الموضوع: آسعار السيارات و سعر الدولار..

يا ريت الناس تبطل تشتري او تبيع لمده شهر واحد بس شوف ايه اللي هيحصل...وكمان يا ريت ماحدش يدفع جنيه واحد عن ثمن العربيه الافر بريس..الموضوع محتاج لوقفه قويه خصوصا مع اصحاب المعارض

القصة مش قصة دولار الموضوع جشع تجار (في العربيات وغير العربيات)
التاجر لو عنده بضاعة في المخزن والسعر غلي لأي سبب بيرفع السعر ويقولك المهم لو حبيت احط بضاعة زيها في المخزن حاتقف عليا بكام.
في حين لو السعر نزل لأي سبب مابينزلش السعر ويقولك لأ اصلها واقفة عليا غالية
ضيف على كدة ان المستهلك نفسه اي سلعة مجرد ماسعرها يرفع حاجة بسيطة بدل مايوقف الشراء بيعمل العكس وينزل يلم من السوق ويقولك اصلها لسه حاتغلى تاني فالحق اشتري في الرخص
علشان كده تلاقي كل الأسعار مجرد ماتغلى بأي نسبة بسيطة تلاقي الغلاء بيتضاعف وتصطدم بالمقولة الشهيرة بعد كده (هو في حاجة بترخص في البلد دي؟؟؟؟)

سعر الدولار يحدده السوق السوداء وليس البنوك
والسبب في ذلك أن البنوك لا توفر دولارات للتجار

بالنسبة للتجار فسعر الدولار يعتبر 8.50 تقريبا وليس 7.83 إطلاقا
لانه لا يحصل عليه الا من خلال تجار السوق السوداء
سواء كان التجارة في السيارات او اقل من ذلك

اظن ان هذه النقطة يجب أن تكون واضحة
عندما قام البنك المركزي برفع قيمة الجنيه أمام الدولار
لم تتأثر أسعار السوق السوداء الا لمدة اسبوع تقريبا وعادت الأسعار كما كانت بالظبط

تاني حاجة ان مشكلتك مش مع مكسب التجار
مشكلتك الاساسية والكبيرة مع جمارك السيارات
وياريت الجمارك بتحقق هدفها الأساسي اللي هو تشجيع الصناعة المحلية

الحل كما قلت من قبل

سيبها تصدي و موديلها يعدي

تحياتي