سوزوكي سويفت 2016 .. اه ولا لا و ليه

السلام عليكم ورحمة الله وبركاته

انا بلف في قسم السوزوكي بقالي 3 ايام استفدت كتير بس ده ميمنعش اني طماعة و عايزة معلومات اكتر :36_1_37[1]:
بصراحة هموت على السويفت هاتشباك 2016 كان ناقصها بس فتحة سقف يا ريت لو حد يقولي ممكن اطلبها ولا لا و ممكن تتكلف كام :11:

التوكيل مفيش مركز صيانة معتمد قريب مني في دمياط او اسماعيلية مثلا
بالنسبة لسعر العربية وصل لكام عشان مش موجوده خالص في معارض بورسعيد و بتصل بمعارض القاهرة بسمع ارقام غريبة اخر حاجة 139000 !!!!!

و لو هحجز من التوكيل هستلم امتى تقريبا عشان الناس بيقولوا 6 و 8 شهور !!! مش فاهمة ليه يعني اصحابي جايبين ريو و اكسنت استلام اسبوع من التوكيل !!!

تنصحوني بالعربية ولا لا مع العلم اني معايا حاليا نوبيرا 2 مطلعة عيني و كل اسبوعين في الحرفيين و محتاجة ارتاح من التصليح خااالص :Copy of rfds:

عامة انا عايزة اجيب هاتش باك لان الشنطة مش فارقة معايا في حاجة ولا الوسع و مش معايا حد غير مامتي و مشواري اليومي حوالي 3 دقايق من الكلية للبيت و العكس و هكذا بالنسبة للكورسات و بيبقى معايا اتنين تلاتة اصحابي بس

بالنسبة للعربية في السفر ايه نظامها عامة مش بسافر كتير مرتين تلاتة في الشهر من بورسعيد للقاهرة او اسماعيلية او دمياط و العكس و سفريتين في الصيف للساحل :shine[1]:
بالنسبة للشنطة استخدامي ليها نادرا في الشوبينج بس و مش دايما و بحب اسافر خفيف خفيف بشنطة ضهر بس

طولت عليكم مستنية تقرير مفصل فيه ادق التفاصيل و من مستخدمي العربية او غيرهم و شكراا

اقتباس:

---

المشاركة الأصلية كتبت بواسطة sohaila adel

السلام عليكم ورحمة الله وبركاته

انا بلف في قسم السوزوكي بقالي 3 ايام استفدت كتير بس ده ميمنعش اني طماعة و عايزة معلومات اكتر :36_1_37[1]:
بصراحة هموت على السويفت هاتشباك 2016 كان ناقصها بس فتحة سقف يا ريت لو حد يقولي ممكن اطلبها ولا لا و ممكن تتكلف كام :11:

فتحة السقف يتم تركيبها هند محلات الكماليات الكبيره مثل جينز كار مثلآ . . و حقيقة لا أعرف كم تكلف.

التوكيل مفيش مركز صيانة معتمد قريب مني في دمياط او اسماعيلية مثلا

أقرب مكان هو آخر طريق الإسماعيليه . . مركز الهايكستب
للحجز : 01116699110

بالنسبة لسعر العربية وصل لكام عشان مش موجوده خالص في معارض بورسعيد و بتصل بمعارض القاهرة بسمع ارقام غريبة اخر حاجة 139000 !!!!!

حقيقى بسبب إرتفاع سعر الدولار و زيادة الطلب على السياره و إتفاع الخط البيانى للمبيعات

و لو هحجز من التوكيل هستلم امتى تقريبا عشان الناس بيقولوا 6 و 8 شهور !!! مش فاهمة ليه يعني اصحابي جايبين ريو و اكسنت استلام اسبوع من التوكيل !!!

