السلام عليكم
العربيه دايو جوليت 99 وانا بدورها بتعتل شويه واحيانا مش بدور خالص ولازم توصيله كشفت علي البطاريه كويسة والدينامو شحنه كويس
امال العيب من ايه
عرض للطباعة
السلام عليكم
العربيه دايو جوليت 99 وانا بدورها بتعتل شويه واحيانا مش بدور خالص ولازم توصيله كشفت علي البطاريه كويسة والدينامو شحنه كويس
امال العيب من ايه
لو بتدور بتوصيله يبا قواطيش يا بطاريه
بالكشف علي البطاريه الكهربائي قال انها سليمه ومعلقش علي القواطيش خالص والمارش لسه متغير قريب
عرف ازاي البطاريه سليمه؟؟
وهو كهرباءي ، معرفش يشخصها ازاي
حطها علي الجهاز ال بيقيسوا بيه الشحن والدينامو
تقصد الافوميتر
ودا مينفعش لقياس البطاريه
فيه جهاز تحميل البطاريه ودا بيكشفها
قدرتها علي تخريج امبير عالي جدا لزوم الدواره لمده معينه
حضرتك تحل القواطيش وتنضفهم وتشوف
الفرق في التوصيله هو قطاش يا بطاريه
الكهرباءي المضبوط ميطلعش العربيه من غير ما يعرفك
كل اللي فات بافتراض الدينمو مضبوط وشاحن البطاريه
رينجه ١٣،٥- ١٥ فولت
التعتيل لية سببين
الاول : المارش - يتطلع و يتنضف و لو عايز جلب تتعمل لية و هيبان و هو برة اذا كان كويس او لا
التانى : الكهرباء - المسئول عن تعتيل المارش ( البطارية و بتبان لو العربية سخنت اوى بعد مشوار السخونة اللى حواليها بتخليها تخترف - او قواطيش البطارية تتفك و تتنضف و تصنفر قطبين البطارية و النضافة حلوة و مش هتضر - الارضى ممكن الكابل الارضي مكانة بيكون فية صدا و بالتالى تفك الكابل و تنضف طرفية و تنضف الاماكن اللى بيمسك فيها الطرفين و ممكن تركب كابل جنبة تانى بس يمسك فى نقطة تانية فى جسم العربية و تجرب )
معايا فرنا طلعت عينى و غيرت مارش و نفس العيب و ركبت ارضى و نفس العيب و طلعت فى الاخر بطارية - لما بتسخن العربية و تصهد - البطارية تخترف و تطلع خرج قليل و المارش يعتل
شوف و بلغنا بالاخبار اية ؟
و ربنا يوفقك
جرب بطارية تانيه وشوف النتيجة لو دارت كويس يبقي البطاريه ما كانش يبقي المارش