ياجماعه أنا معيا النترا 2009 وعايز أغير مياه الريداتير لأن لها فتره كبيره فى العربية ياترى التوكيل بيغيــر مياه خضراء ولا زرقاء ولا حمراء وإيه نوعها ، وهل تنفع مياه موبيل اللى بتتباع فى محطات البنزين ولا ماتنفعش .
عرض للطباعة
ياجماعه أنا معيا النترا 2009 وعايز أغير مياه الريداتير لأن لها فتره كبيره فى العربية ياترى التوكيل بيغيــر مياه خضراء ولا زرقاء ولا حمراء وإيه نوعها ، وهل تنفع مياه موبيل اللى بتتباع فى محطات البنزين ولا ماتنفعش .
متابع
شوف لون اللى عندك ايه
غالبا زى اغلب هيونداى خضرا
هات موبيل او بريستون
تروح مكان محترم يعمل غسيل للدورة
ويغسلها بمانع صدا ثم مياه نضيفة
ثم ينفخها بالهوا
ثم يضيف الجديدة
وهات المكيف على الوضع السخن من الاول
هل المياة متغيرة قبل كدة ولا لا
وعامل كام كيلو
المياه متغيره فى التوكيل من ثلاث سنوات بس مش عارف لما غيروها حطوا مياه لونها إيــه أو ماركتها إيه والعربية دلوقتى عامله 85000 كيلو .
صحيح إيه علاقة التكييف السخن بالموضوع ، أنا عندى العربية لما بجيب التكييف على الساخن الهوا بيكون عادى ومش بيسخن مش عارف ليه .
دورة التبريد السخن بتاخد من مياة الردياتير
هو انت اول مالك من الزيرو ؟؟؟؟
لون المياة يبان فى القربة
موبيل الخضراء هيا اللى عندك طالما كنت مغير فى التوكيل
انا عندي خبرة في الموضوع ده لاني بغير الميا كتير هتجيب مية موبيل الخضره من بنزينة موبيل بتكون 5لتر ب120 في انواع كتيره رخيصه.بس ده افضل حاجه ومتسترخصش وتروح علي بنزينة محترمه فيها جهاز المكبس بتاع الغسيل هيغسلك الدورة ب35 جنيه وهيحطلك علبة ميا مركزه كده بتحافظ علي الكثافه وبتمنع الصدا العلبه ب 25
انا شخصيا بعملها في محطة طاقة اللي فيمدينة نصر. علي شارع النصر بجانب نادي السكه الحديد الراجل اللي هناك محترم وفاهم شغلو كويس ومش هيشتغلك من الاخر
بالنسبه للون مية التبريد
الاخضر اللي هو ايثيلين جليكول
اصبح غير مستحب عشان قابليته الاعلي للتسرب
فيه انواع احمر وازرق وبني اصبحت اكثر شيوعا
موبيل الخضراء هى الأضمن وليس الأفضل ولكن مفيش حل لأن كل اللى فى السوق ألمانى وأسبانى وارد الصين
خللينا فى موبيل لأنها معتمدة وعليها رقابة
دورة الغسيل طالما هتتعمل بمياه من الحنفية يبأا دمرنا دورة التبريد فى العربية
عايز تغسل!!
العربية وهيا باردة ( الصبح مثلا )
نزل المياه من طبة الردياتير وتحط مكانها مياه مقطرة من أى بنزينة ( تجيب 8 أو 10 عبوات )
وتدور العربية لحد ماتسخن وتستعمل العربية عادى والأفضل إنك تسيبها لما تبرد تانى يوم مثلا الصبح برده
تكرر الموضوع ده مرة أو مرتين أو ثلاثة
بعد كده تنزل المياه وتحط جركن موبيل 4 لتر ب 80 جنيه وهيا بارده برده
تتابع الردياتير وهيا باردة كل يوم تفتح الغطاء وتزود
تتابع القربة عشان هتنقص كل يوم
لحد ما منسوب المياه يثبت يبأا كده تمام
جركن المياة الخضراء 4 لتر متوافر بالتوكيل مستورد كورى ب 143 جنية ويتم تغييرة كل سنتين او 40 الف كيلو