الموضوع: حقيقه حرب اكتوبر 73

طب الحمد لله سينا رجعت كامله بحرب واتفاقيه
وايه الداعي لاثارة الشكوك حوالين حرب عدت عليها
اربعين سنه.والاف مولفه استشهدوا فيها.
الروس قتلوا ٦ من كل ٨ عساكر المان في ww2، ورغم عن كدا
الغربيين واخدين الفخر بالنصر
والازيد حفله ضخمه مرتين في السنه لقتلي موقعة جاليبولي اللي
هزموا فيها !!!!!! في ww1
التفكير دا مسموم ويعيش في عالم الشك والضلالات

في كذا نقطة اتمني ان حضراتكم تقرأوها :
1- الفرق الكمي و العددي لاسرائيل قبل الحرب و اثناء الحرب شاسع و اي واحد فاهم هيعرف ان مستحيل مصر بالمعدات دي تقدر تعمل اللي حصل في 6 اكتوبر .
2- خطة الخداع الاستراتيجي و تطبيق الخظة و المهارة الفائقة للجنود في استخدام المعدات و تحقيق مكاسب و تكبيد العدو خسائر بشرية و مادية .
3- صد الهجوم المضاد الاسرائيلي المتمثل في اللواءات المدرعة و القوات الجوية شهادة فخر يعتز بيها اي مصري .
4- تطوير الهجوم بالنسق الثاني و تدميره كانت بسبب تخفيف الضغط علي الجبهة السورية .
5- موضوع الثغرة :
ا- في اي معركة في مناورة بالقوات الحصار اللي الناس بتتكلم عنه هو بعد وقف اطلاق النار .
ب- مفيش حاجة اسمها حصار الجيش الثاني خطوط الامداد و الاخلاء مؤمنة بالنسبة للجيش الثاني .
ج- الجيش الثاني تحت ثيادة اللواء سعد مأمون كان جاهز للهجوم المضاد علي القوات الاسرائيلية .
د- المناورة بالقوات المصرية و الاسرائيلية داخل نطاق الثغرة والاشتباك معناها ان في قواه هتدبيد القوة الثانية ... و انا مقتنع تمام الاقتناع ان النصر كان هيكون مصري و الا مكنوش طلبوا وقف اطلاق النار و تدخل امريكي علي اعلي مستوي لحل الموضوع .
6- النصر هو انك بمعدات مدمرة من النكسة و امكانيات متواضعة و جندي مصري او مواطن مصري كان الغرب بيعتبره متخلف عن المواطن الغربي والاسرائيلي المتعلم حققت معجزة و قاتلت بنفسك لدرجة صدمت الغرب و خليتهم يعيدوا التفكير و التخطي تاني

أهم نقطة :
من الحاجات اللي خططوا ليها هو انهم يحاولوا يغروا من عقيدتك القتالية و يشككوا فيك ... و نجحوا ... بدليل اني قاعد دلوقتي بقنع بعض من الناس اننا في 6 اكتوبر 1973 انتصرنا مش اتهزمنا ... هو في منهزم بيملي شروطه و بيستعيد ارضه !

اسمحولى استعير كلمة الاستاذ ماهر و اكون محامى الشيطان ( عاجبنى الموضوع ده )

علشان نتكلم عن حرب اكتوبر بقليل من التفصيل و لتعلم الدروس المستفادة..... لازم نقسم الحرب لاكتر من جزء / فصل

الجزء الاول ... العبور و تحطيم خط بارليف و صد الهجوم المضاد ... و ده كان من يوم 6 اكتوبر الى يوم 10 تقريبا او 12

و للأسف .... ده اكتر الكلام عن حرب اكتوبر بيتقال فى الايام دى .... بالفعل ... الجيش المصرى عمل حاجات محدش كان يتوقعها .. و ممكن نتكلم ايام طويلة عن الى حصل فى الايام دى .... و اوصى حضراتكم بقراءة مذكرات سعد الشاذلى و مذكرات الجمسى
و ممكن نتعلم حاجات جميلة جدا ..... و ان مفيش حاجة بتيجى بالساهل ... و حجم الاستعدادات الى تمت .. و الافكار ... و تغيير بعض مفاهيم القوات المسلحة

