لماذا أقدم بنكا "الأهلى" و"مصر" على رفع الفائدة على شهادة الادخار لـ12,5%

ههههههههه
انا سعيد ان فى ناس متأثرة بكتابات العبد لله و فاكراها رغم مرور سنة عليها.... دى شهادة اعتز بيها
اما التعليق نفسه فهو زيه زى غيره..... رأى و تحليل.... طلع صح طلع غلط ده شئ كان متروك للزمن و تفاعلات كتييييير...... زى ما برضه انا كنت اعتقد ان بريطانيا هتفضل فى الاتحاد الاوروبى ..... و اخطأ توقعى..... و حدثت المفاجأة لى و للعالم كله ...... و بعدها اعطيت نسبة اكبر لفوز ترامب من ناحية ان كل شئ ممكن و ان كنت ما ازال حتى ساعة متأخرة من ليلة امس ارجح فوز كلينتون
الشئ المؤكد..... هو انه خلاص.... مبقاش فى شئ خاضع دائما للتوقعات المنطقية..... و عدم اليقين اصبح هو القاعدة فى كل شئ

:)
أيه سرعة الاستجابة دى ... ده حضرتك كنت منتظر بقى :)
وعلى الرغم من إختلافى مع ارائك احياناً ... إلا إنى بأكن ليك الإحترام اللى أصبح نادر إن الواحد يشوفه هنا
وبالنسبة للى بيحصل ده شيئ عادى وبالنسبة ليا متوقع ... فى ظل وجود قواعد جديدة خاضعة للامنطق
تحياتى ليك يا أ.ماهر ... وتقل الغطاء قبل ما تتوقع تانى :)

ما هو انا مقدرتش اقاوم بصراحة نشوة ان فى ناس فاكرة آراء انا كتبتها من سنة كاملة انا نفسى كنت نسيتها :)

و خلى بالك انا شوفت النهائى من سنة كاملة فى الوقت اللى كان لسه فيه مرشحين كتير و ما كانش حد عارف هتصفصف على مين فى النهائى و لا حتى كل حزب اعلن عن مرشحه النهائى ..... و دى فى حد ذاتها تحسب للعبد لله

اما بقى النتيجة فدى عاملة زى خسارة الارجنتين المتكررة من شيلى.... احتمالها قليل بس تأثيرها كبير.... زى تأثير فوز الاخ ترامب اللى هيورى العالم الويل الكام سنة الجاية بالالماظات اللى هتطلع من دماغه :)

و بعدين انا حيالله قدمت رأى و كمان من سنة كاملة طلع نصه صح و نصه غلط ..... تقول ايه بقى للى كان مراهن على الرأى ده بفلوس..... نيكى نزل 1000 نقطة و بورصات العالم كلها بالمثل سجلت خسائر.... و لسه الزعيم وول ستريت هيكح دم كمان نص ساعة :)

هو اللي يخوف مش ترامب نفسه, اللي يخوف بجد هو انتصار نوعية الناس اللي بتأيد واحد زي ترامب او صوتت لفكرة زي البريكزت Brexit.
واضح ان الديموقراطية طلعت ممكن تودي في داهية حتى مع محترفيها..

طب و أخبار الدولار ايه؟ كان في ناس شايفه ان الدولار بيهوي و ان طارق عامر بيسيطر و بيضرب السوق السودا و الناس هتجري تبيع الدولار قبل ما يرخص. الدولار معدي ال 20 جنيه مرتاح.

اقتباس:

---

المشاركة الأصلية كتبت بواسطة svneleven

طب و أخبار الدولار ايه؟ كان في ناس شايفه ان الدولار بيهوي و ان طارق عامر بيسيطر و بيضرب السوق السودا و الناس هتجري تبيع الدولار قبل ما يرخص. الدولار معدي ال 20 جنيه مرتاح.

---

:Y_hi_3[1]:
http://www.nilemotors.net/Nile/495737-500.html

المصيبه الاقتصاديه فوق الوصف و الخيال لان مفيش مشاريع انتاج و تصدير حقيقى خالص بس مش هتفلس و لا هتقفل مصرلاء هتفضل تروس شبه الدوله تسير ببطىء شديد يطحن معها المواطن بالتدريج حسب طبقته الحاليه
:durak::durak::durak:

يااااااه
الدولار دلوقتي بقي ب 18 بلبل
والشهادات ف البنك بقت ب 20%

موضوع شيق جدااااااا