-
ارضيه العربية غرقانة ميه
السلام عليكم
ازيكوا يا رجالة
في يوم بعد الشتاء الجامد اللي حصل لقيت ارضيه العربية قدام و ورا مليانه ميه ومش عارف دخلت منين
لاني كنت من فتره مشيت في حته فيها ميه عاليه بس مبصتش على العربية في نفس اليوم ومفيش حاجة لفتت انتباهي
لكن في يوم ركنتها تحت البيت والمطر نزل عليها عادي ومفيش ميه من تحت دخلتلها الميه كلها كانت من فوق فببص على الارضيه لقيت الموكيت غرقان روحت لواحد رفع العربية قالي الطبب تمام ومقفوله ومفيش فيها حاجة
هتجنن الميه دخلت ازاي مش قادر احدد !!
وبعدين لما ببص على الزجاج بلقيه ناشف عادي .. يعني مدخلتش من جنب الزجاج
واحد صاحبي قالي ممكن يكون خرم في جسم العربية من امام او تحت هو السبب
الله اعلم .. حتى لو كده مين ممكن يحدد العيب ويصلحه
وشكرا
-
احتمال تكون الميه من قدام التوربيدو تحت المساحات يعني بتنزل من ورا التابلوة تتزحلق للموكيت الارضية لو انت متاكد ان الزجاج سليم امامي وخلفي
-
شكرا لردك
معلش يا باشا اتأكد بنفسي ازاي او اروح لمين يكون دي شغلته لان الميكانيكي معرفش يوصل لاي حاجة رغم انه محترف
والزجاج سليم والدليل ان بلاقي التابلو قدام وورا ناشف بعد المطر
-
المهم دلوقتي لازم المية دي تنشف بأسرع وقت...
حاول تفك الطبب علشان تصفي.. أو تشفط المية بمكنسة مخصوصة اللي بتقدر تشفط المية.. عادة بيبقى شكلها زي البرميل.
...
-
اعرف ازاي المية دخلت؟ مينين يعني؟
اروح لمين يفيدني
-
اعمل اختبار
هات خرطوم جامد ورش بيه حوالين داير الباب
ممكن تدخل منه لو فيه فروق بسبب خبطة او ترحيل رفرف او الكاوتش سيء
لو العربية غرقانة
فك الفرش والكراسى والفبر
يتغسل الفرش والفبر
ويتساب ينشف كام يوم فى الشمس ويتركب تانى
-
انا عرفت الميه بتدخل منين من الداخل
لقيت الموكيت بيسرب من جنب الباب من تحته من عندالفبر مباشرة على اليمين وعلى الباب الشمال ايضا
-
سؤال اخير يا رجالة
اروح لسروجي علشان يفك الكراسي وينشف الموكيت ويغسله ولا ايه؟
ولو روحت له ممكن ياخد كام بالتقريب؟
Content Relevant URLs by
vBSEO 3.6.0 PL2