البلوتوث فى الكيا بيكانتو 2015 خليجى

سلام عليكم ياشباب ,
انا النهاردة اشتريت عربية كيا بيكانتو 2015 خليجى
و لما جيت اعمل pairing للموبايل مع البلوتوث بتاع العربية , مش عارف ازاى اعمل pairing
يعنى مش لاقى الزرار بتاع setup عشان اختار الموبايل و ابتدى اعمل pairing
علما بأن العربية فيها علامة البلوتوث , و فيها زرار لـ Accept call & reject call
يعنى المفروض العربية مجهزة لـ كده
و فى المانيوال بيقول ان : لن تتوفر وظيفة Bluetooth إذا كانت ميزة Bluetooth wireless Technology غير مدعومة

اعرف منين بقى اذا كانت مدعومة او لأ ؟
و ازاى اعمل pairing ؟

انا حطيت صورة التابلوه فى المرفقات



و شكراا جدا

نسيت اقول ان موبايلى lenovo
هل ده ليه علاقة ؟ لأن فى على Kia website , اسامى موبايلات اللى compatible مع العربية , ومش منها lenovo
بس انا اصلا مش عارف اعمل pairing عشان يفشل

عشان تعمل بيرينج دوس على الزرار الى عليه سماعة تليفون دوسة طويله وخلى الموبايل بتاعك شغال ومرئى هيعمل بيرنج على طول الكلام دا فى اول مرة بس بعد كده هيبير اتوماتك لو بلوتوث الموبايل شغال وهيستقبل ويرسل مكالمات اما لو عاوز تشغل اغانى من التليفون هدوس على زرار المد وتقلب لغاية لما يظهر حاجة ذى bt-43434 وشغل اغانى من التليفون هيشتغل

متشكر جدا جدا لحضرتك
جربتها و اشتغلت تمام أوى الحمد لله

طب سال تانى معلش طالما حضرتك متخصص فى الكيا
هو مافيش عداد حرارة فى العربية دى ؟ ولا بيبقى فى انذار بس لما الحرارة بتعلى ؟

مفيش عداد حرارة فى اغلب موديلات العربيات الحديثة كله لمبة بتنور

تمام
متشكر جدا جدا لحضرتك

باشا بارك الله لك فيها جبتها منين وبكام؟

اللهم آميين
جبتها من سمير ريان
موديل 2015 خليجى

جبتها بـ 107,500

اقتباس:

---

المشاركة الأصلية كتبت بواسطة ahmedsrs

مفيش عداد حرارة فى اغلب موديلات العربيات الحديثة كله لمبة بتنور

---

طب سؤال حضرتك انا لسه شارى كارنز 2011 مفاتيح البلوتوث مش شغاله الكاسيت مش حاسس بيها خالص يعنى بدوس عليها ولا كانها وصله بالكاست خالص ممكن تكون مشكله ايه .ولو مشكله كبير مين ممكن يشفلى المشكله ده.