من فضلكم النصيحة بخصوص شراء اول سيارة

السلام عليكم و رحمة الله و بركاته
من فضلكم محتاج منكم النصيحة لانى جديد فى مجال العربيات

انا نويت ان شاء الله اشترى اول عربية ليا و انا جديد فى السواقة يادوب اتعلمت فى مدرسة سواقة و طلعت الرخصه

بعد البحث على النت لقيت ان احسن عربية تناسبنى هى اللانوس .. و الحمد لله قدرت اوفر 45 الف لشراء العربية حسب ما شوفت اسعارها على النت برضه

المشكلة دلوقتى انى بلاقى عربيات معروضة على النت و شكلها كويس و سعرها مناسب لكن مش عاوز اروح اشتريها لحسن تكون مقلب و اتخم فيها .. لانى تقريبا معرفش حد بيفهم فى العربيات ييجى معايا .. و ف نفس الوقت مفيش فنى معرفة اثق فيه ..

و فى نفس الوقت قريت كلام بيحذر من الشراء من السوق او الصالات بالنسبة لقليل الخبرة ... ههههه ... انا عديم الخبرة اصلا ..

و انا على الحال ده ليا 3 شهور ... النية موجودة ... و الفلوس موجوده .. و العربيات للبيع معروضه ... لكنى لسه فى مكانى و مفيش جديد ...

تنصحونى اعمل ايه .....؟؟

الافضل حضرتك تجيبها من حد معرفة او تاخد معاك واحد ثقة ويفضل يكون ميكانيكي طبعا