-
ينفع اشتري عربيه بيك اب
السلام عليكم ورحمة الله وبركاته
عجباني جد العربيه التويوتا هاي لوكس الدوبل كابينه و هي حتنفعني علشان عاليه و عفشتها قويه
بس انا موظف في شركه و معنديش سجل تجاري ينفع اشتريها و ارخصها عادي ولا ماينفعش؟
ولوينفع هل حيكون في عليا اي التزاماتبعد كده عند التجديد.
اسف طولت عليكم بس ارجومنكم إلافاده للأهميه
ولكم جزيل الشكر
-
اه عاجي بتترخص نقل عادي و لو انت بس اللي هتركبها ... لكن لو حد غيرك لازم تعمل تامين سواق و اااي يسوقها غيرك لاوم بكون معاه رخصه مهنية عشان محدش يغلس معاه...
-
-
يعني اقدر اسوقها بالرخصه الخاصه عادي؟؟
طيب و هل ضريبتها بتكون زي ضريبه الملاكي؟
معلش وهل بيكون التجديد بتاعها عادي بعد كده ولا بيبقي عليها ضرايب زياده لأنها نقل؟
معلهش انا اسئلتي كتير.
ولكم جزيل الشكر
-
السلام عليكم
حضرتك السيارة النص نقل بيبقى عليه التزامات غير الملاكى طبعا وهى فى حدود علمى كالاتى
طبعا بتجيبها وتروح المرور ترخصها وطبعا ضريبتها بتبقى اعلى من الملاكى وبتبقى حسب حمولتها
ثانيا لو انت اللى هتسوقها ماشى لو غيرك هتظطر تأمن على سواق وغالبا لازم هتأمن لان فى الكماين هيرخموا
ثالثا وده المهم هتروح تفتح بطاقة ضريبية للسيارة فى مأمورية الضرائب اللى انت تابع ليها ولما بيبجى معاد التجديد لازم بتروح الضرايب تتحاسب الاول وتاخد جواب من الضرايب موجه للمرور انك سددت الضريبة السنوية
-
وماينفعش تسوق برخصة ملاكي ، لازم رخصة مهنية
-
ينفع تشتريها وترخصها ملاكي عشان مش عربيه شركه
والبيك اب يتساق عادي برخصه خاصه .
لو اجره تحتاج مهنيه تالته.
عربيه نقل او اوتوبيس مهنيه تانيه او اولي
-
انا كمان بفكر اشتريها ... هي سعرها كام تقريبا ؟
-
يعني لو أنا اللي حسوقها بنفسي و مش لغرض تجاري لازم برده اعمل بطاقه ضريبيه
-
بما اني عندي عربية بأسمي فا اسمحلي بالطلعة دي
انت بتروح ترخص عادي في المرور وبتدفع طبعا ضريبة وتأمين
وبعدين يديلك تصريح 3 شهور بتروح انت خلالهم التأمينات تعمل ملف للعربية بأسمك وتدفع تأمينات ليها ولو انت هتركبها لحد غيرك يبقي هتدفع تأمين سواق وهتاخد منهم ورق بسداد التأمينات
بعدها تطلع علي الضرائب تفتح ملف ليك بأسم العربية ويتعملك بطاقة ضريبية وتدفع ضريبة تاني وبعدين تاخد منهم الورق اللي يثبت انك دفعت
وبعدها ترجع المرور في خلال ال3 شهور وتغير التصريح برخصة
ممكن تسوقها برخصة خاصة لو بأسمك
وخد بالك ان الموال ده هتعملة كل سنة لأن الترخيص اجباري سنوي مش ممكن كل 3 زي الملاكي
Content Relevant URLs by
vBSEO 3.6.0 PL2