يطول شرح الأمر . . . و لكن بإختصار و بعد حذف تفاصيل كثيره . . إرتفاع الخط البيانى للمبيعات مع إرتفاع سعر الدولار و عدم قدرة الوكيل على زيادة الحافظة الدولاريه . . . كل ذلك أدى إلى إنخفاض عدد السيارات التى يستوردها الوكيل . . . و بالتبعيه طول فترة الإنتظار

تنصحوني بالعربية ولا لا مع العلم اني معايا حاليا نوبيرا 2 مطلعة عيني و كل اسبوعين في الحرفيين و محتاجة ارتاح من التصليح خااالص :copy of rfds:
السياره لا غبار عليها و لكن يجب أن تعرفى أن محرك السويفت و السياز يتم تصنيعهم فى مصنع سوزوكى فى الصين لذلك كلاهما صينى المنشأ و جسم السيارتين هندى المنشأ.
حتى الآن لا توجد أى شكاوى من السيارتين (إلا أشياء طفيفه جدآ و لا تذكر) و إن كان هناك تخوف من عمر المحرك الذى يتم تصنيعه فى الصين إلا إن من يشترون هذه السايره و كذلك السياز يراهنون على سمعة و تاريخ سوزوكى العريق بأن المحرك أيضآ سيكون له نفس سمعة سوزوكى الرائعه

عامة انا عايزة اجيب هاتش باك لان الشنطة مش فارقة معايا في حاجة ولا الوسع و مش معايا حد غير مامتي و مشواري اليومي حوالي 3 دقايق من الكلية للبيت و العكس و هكذا بالنسبة للكورسات و بيبقى معايا اتنين تلاتة اصحابي بس

بالنسبة للعربية في السفر ايه نظامها عامة مش بسافر كتير مرتين تلاتة في الشهر من بورسعيد للقاهرة او اسماعيلية او دمياط و العكس و سفريتين في الصيف للساحل :shine[1]:
لا داعى للقلق . . . السوزوكى سويفت لكل الإستخدامات . . . سفر كما تريدين و داخل المدينه كما تريدين أيضآ

بالنسبة للشنطة استخدامي ليها نادرا في الشوبينج بس و مش دايما و بحب اسافر خفيف خفيف بشنطة ضهر بس

طولت عليكم مستنية تقرير مفصل فيه ادق التفاصيل و من مستخدمي العربية او غيرهم و شكراا

---

تذكرى دائمآ أنك موضع ترحيب . . . أى مزيد من الأسئله أيضآ موضع ترحيب

هداك الله لأرشد أمرك و أقومه

السلام عليكم ورحمة الله و بركاته

اقتباس:

---

المشاركة الأصلية كتبت بواسطة scientist9508

تذكرى دائمآ أنك موضع ترحيب . . . أى مزيد من الأسئله أيضآ موضع ترحيب

هداك الله لأرشد أمرك و أقومه

السلام عليكم ورحمة الله و بركاته

---

شكرا لرد حضرتك .. انا مستغربة جدا تصنيع المحركات في الصين ده كنت فاكرة المحرك ياباني و الباقي بيتجمع بس في الهند .. يا ريت لو حضرتك ممكن تقولي المشاكل الطفيفة اللي ظهرت في السيارات لان اغلب الناس بتمدح في العربيتين باسلوب مبالغ فيه و ده مقلقني معرفش ليه
و ممكن اعرف تركيب فتحة سقف ده يخرجني من الضمان ولا لا و هل ممكن اطلب العربية من التوكيل نفسه بفتحة سقف ولا لا

و حاجة كمان دلوقتي احد الاشخاص عايز يتنازل عن الحجز بتاعه مع التوكيل و هو وضحلي ان التوكيل بيمنع التنازل الا للاقارب من الدرجة الاولى فقط
و توصلت معاه لحلين

الاول : انه يتواصل مع التوكيل انه يتنازل عن الحجز ليا و ايصال الحجز يبقى استلام نفس المعاد بتاعه بس ليا و اديله ال 5000 جنيه و اتعامل انا مع التوكيل و طبعا التنازل يتم في مقر التوكيل

الثاني : ان الحجز يفضل باسمه و وقت الاستلام ادفع انا الفلوس و يعملي توكيل بالبيع
مع العلم اني مش فاهمة الابعاد القانونية للحل التاني ده و مقلقة منه خاصة اني معرفش الشخص ده و الله اعلم بنيته اتمنى تكون خير

