أطباء االمنتدى ومن مر بهذه الحاله عافاكم الله

**Ahmed1111111** · 09-11-2015 08:41 PM

السلام عليكم ورحمة الله وبركاته
وأنا بتصفح فى النت وجدت هذا القسم ووجدت تجاوب من الاخوه الاعضاء
مرض نقص الصفائح الدمويه
منذ حوالى خمس سنوات كنت قد ذهبت لدكتور باطنى لمشاكل فى القولون ادت الى شرخ فطلب منى تحليل دم فكانت النتيجه ان عدد الصفائح الدمويه 55 الف مع ان المعدل الطبيعى ( من 150 الف إلى 450 ألف ) مع نقص انصباغ وصغر حجم كرات الدم الحمراء فأعطانى علاج يدعى
selemin ACE
وطلب منى اعيد تحليل الدم تانى بعد اسبوع وعيدته وارتفعت الصفائح الى 115 الف ومتابعتش بعدها حاجه لانى مكنتش رايحله بسبب الموضوع ده ومحطتش فى بالى
من حوالى شهر روحت اعمل عمليه جراحيه فلما عملوا تحليل للدم طلع عدد الصفائح 26 الف صفيحه فبعد العمليه روحت لدكتور امراض دم وطلب منى تحاليل كتير ومنهم صورة دم كامله وطلعت الصفائح 19 الف صفيحه
فادانى اربعة انواع من الادويه العلاج الاساسى فيهم هوه علاج كورتيزون يسمى
Solupred 20 mg
وبقية العلاجات هى كالتالى
Ostoval , controloc , one alpha
واخد علاج الكورتيزون تلات اقراص يوميا بس طبعا لما قريت عن الاثار الجانبيه للكورتيزون بصراحه قلقت جدا لان من ضمن اثارة الجانبيه ( عتامة عدسة العين – ارتفاع السكر فى الدم – الاصابه بمرض الروماتيزم – الام فى العضلات – طرد عنصر البوتاسيوم مما يؤدى الى فشل فى مهام القلب – حجز عنصر الصوديوم مما يؤدى الى ارتفاع ضغط الدم – هشاشة العظام ) ده غير النفخه بتاعة الجسم
هوه الدكتور مدينى كالسيوم وفيتامينات علشان يقلل من اضرار الكورتيزون بس انا بصراحه قلقان
ومش عارف بقى لو الصفائح زادت بترجع تقل تانى يعنى هفضل ماشى على العلاج علطول ولا ايه
وهل مرض نقص الصفائح الدمويه ده خطير ولا الواحد بيعيش بيه عادى
وعافاكم الله

**pepo2011** · 10-11-2015 08:52 AM

نقص الصفائح يعني نقص المناعة
الافضل انك تظل متابع مع دكتور امراض الدم فترة لحين استقرار الحالة انشاء الله

**pepo2011** · 10-11-2015 08:54 AM

الصفائح الدموية هي أصغر أنواع خلايا الدم، وهي المسؤولة عما يعرف "بتخثر الدم" أي منع حدوث نزيف من الأوردة أو الشرايين، وينتج النخاع العظمي هذه الصفائح، عند حدوث أي تكسر أو نقص فيها.

ويضيف أنه يوجد نوعان من نقص الصفائح، الأول يحدث بسبب خلل في النخاع العظمي أي في منشأ هذه الصفائح قبل تخليقها، أما النوع الثاني فيحدث بعد إنتاج هذه الصفائح، حيث تظهر كجسم غريب عن الجهاز المناعي، فيبدأ بمهاجمة الصفائح وتكسيرها.

**pepo2011** · 10-11-2015 08:57 AM

لتكسر الصفائح الدموية نوعان، الأول حاد أو مزمن، وتكسر الصفائح الدموية الحاد، يستمر مدة لا تتجاوز الـ6 أشهر، أما المزمن، فهو الذي يستمر مدة أكثر من عام.

غالبا ما يشفى 85% من الحالات المصابة بتكسر الصفائح الحاد تلقائيا ودون علاج، ولكن تنخفض تلك إلى النسبة الى أقل من 20% في حالة الإصابة بالتكسر المزمن.

تظهر أعراض الإصابة على شكل كدمات زرقاء، بالإضافة إلى نزيف من الأنف، اللثة، الجهاز الهضمي، أما السيدات فيصبن بغزارة الدم خلال الحيض، ويمكن التعامل مع تلك الحالات بالتغذية المناسبة، ولكن في بعض الحالات البسيطة لا تتعدى نصف في المئة من الإصابة بالوفاة نتيجة للنزيف.

**amr011111** · 10-11-2015 09:08 AM

متابع

**Ahmed1111111** · 13-11-2015 05:10 PM

للرفع

**zico707** · 13-11-2015 06:52 PM

لازم تتابع مع د امراض دم ولو كتبلك علاج حتى لو كان كورتيزون تاخده لان نقص الصفائح يسبب زيلدة سيولة في الدم وهو مشكلة خطيرة قد تسبب النزيف ،،،بعد الشر

**Ahmed1111111** · 13-11-2015 10:00 PM

المشاركة الأصلية كتبت بواسطة zico707

لازم تتابع مع د امراض دم ولو كتبلك علاج حتى لو كان كورتيزون تاخده لان نقص الصفائح يسبب زيلدة سيولة في الدم وهو مشكلة خطيرة قد تسبب النزيف ،،،بعد الشر

انا متابع مع دكتور امراض دم. بس قرأت على النت ان اى علاج ما هو الا حاجه مؤقته بترفع عدد الصفائح لوقت قليل مثلا علشان حد هيعمل عمليه فيرفعوله الصفائح قبلها ومجرد ما توقف العلاج بترجع تقل تانى وده اللى مخلينى اقول انى هاخد الاثار الجانبيه للكورتيزون وفى الاخر تقل تانى الا اذا وجد السبب اللى بينقص الصفائح والدكتور طلب منى تحاليل فيروسات وجرثومه المعده ولقى ان كل التحاليل نتائجها سلبيه. فده الى مقلقنى وبقول انى اوقف العلاج وانا عايش بيها كده بقالى خمس سنين

**volociximab** · 16-11-2015 06:24 PM

المشاركة الأصلية كتبت بواسطة pepo2011

نقص الصفائح يعني نقص المناعة
الافضل انك تظل متابع مع دكتور امراض الدم فترة لحين استقرار الحالة إن شاء الله

لا لا

**volociximab** · 16-11-2015 06:27 PM

و عليكم السلام و رحمة الله و بركاته
تابع مع دكتور دم كويس
الكالسيوم لتجنب اثار الكورتيزون على العظام
مينفعش تبطل كورتيزون مرة واحدة
اعتقد السبب مناعي
متسكتش على نفسك و ان شاء الله الامر بسيط

الموضوع: أطباء االمنتدى ومن مر بهذه الحاله عافاكم الله

LinkBack

أدوات الموضوع

عرض

-

-

-

-

-

-

المواضيع المتشابهه

أبحث عن نوع سيارة مستعملة بهذه المواصفات إن شاء الله

استفسار من أطباء المنتدى

الي أطباء المنتدي

أفيدونى عافاكم الله

الكلمات الدلالية لهذا الموضوع

المفضلات

المفضلات

ضوابط المشاركة