متابع معاكوا ان شاء الله

من وجهة نظري المتواضعة ان مصر كسبت الحرب ضد اسرائيل والحقت بها هزيمة فادحة
اما ماحدث ايام الثغرة فهو ربح معركة داخل حرب كاملة
هذه المعركة كانت بسبب انضمام الولايات المتحده للحرب في صف اسرائيل
والولايات المتحدة كانت اقوي دولة في العالم
ربح معركة الثغرة ملوش اي قيمة عند المصريين مع خطورته الظاهرية لانه كان سيمني بالفشل ولن يطول وجود الثغرة
علي الرغم من ظاهر التفوق الاسرائيلي من محاصرته للجيش الثالث مدة طويله
مع بعض التكتيكات العسكرية البسيطة كان يمكن القضاء علي الثغرة وقتها
لكن رغبة القيادة في اعطاء فرصة للمفاوضات كان هو المسيطر علي الموقف بسبب انضمام الولايات المتحدة للحرب
لازم مننساش ان امريكا حاربت ضد مصر سنة 1973 وقتلت جنودنا بطريقة مباشرة او غير مباشرة وساعدت عدونا بدون مايكون بينا وبينها اي عداء او حرب سابقة فهي اللي سابقت بالعدوان
ضعف الاداء للجيش السوري كان عامل تاخير وضعف للجيش المصري
الجيش السوري استولي علي اجزاء كبيرة من هضبة الجولان في بداية القتال لكن خسر بسرعة وتقهقر بل ان اسرائيل كانت هتدخل دمشق
كلام اسرائيل عن انها كسبت حرب جزء من فلسفة عسكرية لاظهار التفوق واعطاء ثقة للجيش الاسرائيلي اللي توالت هزائمه علي يد حزب الله وحماس
الهزيمة هي فشل الحرب وفشل اهدافه مش كسب معركة هنا او هناك
اسرائيل مقدرتش تقضي علي حزب الله ولا تقضي علي حماس
اهم مافي الموضوع ان يوم 6اكتوبر بيعملو مأتم علي قتلاهم في 1973
ومصر بتعمل احتفالات في نفس ذات اليوم
موضوع المحتوي علي الانترنت لان محتواهم اكبر بكتير ومساهماتهم اكبر بالتالي بيحاولو يفرضو وجهة نظرهم

رد حضرتك جيد جدا ..... و حرد عليى كل نقطة ان شاء الله فى وقتها ...... بس انا عاوز استفسار اكتر للجملة الى حضرتك ذكرتها دى ...

المشاركة الأصلية كتبت بواسطة alysalim

مع بعض التكتيكات العسكرية البسيطة كان يمكن القضاء علي الثغرة وقتها

المشاركة الأصلية كتبت بواسطة Mecha

طب الحمد لله سينا رجعت كامله بحرب واتفاقيه
وايه الداعي لاثارة الشكوك حوالين حرب عدت عليها
اربعين سنه.والاف مولفه استشهدوا فيها.
الروس قتلوا ٦ من كل ٨ عساكر المان في ww2، ورغم عن كدا
الغربيين واخدين الفخر بالنصر
والازيد حفله ضخمه مرتين في السنه لقتلي موقعة جاليبولي اللي
هزموا فيها !!!!!! في ww1
التفكير دا مسموم ويعيش في عالم الشك والضلالات

صديقى اللدود المهندس ميكا :)

فيه برنامج جامد جدا اسمه تحقيقات حوادث الطائرات ... اكيد حضرتك متابعه نظرا لعملك فى المجال سابقا ... التحقيقات بتحصل علشان نحاول نطلع ببعض اسباب حدوث الحادثة ... و الاستفادة من الاخطاء التى فى الغالب بتكون غير مقصودة .... و محاولة تجنب حدوثها فى المستقبل ...

نفس الى بيحصل فى التاريخ .... الناس بتحاول تدور و تبحث و تطلع بنظريات و تمشى فيها ... و تكتشف بخطأ هذه النظريات .. و ثم تقوم بالرجوع عنها .... و افتراض نظريات اخرى .. و البحث فيها ... و هكذا

فى تاريخنا الفراعونى/العربى/الحديث .... ستجد الكثير من النقط التى يجب دراستها و البحث فيها

اليومين دول فيه برنامج على قناة history بيتكلم عن مقتل هتلر .. و جثته فين .. الكثير من النقاط الغامضة

الاجانب مقتنعين تماما ان الى بنى الاهرامات كائنات فضائية ..... الرد عليهم يكون عن طريق بحث و اثباتات و حقائق

ان شاء الله مفيش عالم للشك و الضلالات طالما بتعرف تربط الاحداث و بتفكر بطريقة مرتبة