اسفة طولت على حضرتك

معلش هو حضرتك الهند بتعمل العربية كلها هتجيب الموتور من الصين ليه يعنى ؟؟؟

المعلومة دى خطأ 100 %

محرك السويفت ال k 1200 CC يصنع بشركة سوزوكى بالهند

العربية معايا و انا كشفت عليها و متأكد من اللى بقوله

معتقدش تقدرى تطلبيها بفتحة سقف
اولا هتلاقى حجز كتير على العادية
وممكن يقولك مفيش سبيشيال اوردر ولو موجود هيقولك رقم خوزعبلى ومدة انتظار طويلة ممكن توصل ل 6 شهور واكتر
ومفيش قدامك حل غير المعارض بس هتكون بأوفر برايس عالى
شوفى حد يكون مش مغلى كتير
واختيار موفق للسويفت وعربية جميلة وتتناسب معاكى
بالتوفيق

اقتباس:

---

المشاركة الأصلية كتبت بواسطة El Prince

معلش هو حضرتك الهند بتعمل العربية كلها هتجيب الموتور من الصين ليه يعنى ؟؟؟

المعلومة دى خطأ 100 %

محرك السويفت ال k 1200 CC يصنع بشركة سوزوكى بالهند

العربية معايا و انا كشفت عليها و متأكد من اللى بقوله

---

طب يا ريت بقى لو ريفيو سريع كده من فضلك :worried: بجد عايزة اعرف اللي ليها و اللي عليها

اقتباس:

---

المشاركة الأصلية كتبت بواسطة M7amD_7amDy

معتقدش تقدرى تطلبيها بفتحة سقف
اولا هتلاقى حجز كتير على العادية
وممكن يقولك مفيش سبيشيال اوردر ولو موجود هيقولك رقم خوزعبلى ومدة انتظار طويلة ممكن توصل ل 6 شهور واكتر
ومفيش قدامك حل غير المعارض بس هتكون بأوفر برايس عالى
شوفى حد يكون مش مغلى كتير
واختيار موفق للسويفت وعربية جميلة وتتناسب معاكى
بالتوفيق

---

هي لوحدها انتظارها 6 شهور لا و كمان التوكيل موقف الحجز و المعارض مش فيها اللون االلي انا عايزاه
:Copy of rfds:

اقتباس:

---

المشاركة الأصلية كتبت بواسطة El Prince

معلش هو حضرتك الهند بتعمل العربية كلها هتجيب الموتور من الصين ليه يعنى ؟؟؟

المعلومة دى خطأ 100 %

محرك السويفت ال k 1200 CC يصنع بشركة سوزوكى بالهند

العربية معايا و انا كشفت عليها و متأكد من اللى بقوله

---

بسم الله الرحمن الرحيم

أخى الفاضل

أرحب بالنقاش الهادىء البناء مع حضرتك. النقاش الذى يهدف للوصول للحقيقه الدقيقه مع إهمال كل الإعتبارات الأخرى.

المعلومه التى أخبرت أختنا الفاضله بها ليست من تأليفى الخاص و ليست إشاعه سمعتها و ها أنا أقدم لك كل الأدله التى لدى على صحة المعلومه.

1 - الخطوه الأولى:

تفضل مشكورآ بزيارة موقع سوزوكى العالمى لتتأكد من المحرك الموجود داخل السويفت

SWIFT | Global Suzuki

و ها هى صوره للموقع:

http://nileup.com/up/uploads/nilemotors_14479576631.jpg

يتضح من الصوره (التى يمكنك التأكد من البيانات المذكوره فيها بزيارة الموقع مباشرة)

1 - أن المحرك المستخدم داخل هذه السياره هو
K12B
و الذى هو فرد فى أسرة محركات K engine و التى هى أسره من عائلة محركات سوزوكى

2 - الخطوه الثانيه:

نقوم بالكشف عن تاريخ و تفاصيل المحرك K12B فى أدق مكان للمعلومه و هو دائرة المعارف الإنسانيه فنحصل على النتائج الآتيه.نتوجه لصفحة قائمة محركات سوزوكى على دائرة المعارف الإنسانيه. (من فضلك إفتح الرابط الآتى)

https://en.wikipedia.org/wiki/List_o...gines#K_engine

و ها هى صورة الصفحه

http://nileup.com/up/uploads/nilemotors_14479588821.jpg

و يتضح من هذه الصفحه الآتى:

1 - أن محرك السويفت هو K12B و ليس K12M أو K12A
(كما هو مذكور فى مواصفات السويفت على موقع سوزوكى)

2 - أن هذا المحرك يتم تصنيعه فى الصين جنبآ إلى جنب مع محرك السياز K14B

3 - ربما يظن شخص ما أن هذه المحركات غير التى موجوده عندنا فى مصر أو أن هذه المحركات مخصصه للسيارات الصينيه التى تتحرك بمحركات سوزوكى فقط . . و إذا إعتقدت فى ذلك فانا أدعوك بهدوء أن تدرس القوه التى ينتجها كل محرك بالأحصنه و ستجد أنها حرفيآ نفس عدد الأحصنه التى تنتجها المحركات الموجوده عندنا فى مصر و بنفس الأرقام الكوديه

4 - ربما يظن شخص آخر أن هذه المحركات يتم تصنيعها فى بلدين مختلفين و فى نفس الوقت (الصين و الهند) فيتم تركيب المحركات الصينيه فى السيارات الصينيه و يتم تركيب المحركات الهنديه فى السيارات الهنديه و التى تستوردها مصر. . . حقيقة إن حدث هذا ستكون السابقة الأولى من نوعها أن تنتج شركة واحده نفس المحرك فى بلدين مختلفين و فى نفس الوقت . . . و مع ذلك إن قدمت لى دليل يثبت هذه الفرضيه فأنا أرحب بها و على إستعداد كامل و تام للتنازل عن إعتقادى بصحة رأى

3 - الخطوه الثالثه:

زيادة فى الدقه و بحثآ عنها بالملقاط من فضلك قم بزيارة صفحة سوزوكى سويفت على دائرة المعارف الإنسانيه من خلال الرابط الآتى

https://en.wikipedia.org/wiki/Suzuki...0.93present.29

و ها هى صوره من الموقع

http://nileup.com/up/uploads/nilemotors_14479599261.jpg

يتضح من هذه الصوره ما يلى:

1 - أن المحركات الحاليه للسويفت هى K12B
2 - المحرك القادم للسويفت هو K14B و هو نفسه محرك السياز
3 - بعض الدول تستخدم محرك K14B فى السويفت حاليآ و بالتأكيد مصر ليست منهم
كلا المحركين يتم بناؤهم فى الصين

أخى الفاضل . . . ها أنا قد قدمت إليك الأدله التى لدى و التى تثبت صحة المعلومه التى قمت بكتابتها و نشرها.

إن كنت مازلت تعتقد أن المعلومه التى كتبتها خطأ . . . فأنا أدعوك لتقدم الأدله و البراهين التى لديك لتثبت صحة المعلومه التى تقدمها . . و تأكد أننى مستعد للتنازل عن إعتقادى فى صحة المعلومه التى قدمتها إذا نجحت فى إقناعى بقوة الأدله و البراهين التى لديك

الوصول للصواب الدقيق أهم عندى من أن أكون مصيب

هدى الله الجميع لأرشد أمرهم

السلام عليكم و رحمة الله و بركاته

اقتباس:

---

المشاركة الأصلية كتبت بواسطة sohaila adel

شكرا لرد حضرتك .. انا مستغربة جدا تصنيع المحركات في الصين ده كنت فاكرة المحرك ياباني و الباقي بيتجمع بس في الهند

قام أحد الزملاء بالتعليق على هذه النقطه و قمت أنا بالرد على تعليقه . . من فضلك إقرأى ما كتبته

.. يا ريت لو حضرتك ممكن تقولي المشاكل الطفيفة اللي ظهرت في السيارات لان اغلب الناس بتمدح في العربيتين باسلوب مبالغ فيه و ده مقلقني معرفش ليه
عدم وضوح أركان السياره أثناء الركن أو القياده فى الزحام
صغر حجم خزان الوقود . . . و لا تظهر هذه المشكله إلا فى السفر لمسافه تزيد عن 500 كم متصله

