-
طبعا التكيف مفيش اسقع ولا اسرع من كده .. في ميزة جبارة طبعا الزجاج الفاميه منه بيحمي العربية من الشمس من جوا ده غير انه الشمس عمرها ما ضايقتني كسائق ليها او اي حد قاعد عمر ما الشمس جت عليه .. كمان العربية فيه اتساع غريب ورهيب
انا مرة ركبت 9 اشخاص فيها .. 6 ورا !! و 2 قدام !! وكنت سايها يبقوا 9 اشخاص كانوا راكبين والسحب لم اشعر باي فرق وكنت بجري بيها
ميزة طي المقاعد والكنبة اللي ورا ممكن تحركها زي الفل
بالنسبة للحوادث وربنا يكفينا شرها
هو حصلتلي كام حاجة كده
1- واحد صاحبي بيهزر على البحر وكنا بنجري فجأة الدنيا وقفت طبعا نا فرملت ووقفت في مكاني لكن هو جه بعزمه وخبطني .. نزلت كنت متوقع اني هغير اكصدام لاقيت مفيش خدشة كل اللي حصل النمر اتعوجت :-)) طز يعني
2- كام خدشة بسيطة مش باينين اساساً
3- اصعب حادثة ليها كنت عادي بركن فجاة جه مشروع متهور وخبطني من ورا على اليمين الفانوش مخدوش بس بسيط اوي ومش باين فاستحرمت اني اغيره وحصل انه الاكصدام اتفك من اليمين ( نص الكلبسات كده اللي على اليمين ) روحت ركبته تاني الموضوع كلفني 20 جنيه
بس عربية شديدة اوي وربنا يباركلك فيها
-
بجد بجد ألف ألف شكر ياباشا تقرير هايل فعلا وأنا خلاص كان والدى رايح يحجزهالى بس أنا قولتله أستنى شويه شهر كده علشان أنا قريت أن الاسعار هتنزل . وناوى على الالوان يا أما النبيتى الميتالك أو الابيض اللؤلؤى . (صحيح هو النبيتى دا بينزل منه درجات علشان أنا شوفته ميتالك بيقلب على أسود كده بجد بيبقى تحفه وعلى عربيات تانيه باشوفه نبيتى عادى باهت كده )
تانى حاجه هو أنت لما جيت ترخص عاملوك الفيميه فى الرخصه على طول ولا رخمو عليه .
أنت لما حجزت العربيه أستلمتها بعد أيه ?
أه كلفوك كام الانذار ووحدات الرفع
والفرش الجلد
وفى الاخر أنا عارف أنى تقلت عليك بس أعمل بعشقها!!
وربنا يباركلك فيها ويحفظك ويحفظها من كل شر
-
صحيح أبقى طمنى عملت أيه ف المرور
-
-
تانى حاجه هو أنت لما جيت ترخص عاملوك الفيميه فى الرخصه على طول ولا رخمو عليه .
أنت لما حجزت العربيه أستلمتها بعد أيه ?
أه كلفوك كام الانذار ووحدات الرفع
والفرش الجلد
وفى الاخر أنا عارف أنى تقلت عليك بس أعمل بعشقها!!
وربنا يباركلك فيها ويحفظك ويحفظها من كل شر
1- من غير اي مضايقات بتتثبت في الرخصة لانها فاميه فابريكة وكتبولي " فاميه فابريكة خلفي وجانبي دون الامامي "
2- الانذار ووحدات الرفع كلفوا 950 ( 450 + 500 ) بس الافضل انك تشتري جهاز انذار بريموته من برا التوكيل وتكون حاجة محترمة وتركبها هناك في التوكيل هتتدفع ثمن التركيب تقريبا 50 جنيه بس بجد مش حلو اللي حاطوه خالص وشكر الريموت مقرف مش بتاع دايهاتسو اساسا حاجة تايلاندي مش حلوة حتى انا بفكر اشتري ريموت شكله انضف وابرمجه .. بالنسبة لوحدات الرفع ديا علشان لما تقفل العربية من الريموت او المفتاح الازاز كله يطلع ويقفل اوتوماتيك
3- الفرش الجلد الكراسي ب 600 والارضية ب 400 والخامات تقرفففففففف يعني لو كنت ودتها عند سروجي كان عاملي جلد طبيعي بالالف اللي دفعتها يالا مش مهم الواحد بيتعلم ... حتى شغلهم بس ده في مركز الخدمة بتاع رزق سئ جداا جداا
طالما بتعشقها يبقى هتحافظ عليها وهتحطها جوا عنيك وهتبقى احلى عربية في عينيك :-) الف مبروووك مقدما وابقى طمني عليها
شكرا لكل اللي ردوا على التقييم
-
حاول يا باشا تنورنا فى المقابلة التانية الخاصة بملاك الدايهاتسو يوم الجمعة 19 ديسمبر القادم
رابط الاسفتاء على المكان الخاص بها: استفتاء على مكان المقابلة
عاوزين نشوف ماتيريا اكتر فى المقابلة :)
-
شكرا لدعوة حضرتك
المشكلة اني من اسكندرية والمشوار بعيد ده غير اني طالب في كلية صيدلة فالموضوع صعب اوي خصوصا انه عندي امتحانات كتيرة
واحتمال يكون يوم 19-12 عندي امتحان ماحنا الجمعة في الامتحانات مش اجازة .. كلية العجايب
Content Relevant URLs by
vBSEO 3.6.0 PL2