ازيكم يا خبراء نايل موتورز الكرام
مقاس الكاوتش عندى 225/45 جنط 18
هل ينفع اغير الخلفى فقط و اخليهم
255/45
ولا لازم اخلى كله نفس المقاس
ولو هينفع هل المقاس دا كويس مش هيحك فى الرفرف مع التحميل مثلا
شكرا
عرض للطباعة
ازيكم يا خبراء نايل موتورز الكرام
مقاس الكاوتش عندى 225/45 جنط 18
هل ينفع اغير الخلفى فقط و اخليهم
255/45
ولا لازم اخلى كله نفس المقاس
ولو هينفع هل المقاس دا كويس مش هيحك فى الرفرف مع التحميل مثلا
شكرا
لا طبعا ما انصحكش تعمل كده. لأن العربية هتعلي جامد من ورا أكتر من 12 مم و هتلاقيها مكفية ل قدام و شكلها وحش و الفرامل هتبقي ضعيفة و كمان انت هتعرض الكاوتش 3 سم بحالهم يعني مؤكد الكاوتش هيحك مع الرفارف. ممكن بس اعرف حضرتك عاوز تعمل ايه بالظبط عشان اساعدك؟ يعني ايه الغرض من تغيير مقاس الكاوتش؟
الاربعه لازم نفس المقاس
والمقاسات اللي تركب في داير الباب او الكتاب
لو هتعرض خلي كله زي بعضه. عرض الاربعه. مش اي عربية ينزل مقاس ورا اعرض من قدام عشان يزود الثبات. عربيات معينة بتنزل كده من المصنع. فيه حاجات تاني كتير ممكن تزود الثبات زي نوعية الكاوتش نفسه و نقشتها و العفشة.
أولا.. ما ينفعش تزود عرض الكاوتش 3 سم مرة واحدة على نفس الجنط...
كل جنط له مدى للمقاسات اللي بتركب عليه.. والموضوع ده له كمان علاقة بالبروفايل بتاع فردة الكاوتش نفسها... علشان كده.. أقصى زيادة بتبقى غالبا في حدود 10-20 مم ... والـ20 مم دي لو البروفايل كبير.
لو عايز تعرض الكاوتش بالطريقة دي.. فالأفضل تغير الجنوط... ودي كمان محتاجة حسابات مظبوطة علشان الجنط ييجي مظبوط على الفردة ومتوسطن كويس ما بين الرفرف والمساعدين.
...
يا باشا مينفعش
الاربعه لازم نفس المقاسات المنصوص عليها من الفبريكه
وكمان هتقدر تعمل روتيشن وتبديل للفرد بدون مشاكل
التعريض قدام بيهلك الاستيرنج ، واضحوكه حك الكاوتش في الرفرف
والناس تلعب في الكامبر وتشتكي من ضعف الثبات وخراب العفشه
وفي الاخر يزهق من العربيه ويبيعها بكوارثها
خليً العربيه ديما استندرد
وصعب جدا تغلب الفبريكه