استفسار تاني بخصوص التأمينات الاجتماعية

**Sherifmt** · 13-11-2015 08:23 PM

بمناسبة التأمينات الاجتماعية عندي استشارة من فضلكم ..... انا مغترب من فترة ولما كنت شغال في مصر كنت بشتغل في شركات قطاع خاص و كنت بدفع تأمينات لمدة 12 سنة وبمشيئة الله ناوي ارجع بعد شهور لبدء مشروعي الخاص في مصر وكنت باستفسر هل لي الحق في استرداد المبالغ الي كنت بسددها ؟ وازاي ؟ مع العلم لازلت محتفظ بصورة من اخر استمارة 6 قبل السفر وفيها رقمي التأميني.

**mohamed2002** · 13-11-2015 08:40 PM

اكيد طبعا مينفعش تسترد الاشتركات لان اللي اعرفه عشان تساوي معاشك لازم يكون ليك 20 سنة خدمة ولو متقطعين بتعمل ضم مدد

انا الكلام دة سامعه من زميلي في الشغل ولست متاكد من صحته 100100

**طارق _عبد السلام** · 13-11-2015 10:36 PM

لو فتحت اى مشروع ومن اجرائاته لازم يكون مؤمن عليك برقمك التأمينى هيحصل ضم للتامين مع ال12 سنه القديمه..لحين استكمال مده المعاش ..وكان من فتره بسيطه جدا كان ممكن تشترى السنوات الباقيه وتعمل معاش على طول مش متأكد لسه موجود موضوع الشراء ولا لا لو موجود هتشترى بقيت المده وتدفعها مره واحده وتاخد معاشك