM

مشكلة مجنناني عايز اجيب عربية ومش عارف قولت اجيب:
لانوس مو99 ام39بيطلبو45و48وباقي الدايومن55:50اما2009ل2015من80:55
الجوليت99بكلم48و2005يقولك56
قولت فيرنا2005من50و2008بيطلبو حاجه و60وباقي موديلات لحد80و90
قولت اجيب نوبيرا الطريف انها وصلت 65
وتدخل علي كل جروب في الفيس يقولك للزم نطلب اعلي سعر مش معنا احنا
العيب في مين وتيجي تكلم يقولك شوف الزيرو بكام شوف الدولار بكام طب النوبيرا انتجها اتوقف يطلب فيها ازاي65

ويقولك الاسعار هترفع تاني وناس تقولك هترخص

**الاسد المهاجر** · 06-11-2015 09:29 AM

المستعمل زاد من5ل10والغريب ان محدش بيشتري وبرده بيزودو الاسعار وتلاقي علي المواقع صاحب الاعلان كل يوم بيجدد الاعلان غير بقي ام الكدب يقولك فابريكة دواخل تروح تلاقي ستارة مروده علي البارد وتلاقيه بجح
ويقولك كسر زيرو وعامله50الف ك
يقولك فبريكة بالكامل ورشة حزام طب ازاي فبريكة
العيب في مين

**punisher** · 06-11-2015 10:15 AM

يا جماعه طبيعي جدا لما الجديد سعره يزيد ان المستعمل يزيد

هتقولي طب هو شاري العربيه بالسعر القديم وعايز يبعها غالي... هقولك حقه

ليه بقي

نفترض هو شاري مثلا لانسر من ايام ما كان سعرها 100 وسعرها دلوقتي 130... زمان كان ممكن يبعها علي 60 ل 80 حسب حالتها

نفترض ان العربيه مفيهاش غلطه فعلا فا ممكن يبعها ب 80 ولو حب يشتري نفس العربيه زيرو هيزود 20 ويجيبها ....

نيجي بقي بعد زياده الدولار .. العربيات تمنها زاد من 20-30 ألف دي فئه العربيات المتوسطه السعر

دلوقتي لو الراجل باع عربيته ب 80 وحب يشتري نفسها جديده يبقي هيدفع 50 بدل 20... يبقي ايه الحل؟ يزود تمن عربيته القديمه من 80 ل 95 او 100 او اكتر ويروح يشتري الجديده

يبقي ارتفاع الدولار ليه تأثير علي المستعمل زي الجديد او بمعني اخر بما اننا بلد مستورد لكل حاجه ف زياده سعر الدولار معناه قله قيمه الجنيه وبالتالي اللي بتشتريه دلوقتي بسعر كان ممكن تشتريه من كام سنه فاتوا بسعر اقل من دلوقتي بكتير

**punisher** · 06-11-2015 10:23 AM

نصيحه اخويه... اوعي تشتري عربيه زيرو كاش حتي لو معاك تمنها كاش

عارف ليه

عشان كل فتره الدولار بيزيد وتمن العربيه بيزيد ف بعد ما تسدد الاقساط اللي عليك هتلاقي سعر العربيه مع الفايده قريب اوي من سعرها الكاش

يبقي ليه تدفع تمنها كاش؟

استثمر فلوسك في حاجه تانيه احسن بس اشتري العربيه تقسيط اسلامي

**melouk1** · 06-11-2015 11:11 AM

المشاركة الأصلية كتبت بواسطة punisher

نصيحه اخويه... اوعي تشتري عربيه زيرو كاش حتي لو معاك تمنها كاش

عارف ليه

عشان كل فتره الدولار بيزيد وتمن العربيه بيزيد ف بعد ما تسدد الاقساط اللي عليك هتلاقي سعر العربيه مع الفايده قريب اوي من سعرها الكاش

يبقي ليه تدفع تمنها كاش؟

استثمر فلوسك في حاجه تانيه احسن بس اشتري العربيه تقسيط اسلامي

كلام مهم فين بقى التقسيط الإسلامي ؟

**sting_2010** · 06-11-2015 11:13 AM

اهو بجملة الجشع اللى فى المحروسة ! هى جات على المستعمل يعنى !

**egyption2012** · 06-11-2015 01:56 PM

المشاركة الأصلية كتبت بواسطة melouk1

كلام مهم فين بقى التقسيط الإسلامي ؟

كونتكت كارز

**egyption2012** · 06-11-2015 02:02 PM

اولا العربيات اسعارها مزادتش إطلاقا
الجنيه هو اللي قيمته قلت قدام اي حاجة سواء عملات أخرى أو منتجات
ولسه الجنيه قيمته حتقل كمان وكمان
اللي معاه عربية وكان طالب فيها 75000 من سنة واحدة
النهاردة حيطلب فيها 85000 مستريح وده حقه ومش ذنبه ان الجنيه قيمته بتقل
ومع ذلك هو مزودش سعر العربية لأنه كان عارضها من سنة بـ 10 آلاف دولار والنهارده عارضها بنفس السعر

مشكلتك مش مع اللي بيبيع عربيته بسعرها الطبيعي
مشكلتك مع اللي مش عارف يديرها وماسكها عافية
ولسه حيجيبلكم من قعر الزبالة