معايا فيزا ومش عارف اسحب اموال خارج مصر

**ahmad--ezzat** · 13-11-2015 04:02 PM

سلام عليكم
انا حاليا مقيم في السعودية ومعايا فيزا مصريه صادره من بنك فيصل الاسلامي المصري وعرفت ان ممكن اسحب فلوس والحد الاقصي ٣٠٠٠ دولار شهريا .وفي ٢٪ رسوم من المبلغ المسحوب...الفكره ان لما جربت اسحب من atm مصرف الراجحي بيحصل فشل في العمليه وجربت اكتر من مره وفشلت...هل في مصارف معينه للسحب
حد عنده فكره

**svneleven** · 14-11-2015 05:19 AM

لازم تكون واحده من العلامات اللي علي الكارت موجوده علي ماكينة الصراف الالي زي مثلا علامة شبكة 123. ممكن كمان يكون الكارت نفسه فيه مشكلة موقوف مثلا او منتهي الصلاحية او رصيدك معمول عليه hold لاي سبب. و كمان فيه بنوك لازم تعرفهم انك هتستعمل الفيزا او ال ATM برا مصر قبل ما تستعمله.

**Mecha** · 14-11-2015 05:34 AM

المشاركة الأصلية كتبت بواسطة svneleven

لازم تكون واحده من العلامات اللي علي الكارت موجوده علي ماكينة الصراف الالي زي مثلا علامة شبكة 123. ممكن كمان يكون الكارت نفسه فيه مشكلة موقوف مثلا او منتهي الصلاحية او رصيدك معمول عليه hold لاي سبب. و كمان فيه بنوك لازم تعرفهم انك هتستعمل الفيزا او ال ATM برا مصر قبل ما تستعمله.

ايه شبكة ١٢٣ ،كروت الفيزا في العالم بدعم
Visa or master card or american express
والراجحي موسسه ضخمه اكيد بتتعامل معاهم
البنوك المصريه للاسف تفكيرها محلي وتتعمد
تقرف العملا

**Ahmed_Rahem** · 14-11-2015 06:06 AM

المشاركة الأصلية كتبت بواسطة svneleven

لازم تكون واحده من العلامات اللي علي الكارت موجوده علي ماكينة الصراف الالي زي مثلا علامة شبكة 123. ممكن كمان يكون الكارت نفسه فيه مشكلة موقوف مثلا او منتهي الصلاحية او رصيدك معمول عليه hold لاي سبب. و كمان فيه بنوك لازم تعرفهم انك هتستعمل الفيزا او ال atm برا مصر قبل ما تستعمله.

فعلاً كلامك صح، ودى نقطة لتامين الكارت ضد السرقة، لو تم التعامل علية خارج مصر بتترفض العملية.
الافضل اتصل بالبنك الى مصدر الكارت واسألهم.

اما بالنسبة لشبة 123 فدى شبكة ربط مكن atm بتاع البنوك مع اى بنك وبتتيح ليك استخدمها بتكلفه اقل، واغلب الدول ليها شبكة محلية مشابها مع اختلاف المسميات او اخفائها (على سبيل المثال فى الامارات اى معاملة فى غير مكنة بننكك بتتكلف 2 درهم)

**ahmad--ezzat** · 14-11-2015 10:42 AM

اتصلت انهرده ببنك فيصل وحكيت الموضوع شاف ان الفيزا ساريه والاجراءات صحيحه وقالي ان الفيزا بتسحب من اي مكان في العالم...طب ايه المشكله ياحج قالي حضرتك بتسحب كان قلتله مره ٣٠٠٠ ريال ومره ٥٠٠٠ والاتنين فشلو....قالي الحد الاقصي ليك في اليوم ٥ الاف جنيه من المكنه اللي عندك....

ان شاء الله هجرب اسحب ٢٠٠٠ ريال وهشوف الوضع ايه