عرض للطباعة
تحياتى للجميع
بعد الانتهاء من بناء البدروم واستكمال بناء البيت ومرور سنتين
يشاء ربك بظهور مياه فى البدروم بارتفاع 40 سم تقريبا وقابله للزياده
فى عالم الانشاء والمعمار تعتبر مصيبه وكارثه لصاحب البيت وربنا يلطف
السؤال
هل فى مكان معين يقدر ياخد عينه من المياه ويقوم بتحليلها لمعرفه
هل هى
مياه جوفيه من باطن الارض
ام هى
مياه صرف صحى تيجه تسريب احدى مواسير الصرف
طبعا فيه أماكن كتيرة بتعمل التحليل ده بس إنت كاتب الإقامة فى الرياض . أغلب الظن إن البيت ده فى مصر
الموضوع بسيط جدا . حتاخد شوية مية فى زجاجة و تروح معامل التربة و الأساسات مثل ACE التابع لمحرم باخوم فى المهندسين أو معمل أى كلية هندسة أو حتى كلية علوم . فى مكاتب إستشارية بتعمل التحليل ده .
المشكلة مش نوع المية لإنها لو صرف صحي بتحددها بالريحة بسهولة: المشكلة مكان دخول المياة لتحديد السبب و العلاج
الإحتمال الأول : لو المياة داخلة من سقف البدروم على الأرض : غالبا تبقى مياة سطحية إتسربت من الخارج مع المطر أو كسر ماسورة و دخلت من مكان غير معزول أو عزله ضعيف . دى بسيطة جدا لإنك بتحدد الجانب الضعيف و تعيد عزلة بالmembrane من الخارج .
الإحتمال الثانى : تسريب ماسورة صرف و دى تعرفها من المنطقة المحيطة لو فيه حد تانى عنده نفس المشكلة و هل منسوب الماسورة أوطى من أرضية البدروم و لا أعلى منه : يعنى المياة داخلة من فةق أو من تحت.
الإحتمال الأسوأ : إرتفاع منسوب المياة الجوفية بس دى تبقى حالة عامة مش بيتك لوحدك .ودى لازم تدرسها كويس
متشكر جدا على ردك ahmedwagdy03
البيت فى مصر
هو فعلا فى ناس بتاكد انها مياه جوفيه بسبب انها ليس لها ريحه
بس انا كنت عايز اتاكد لان مصاريف اعاده عزل المياه من حوائط الجيران هيكون بانشاء حوائط خراسانيه بارتفاع متر ونص حولين البدروم كله من الداخل
وهتكون مكلفه جدا دة لو المياه من حوائط الجيران
اما لو المياه من اسفل البدروم الخرسانه لبشه الى اعلى فديه المصيبه الى مش عارف حلها
ياااااااااااااااااااااااا اة
حضرتك فكرتنى بمشكلتى التى عانيت منها لمدة طويلة وحاولت اردم البدروم وطبعا كل المهندسين قالوا غلط لازم تشوف سبب التسريب وتعالجة
الحمد للة تمت المعالجة وبصورة سحرية وتم وقف المياة وتحلت المشكلة
هااشوف اسم المادة اية وافيد حضرتك بها التى استخدمتها لو حضرتك حبيت
فين المكان
ارض صحراوية. ولا زراعيه
ياريت حضرتك تحكى عن كامل التجربه الموضوع عامل نكد شديد فى البيت ومش عارفين نتصرف ازاىاقتباس:
المشاركة الأصلية كتبت بواسطة tkamal
ارض زراعيه قريبه من نهر النيلاقتباس:
المشاركة الأصلية كتبت بواسطة hugan
يارب ييسرك حل كويس ليكو ان شاء الله
كنت عملت بدروم من فترة طويلة تقريبا 18 سنة واثناء الانشاء كان سهل اعزل بين الجار وعزلت بمواد كيميائية وبتومين ساخن خارجى ومواد بين الخرسانة
بعد الانشائات لقيت مياة من كل نوع عندى يعنى على سبيل الامثلة مياة من ماسورة التليفونات حيث انها مكسورة وهى بلاستيك وكانت مياة كثيرة منها وطبعا مستحيل تعرفها من اين وايضا مياة من جيران ومياة جوفية ..........
