والله لو في مستثمر بيفهم يروح يشتري المصنع و يجيبة مصر
من احسن السيارات في تاريخ مصر ال 128
قطع غيار و استهلاك بنزين وسعر السيارة في متناول الجميع
والله لو في مستثمر بيفهم يروح يشتري المصنع و يجيبة مصر
من احسن السيارات في تاريخ مصر ال 128
قطع غيار و استهلاك بنزين وسعر السيارة في متناول الجميع
براحة يا ابراهيم باشا الدنيا مش مستهلة كل دة
محدش اتريق ولا حاجة العربية دى محترمة وبتشيل كتير
بس ظروف الزمن اللى احنا عايشين فية ميستحملش العربية دى
الدنيا زحمة جدا والسواقة صعبة فى البلد بطريقة غير عادية فالواحد بيكون عاوز حاجة جديدة وحديثة وناعمة وعلى الاقل لو قال يا سفر يسافر وهو مستريح مش حاطط ايدو على قلبو هيا دى الفكرة
شوف وشك بخير يا 128
و عقبال التعديل بتاعك اليكون خرافه ههههههههه
ياجماعه حد خد باله من شكل العدادات دى والله جامده جدا بالنسبه لانها تكون فى العربيه دى عقبال ماينزل منها لمصر حتى لو استيراد مش جديد
معلومة اضافية
مشروع فيات اسمه مشروع 178 و هو " البديل الروحي " لل 128 في فترتنا دي
والي طلعت منه السيينا في اواخر ال 90ينيات و استمرت الي يومنا هذا .
السيينا و الباليو هما الوريثتين الشرعيتثين لل 128
و لكن في 2010 سيتم اسبتدال هذا المشروع كاملا بسيارة مبنية علي قواعد الجراند بونتو و مصممة حتى لا تتعدى حاجز ال 65- 70 الف جنيه و ستحمل علامة فيات يا اما على هيئة سيينا او باليو او اونو جديدة .
و مصنع زاستافا الي فيات قفلته و حتفتحه تاني حينتج السيارة دي في 2010 بس على الاقل دي حتكون فيها جميع عوامل الامان و محرك فاير الشهير 1400 .
محدش يزعل من التريقة عشان هي العربيات دي لولا انتشارها الرهيب دا على مر العصور وعبر التاريخ مع انها ليعا عيوب كتيير بس مميزاتها اكتر واهم ميزة فيها انها تناسب :
1- اللي عايز يتعلم السواقة لرخص تكاليف الصيانة والحوادث والفوانيس وقطع الغيار الرخيصة والمتوافرة في اي مكان
2- اللي مضطر يركب عربية ومعهوش فلوس يركب زيرو
3- اللي هيجيب عربية مؤقتا وعايز يبيع في أي وقت عشان ممكن يتزنق في الفلوس او مستني سفر او . . . . وهيبيع طبعا من غير خسارة ومن غير مايضيع وقت وفلوس في اعلانات
4- انا اتعلمت من العربية دي حاجات كتير في الميكانيكا والأعطال المفاجئة اللي بتوقفك على مطلع كوبري مثلا او في نفق الأزهر أو على الدائري فلازم تنزل تتعامل بنفسك
دا انا من ساعة ما وعيت على الدنيا (من تلاتين سنة) وهي موجودة ياجماعة وفي عائلات عندهم كذا 128
وداعا يا اجمل ذكرياتى
وداعا يا سيارة احلى ايام شبابى
وداعا ايتها السيارة والتى برغم انها لم تكن اول سيارة اقتنيها لكنها اول سيارة اعطتنى الشعور اننى فعلا امتلك سيارة بجد
وداعا ايتها السيارة التى كانت الوحيدة من بين الكثيرات يوم بعتها بكيت عليها
وداعا ايتها السيارة التى امتلكت منها ثلاثا لم ار من ايهن سوى كل خير
وداعا ايتها السيارة التى بنيتها بالكالم يوما من شاسيه قديم وصارت تحفة للناظرين
وداعا ايتها السيارة الوحيدة التى جرؤت على ان اقودها من القاهرة الى اسوان وبالعكس
وداعا يا اكثر سيارة احببتها فى حياتى
وداعا ايتها ال128، مهما قالوا فيكى فستظلين اكثر سيارة عشقتها وكثر سيارة عشقها كل مصرى
رابط لموضوعى:ال128 والمصريين ، قصة حب عمرها اكثر من 30 سنة
http://www.nilemotors.net/Nile/showthread.php?t=330
هو ده حال الدنيا
بجد ربنا يكرمك ويوفقك فى مشوارك اللى اهم من العربية ..
كمان فى حاجه ان اغلب اللى بيتريقوا على السيارة دى سواء ان كانوا هنا او فى الشارع او فى الجامعه او او او او كلهم (عيال) اى نعم (عيال) يعنى لما يكون شاب 18 سنة و بابا يجيب له عربية حديثة شوية يتريق على خلق الله صحيح !!! ده انت لسه عيل ولو اشتغلت مش هتجيب نص تمن السيارة ولا فى 3 سنين على الاقل ..ومش هكتر فى الكلام علشان محدش يفتكر انى بهاجمه!!:sad:
اكيد الرجل مش هيكذب علشان يبين انه بيحب السيارة...
انها فعلا سيارة تستحق الاحترام ..