الموضوع: موضوع مفتوح للمناقشه عشان الجشع

كلام سليم مية فى المية ... انا رحت انجلترا فترة قصيرة واتكلمت مع واحد هناك على أسعار السيارات المستعملة ... وقالى ان العربية بتخسر من تمنها بعد خروجها من باب المعرض 15 % من تمنها الأصلى وفى خلال تلات سنين الخسارة بتكون حوالى 35% إلى 50 % حسب حالة السيارة و ده عرف مش قانون يعنى الناس هناك متعارفين على كده على اساس ان دى حاجة منطقية .....طبعا احنا عندنا العكس .

انت بتتكلم على كارينز ؟؟؟ انا رحت عند معرض مستعمل (بدون ذكر اسمه عشان الفضايح) وسألته على هيونداى النترا موديل 2008 قلتله بكام ...قالى ب 125000 وعاملة 30000 كيلو بس يا باشا و مش كسبان فيها ولا مليم هع هع هع هع.

عامة لو الفرق بين الزيرو ونفس الموديل فى المستعمل حتى لو كسر زيرو اقل من 25000 يبقى هات زيرو أحسن وخليه يلبسها .

فيه تجار عايزين يكسبوا بال 30 الف فى عربية لما تكون فوق ال 100
و تحت ال 100 بيبقوا عايزين على الاقل 5 الف تقريبا
و هو دا اكتر حاجة مخلية سوق المستعمل زبالة فعلا .... تجار السبوبة
دا غير العصابات المتخصصة فى التلبيس يقولك (و اصبح فيه بلاد مشهورة بالنصب ) فبريكا و تطلع ملعوب فى اساسها ... حاجة تقرف فعلا

سوق المستعمل مشكلته :
1- التجار: هات ب 10 و بيع ب 11 او 12 او 13 و يقولك شطارة
2- البعض يستثمر فى السيارات (رغم ان العقل بيقول انها سلعة استهلاكية .... يقولك اشترى تويوتا و اركب و انبسط و بعد سنة بيع باغلى من ثمنها )(و للاسف بيلاقى اللى يشيل )
3- ثقافة الشعب اسمها يابانى ثم كوري
4- بعض السيارات بيزيد ثمن اعادة البيع بعد نزول الموديل الاحدث بعيوب او باسعار باعلى بكثير من الاقدم (دي حالة الكارينز)
5- بعض العربيات بتبقى نادرة مستعمل
6-

وجهه نطرى المتواضعه ان ف تلات انواع من السيارات
1 - بيحافظ ع سعرة
2 - بيقل مع مرور السنوات
3 - بيزيد مع مرور السنوات
على سبيل المثال عربيه زى الفيرنا الى معايا هى موديل 2007 انا شاريها ب 50000 من 3 سنين لو جيت بعتها دلوقتى مش هبيعها بأقل من 50000 برده لانها محافظه ع سعرها بالأضافه الى حاله العربيه طبعا
وفى حاجات بتعلى كمان سعر السياره زي الكماليات او حاله العربية عموما لو كانت نضيفه او متبهدله

1- هو اللى بيخلى سعر السيارة فى اعادة البيع اعلى من سعرها زيرو لما يكون اشتراها من 5 او 6 سنين هو تذبذب سعر الدولار و غلاء السيارات الجديدة بشكل واضح وكبير ودا بدوره بيخلى اى واحد اشترى سيارة ب80 الف مثلا من 8 سنين يبيعها بنفس السعر او اعلى قليلا لأن الجديد هيبقى فى حدود 150 الف ودا ممكن مايبقاش فى مقدور حد و بالتالى هيضطر يشترى مستعمل بنفس المبلغ المطلوب
2 - الشىء التانى كل اما تبقى السيارة متداولة اكتر ومنتشرة جدا تلاقى سعرها بيمسك نفسه ودا بردو بنشوفه فى سيارات مش ممتازة اوى للدرجة بس الفكرة انها منتشرة يعنى تجيب سيارة البلد كلها بتركبها افضل من سيارة كويسة وقوية بس عدد راكبيها اقل

طبعا سوق السيارات فى مصر مختلف مثلا عن الخليج لأننا فى الخليج نلاقى ان السيارات بينظر لها على انها زى اى سلعة مستهكلة وليست معمرة فتلاقى سياراة موديل 2014 وبتتباع فى 2015 بنص سعرها وهكذا مع مرور الزمن ..انما عندنا فى مصر لأنها سلعة مش فى مقدور الكل يشتريها بيزيد سعرها مع الوقت و تدهور سعر العملة بيساعد كما قلت فى ضبط سعرها او انه يزيد عن سعرها وهى زيرو ..

المشاركة الأصلية كتبت بواسطة Copacapana

1- هو اللى بيخلى سعر السيارة فى اعادة البيع اعلى من سعرها زيرو لما يكون اشتراها من 5 او 6 سنين هو تذبذب سعر الدولار و غلاء السيارات الجديدة بشكل واضح وكبير ودا بدوره بيخلى اى واحد اشترى سيارة ب80 الف مثلا من 8 سنين يبيعها بنفس السعر او اعلى قليلا لأن الجديد هيبقى فى حدود 150 الف ودا ممكن مايبقاش فى مقدور حد و بالتالى هيضطر يشترى مستعمل بنفس المبلغ المطلوب
2 - الشىء التانى كل اما تبقى السيارة متداولة اكتر ومنتشرة جدا تلاقى سعرها بيمسك نفسه ودا بردو بنشوفه فى سيارات مش ممتازة اوى للدرجة بس الفكرة انها منتشرة يعنى تجيب سيارة البلد كلها بتركبها افضل من سيارة كويسة وقوية بس عدد راكبيها اقل

طبعا سوق السيارات فى مصر مختلف مثلا عن الخليج لأننا فى الخليج نلاقى ان السيارات بينظر لها على انها زى اى سلعة مستهكلة وليست معمرة فتلاقى سياراة موديل 2014 وبتتباع فى 2015 بنص سعرها وهكذا مع مرور الزمن ..انما عندنا فى مصر لأنها سلعة مش فى مقدور الكل يشتريها بيزيد سعرها مع الوقت و تدهور سعر العملة بيساعد كما قلت فى ضبط سعرها او انه يزيد عن سعرها وهى زيرو ..