ففكرت فى ردمة لانى زهقت والمهندسين رفضوا هذا لانة لا بد من معالجة المشكلة
احضرت اكثر من استشارى ومهندسين واشاروا بانة المياة من لحام الحوائط الافقى مع الراسى وتم عمل مواد ايبوكسية وبشكل رقبة زجاجة من اسفل ولم تنجح
اخيرا عرضت مشكلتى على صديق يعمل فى شركة سيكا فاشار على بمادة تستعمل فى حمامات السباحة وهى تدهن وقال لى انة تمت تجربتها عند احد العملاء من فترة وتجحت وتواصلت مع العميل وطماننى ونجحت وتكلفتها تافة جدا
سوف اسالة عن اسمها وافيد حضرتك بها والحمد للة من ساعة مادهنت بها الحمد للة لا توجد مياة ولا حتى رطوبة الحمد للة
الف شكر لحضرتك وفى انتظار اسم المادةاقتباس:
المشاركة الأصلية كتبت بواسطة dedi
انا اخر حل وصلى من مهندسن انشاء حوائط اسمنيه بمواد عازله حولين البدروم بتكلفه فوق 50 الف جنيه
والله اعلم هل ده حل اكيد ام تجربه
الاساسات عندك لبشه ولا قواعد منفصلهاقتباس:
المشاركة الأصلية كتبت بواسطة tkamal
ماعلش اسف لتاخرى فى الرد سارسل لحضرتك تليفونى على الخاص ولكن ساشرح هنا ماقمت بة على العام للفائدة للجميع لانى عانيت كثيرا وتكلفت كثيرا
طبعا انت كدة بتعزل عزل سلبى يعنى من داخل البدروم لمنع المياة من الوصول للداخل وطبعا دة يعنى ان الحوائط من الخارج معرضة للمياة ولكن لا يمكن عمل شئ
اولا :- يتم ازالة اى حديد او اشاير ظاهرة فى حوائط البدروم
- تقفيل اى تعشيش اى فراغات بين الحوائط يتم اغلاقها باسمنت ايبوكسى
يتم كنس الارضية جيدا واذا كانت لبشة خرسانة يتم كنسه جيدا واذا كانت قواعد وشدادات يتم عمل رقة خرسانة بسمك 10 سم من اسمن ورملة وزلط رفيع واى مادة من سيكا تمنع تفاذية المياة يتم خلطها مع الخرسانة
اذا كانت الارضية لبشة يتم عمل نظافة لنقطة التقاء الحوائط الرئسية بالارضية وازالة ساقط الخرسانة باجنة وشاكوش ثم يتم عمل شكل رقبة زجاجة وهى عبارة عن مونة اسمنت ورملة ومادة للالتصاق بين المونة القديمة والجديدة ويتم عمل شكل رقبة الزجاجة اى شكل كيرف
كدة نحن جهزنا لدهان المادة هى اسمها سيكا سيل 105 تستخدم فى الحمامات السباحة وهى عبارة عن مادتين يتم خلطهم بالهلتى او شنيور جيدا سعرها 130 جنية وتغطى 8 متر مكعب وجهان دهان ويتم بفرشاة ويتم شرائها من توكيل سيكا
وطبعا الدهان على الحوائط الخرسانية وطبعا بعدة يمكن عمل محارة او اى شئ ولكن لا يمكن عمل مسامير او فيشر فى الحوائط خوفا من دخول المياة
اغلى شئ هو تكلفة المادة يعنى اجمالى التكلفة كلام فاضى المهم التنفيذ الصح
الاساسات لبشهاقتباس:
المشاركة الأصلية كتبت بواسطة amr011111
تحياتى لك وشاكر جدا لمجهودك لكن فى نقطه مش واضحه عندىاقتباس:
المشاركة الأصلية كتبت بواسطة dedi
هل فى الحل دة انت لم تقم بعمل اى حوائط خرسانيه ابدا
يعنى انت تقريبا قمت بعمل بمحارة للحوائط الجانبيه بطريقه الرقبه مع خلط الاسمنت ايبوكسى بالماده سيكا 105
هل هذا فقط ما قمت به ؟؟؟
بالنسبه للمواد فى مهندس قالى ماده سيكا جميله بس تعتبر منتج قديم شويه وفى منتجات حديثه عنها
على سبيل المثال
أديكور أم
ايه رايك ؟؟؟
http://cmbegypt.com/ar/uploads/pdf/0...ddicur%20M.pdf
نفس الحوائط القديمة . عمل حوائط جديدة مكلف جدا ومن اين تضمن انة لن يسرب ايضا ولكن الحوائط كانت على الخرسانة كما هىاقتباس:
المشاركة الأصلية كتبت بواسطة tkamal
لم اعمل محارة خالص والخطوات كالتالى
1- ازالة اى حديد او اشاير ظاهرة على الاسطح اى قصها بصاروخ حتى نهايتها اى غير بارذة عن الحوائط
2- اذا وجد فى الحوائط تعشيش اى فراغات بين الخرسانة يتم ازالة الظاهر من المونة اى الساقط بمعنى ازالة الفراغات والتى يمكن ازالتها بسهولة ثم حشوها بمونة من اسمنت ورملة مضاف لها لاصق خرسانة اعتقد اسمة سيكا بوند والكيلو تقريبا 15 الى 20 جنية ويخلط مع المونة لحشو فراغات الحوائط اذا وجدت لديك
3- يتم عمل نظافة باجنة وشاكوش فى الارضية وعند نقطة التقاء الحوائط الافقية بالراسية وذلك لنظافة ساقط المونة القديم وعمل زنبرة اى نقر خفيفة بالاجنة فى الارضية والحوائط بارتفاع 10 سم من الارض على الحائط و10 سم على الارضية
4 - يتم عمل مونة رملة واسمنت وسيكا بوند وعمل شكل رقبة الزجاجة اى كيرف بارتفاع 10 سم على الحائط من كل اتجاة
5- كدة نحن جاهزين لعمل خلطة السيكا سيل 105 بدون اى اضافات عليها وبدون مياة يتم فقط خلط المادة وهى شكارة وجركن يتم خلطهم معا ويتم التقليب جيدا جدا بالهلتى او شنيور
6- يتم الدهان طوليا والانتظار 6 ساعات للجفاف على الاقل ثم الدهان عرضيا
انا لم اعمل اى شئ للحوائط بعد المرحلة دية ولكن طبعا يمكن عمل طرطشة وعمل محارة كما ترغب فيما بعد
ولكن اذكرك لا تعمل اى ثقوب على الحوائط
ملحوظة خطوة 3 و4 نقوم بعملها خوفا من دخول المياة نقطة التقاء الحوائط الافقية بالحوائط الرأسيةاقتباس:
المشاركة الأصلية كتبت بواسطة dedi
سيكا شركة عالمية سويسرية تقريبا ولها معايير ودة الذى انا جربتة
كيماويات البناء الحديث شركة مصرية محترمة
ولكن انا انقل لك تجربتى والقرار لك اخى
ممكن تقرا على النت عنهم وممكن تاخذ فكرة عن سيكا سيل 105 وطبيعة تشغيلها ومواصفاتها
تحياتى لحضرتك وربنا يوفقك لحل مشكلتك