الموضوع: ياجماعة علموتى ازاى انقذ غريق مصعوك بالكهربا وسط سيول مطر

المشاركة الأصلية كتبت بواسطة a7medalaa

هو في الموقف ده مفيش اي داعي للي بيعملوه ده سابو الولد يغرق و قاعدين يجروه بخشب و هما اصلا واقفين جنبه في المياه !! طب ما المياه موصل يعني لو لسة في fault كان زمانهم اتكهربوا هما كمان من بدري في الموقف ده انت و اقف جنب الولد في المياه و متكهربتش يبقي ال fault انتهي يبقي تروح تمسكه و تجري بيه علي اقرب مستشفي او تعمله الاسعافات اللازمة اول حاجة ضغط علي الرئة بحركات انقباضية باليدين لو لسة مفيش نبض يبقي تنفس صناعي من الفم و طبعا لو في مستشفي قريبة الأفضل ترك الموضوع للمتخصصين ..
اللي حصل هنا بالظبط ان الولد اتكهرب بالكابل فحصل fault فال fuse او ال circuit breaker فصل فانت واقف جنب الولد في المياه و متكهربتش يبقي تجري عليه علي طول متستناش خشب و كلام فارغ !!
اما في حالة انك بعيد عن الولد فمتعرفش اذا كان ال fault انتهي ولا لا يبقي اول حاجة تتعمل لو انت في البيت تجري علي لوحة ال circuit breakers او لوحة الاوتوماتيك بالبلدي و تفصل الرئيسي بعدين تجري علي الولد و تعمل كل اللي قلنا عليه اما لو في الشارع فيؤسفني اقول ان الوقاية هنا خير من العلاج لأن الصعق ب medium او high voltage او حتي low بتيار مرتفع بيكون مميت في لحظتها و لا يمكن تتبع المصدر لفصل التيار فهنا بيفضل يصعق لحد مال protective device سفصل لوحده فيبقي نقي اولادنا و انفسنا من الأول الموقف ده طالما فيه سيول متنزلش من بيتك و لو في شغلك خليك في الشغل و لو حصل عليك و انت في عربيتك في الطريق متنزلش من العربية تحت اي ظرف حتي لو لا قدر الله بطلت من المياه لان العربية هتحميك من الصعق حتي لو ضربتها صاعقة برق العربية بتعمل ك protective shield بتحفطك مش هتتنقلك الصاعقة طب لو المياه دخلت جو العربية ترفع رجليك علي الكرسي ومتلمسش المياه برجلك طب لو في الشارع وقت السيول و معاكش عربية ادخل اي مبني و اطلع للادوار العليا البعيدة عن المطر لحين انتهاء الامطار و ربنا يحفظنا جميعا

كلام جميل من واحد شكلة فاهم جداااااااااا

ياريت ح فاهم زيك يعمل فيديو وشرح للطوارئ هيكسب ثواب كبير جدا فى كاريثة زى دى ممكن تحصل لوللد اى طفل مننا ا

المشاركة الأصلية كتبت بواسطة a7medalaa

هو في الموقف ده مفيش اي داعي للي بيعملوه ده سابو الولد يغرق و قاعدين يجروه بخشب و هما اصلا واقفين جنبه في المياه !! طب ما المياه موصل يعني لو لسة في fault كان زمانهم اتكهربوا هما كمان من بدري في الموقف ده انت و اقف جنب الولد في المياه و متكهربتش يبقي ال fault انتهي يبقي تروح تمسكه و تجري بيه علي اقرب مستشفي او تعمله الاسعافات اللازمة اول حاجة ضغط علي الرئة بحركات انقباضية باليدين لو لسة مفيش نبض يبقي تنفس صناعي من الفم و طبعا لو في مستشفي قريبة الأفضل ترك الموضوع للمتخصصين ..
اللي حصل هنا بالظبط ان الولد اتكهرب بالكابل فحصل Fault فال Fuse او ال circuit breaker فصل فانت واقف جنب الولد في المياه و متكهربتش يبقي تجري عليه علي طول متستناش خشب و كلام فارغ !!
اما في حالة انك بعيد عن الولد فمتعرفش اذا كان ال Fault انتهي ولا لا يبقي اول حاجة تتعمل لو انت في البيت تجري علي لوحة ال circuit breakers او لوحة الاوتوماتيك بالبلدي و تفصل الرئيسي بعدين تجري علي الولد و تعمل كل اللي قلنا عليه اما لو في الشارع فيؤسفني اقول ان الوقاية هنا خير من العلاج لأن الصعق ب medium او high voltage او حتي low بتيار مرتفع بيكون مميت في لحظتها و لا يمكن تتبع المصدر لفصل التيار فهنا بيفضل يصعق لحد مال protective device سفصل لوحده فيبقي نقي اولادنا و انفسنا من الأول الموقف ده طالما فيه سيول متنزلش من بيتك و لو في شغلك خليك في الشغل و لو حصل عليك و انت في عربيتك في الطريق متنزلش من العربية تحت اي ظرف حتي لو لا قدر الله بطلت من المياه لان العربية هتحميك من الصعق حتي لو ضربتها صاعقة برق العربية بتعمل ك protective shield بتحفطك مش هتتنقلك الصاعقة طب لو المياه دخلت جو العربية ترفع رجليك علي الكرسي ومتلمسش المياه برجلك طب لو في الشارع وقت السيول و معاكش عربية ادخل اي مبني و اطلع للادوار العليا البعيدة عن المطر لحين انتهاء الامطار و ربنا يحفظنا جميعا

معلم و الله ينور عليك

اللى يقع من الصعق بيتعمل له تنفس صناعى و ضغط على عضلة القلب لانه بيكون اتوقف فى اول فترة بعد الصعق و الكلام تحديدا على الجهود لغاية 400 فولت و دى جهود المنازل و الشوارع ...كتير من المتخصصين فى مجالهم مش عارف المعلومة دى

- شوف اى حاجة خشب تقف عليها و تشد المصعوق و الحذر كل الحذر من ملامسة اى شىء سوى المصعوق سواء حائط او ارض

و احذية ال safety فى منها نوعيات كهربية تغنيك عن العمل دا

- شد المصعوق من ملابسه و عدم ملامسة الجسم و دا عملها واحد معايا فى الشغل مع زميل آخر و هأكد ان شاء الله على المعلومة دى و هنا مش لازم تقف على حاجة خشب و لا حاجة

-دخول وسط كالماء يعقد الامور و الاحوط معاملته كموصل

-فى الحالة زى دى مادام ماوصلش يبقى الكهرباء الام فصلت او مدى التوصيل بعيد ، مش معقول هحط سلك فى اسكندرية اكهرب بيه ايطاليا و دا سر خوف الناس اللى بتتفرج ، و لكن يمكن الاقتراب التدريجى

تردد الكهرباء خمسين مرة فى الثانية يبقى التحرك و التعامل بسرعة شبيهة !!!

المشاركة الأصلية كتبت بواسطة a7medalaa

متفق 100 %

- مرور الكهرباء بيسبب توقف عضلة القلب و لو مر لفترة زائدة بيسبب تأين الدم مما يسبب الوفاة و الاسعافات الاولية للصعق بتكون تنفس صناعي و ضغط علي عضلة القلب زي ما حضرتك تفضلت و تدفئة للمصاب عشان يرجع سريان الدم

مظبوط بس يبقي حظه وحش لو ملابسك polyester :d بس في كل الاحوال الصاعقة اللي هتتنقله مش هتكون كافية انها تاذيه لانه هيشدك بسرعة و يبعدك عن مصدر الصعق بس ده لو مفيش جنبه اي عصاية من مادة عازلة و لو اني بفضل نمشي مع كل كتب السلامة الي بتقول انك تجري علي مصدر التيار تفصله بس في بعص الظروف الاستثنائية مش هيكون ده سهل او سريع بما فيه الكفاية فهنا احسن حل انك تشده بقطعة بلاستيك او خشب او من هدومه زي ماتفضلت بس بسرعة شديدة عشان متتصعقش معاه

متفق تماما بس اللي اقصده انك واقف جنب الولد في المياه و مش اي مياه دي مياه في الشارع مليئة بالشوائب الموصلة للتيار املاح و معادن و متكهربتش يبقي مش استني اجيب خشب و اتفرج علي الولد بيغرق تصرف غريب جدا منهم ! ده في بعض الاحيان ممكن تنتشل حد بيتكهرب جوة المياة و تنقذه و متموتش بس بشرط انك تجذبه بسرعة جدا عشان الصاعقة اللي هتتنقلك متبقاش قوية عليك بما يكفي انها تأذيك انت كمان زي في الفيديو ده http://youtu.be/bsieenrvero

و ربنا يزيدك من علمه

انت كنت فعلا عايز اقول على نقطة الهدوم و انها بتفرق فعلا ...البوليستر نشط لنقل و تخزين الشحنات.....انا مرة كنت فى البيت لابس بنطلون بوليستير و قاعد على كرسى عليه مفرش بوليستر برضه و الارضية موكيت...يعنى مفيش تسريب شحنات ...و صاحبك عمال يشحن زى المكثف ههههههه...المهم والدتى مش عارف بقرب منها بلا مبالغة شرارة طالعة منى عليها عاملة بالظبط زى شرارة البوتاجاز الكهربا ...انا اتلسعت بس هى ما حصلهاش حاجة.....نوايا هههههه.....انا استحليت الموضوع و اللى هيقرب هكربه خصوصا ناس معينة معروفين طبعا ، و حكيت لزميلى فى الشغل على الموضوع دا قال دا كان سبب فى انفجار محطة وقود فى أمريكا و علشان كدة مهتمين بعملية تأريض الشحنات الإلكتروستاتيكية

سعيد بالحوار مع حضرتك و ربنا يجازيك كل خير

[QUOTE=volociximab;3876029440]طب لو فرضنا ان شخص جنبك عمود كهربه هل ممكن ابعده برجلي ..بمعني هل نعل الجزمة موصل
/QUOTE]

أنا عارف انت عايز تعمل أيه هههههه

درجة توصيل نعل الجزمة على حسب المادة المصنوع منها و هى فعلا بتبقى عازلة لدرجة ما و ممكن تبقى عازلة تمام زى انواع فى أحذية ال Saftey و هقولك على تجربة تعملها تعرف بيها درجة عزل الحذاء....

هات مفك تست ضخم بحيث لمبته تكون كبيرة وواضحة

حط المفط فى الفيشة (نقطة الكهربا مش الارضى) و انت واقف حافى ، هتلاقى اللمبة بتاعة المفك نورت بشدة

ألبس اى نوع من الأحذية و كرر تانى هتلاقى شدة الاضاءة قلت و النور خفت

جرب تقف على خشب مش هتلاقى حاجة نورت

و بكدة ممكن تعرف درجة عزل النعل ......و ساعتها تعمل الإجراءات السليمة مع اللى متكهرب :)