و ممكن اعرف تركيب فتحة سقف ده يخرجني من الضمان ولا لا و هل ممكن اطلب العربية من التوكيل نفسه بفتحة سقف ولا لا
لا اظن أن الوكيل سيطلبها لك خصيصآ و لكننى أظن أنه قد يقوم بتركيبها لك (بعد سؤاله طبعآ) . . لا أرى أى شخص يستطيع الإفتاء فى سريان الضمان أو عدمه إلا الوكيل نفسه

و حاجة كمان دلوقتي احد الاشخاص عايز يتنازل عن الحجز بتاعه مع التوكيل و هو وضحلي ان التوكيل بيمنع التنازل الا للاقارب من الدرجة الاولى فقط
و توصلت معاه لحلين

الاول : انه يتواصل مع التوكيل انه يتنازل عن الحجز ليا و ايصال الحجز يبقى استلام نفس المعاد بتاعه بس ليا و اديله ال 5000 جنيه و اتعامل انا مع التوكيل و طبعا التنازل يتم في مقر التوكيل

الثاني : ان الحجز يفضل باسمه و وقت الاستلام ادفع انا الفلوس و يعملي توكيل بالبيع
مع العلم اني مش فاهمة الابعاد القانونية للحل التاني ده و مقلقة منه خاصة اني معرفش الشخص ده و الله اعلم بنيته اتمنى تكون خير

أختى الفاضله . . . لأجل هذا تحتاجين محامى و لا أظن أن أى إفتاء قانونى فى هذا الشأن سيكون صحيح لو كان من غير محامى . . . و لكن لو إننى مكانك ما كنت أبدآ لأقدم على هذه المخاطره لأن إحتمالات النصب فيها أعلى من إحتمالات البيع الصادق . . فأنصحك إبتعدى عنه حتى ولو كان صادق فعلآ
اسفة طولت على حضرتك

---

أذكرك بأنك دائمآ موضع ترحيب

اقتباس:

---

المشاركة الأصلية كتبت بواسطة sohaila adel

هي لوحدها انتظارها 6 شهور لا و كمان التوكيل موقف الحجز و المعارض مش فيها اللون االلي انا عايزاه
:Copy of rfds:

---

عايزة لون ايه

بسم الله الرحمن الرحيم

الاخوه الافاضل جميعاً

بعد ان قدمت الادله و البراهين على ان المحرك يبنى فى الصين اود ان اقدم بعض المفاهيم


1- لاننى من ملاك السوزوكى الهندى فكم اود ان يكون المحرك هندى و ذلك لقناعتى بان الصناعه الهنديه افضل

2 - على الرغم من ان سيارتى هندية الصنع الا اننى لا اعرف صناعة المحرك حتى الان. لا ادرى هل هو هندى او يابانى!

3 - المعلومات التى لدى بان المتحكم فى خريطة تصنيع محركات سوزوكى (اقصد التوزيع على البلدان المصنعه) تتم بسلطة شركة سوزوكى فى اليابان فقط.

4 - من يملك دليل على ان محرك السويفت يصنع فى الهند فليقدمه و ساكون سعيد بذلك.

هدى الله الجميع لارشد امرهم و اقومه

السلام عليكم ورحمة الله و بركاته

سيارة صغيرة اكبر من الالتو شوية و داخلة مع عربيات افضل منها مثل الياريس و الريو و الاكسنت.اسعارهم متقاربه مع تفوقهم عليها في الحجم و القوة

اقتباس:

---

المشاركة الأصلية كتبت بواسطة m7amd_7amdy

عايزة لون ايه

---

احمر او ازرق:11:

اقتباس:

---

المشاركة الأصلية كتبت بواسطة volociximab

سيارة صغيرة اكبر من الالتو شوية و داخلة مع عربيات افضل منها مثل الياريس و الريو و الاكسنت.اسعارهم متقاربه مع تفوقهم عليها في الحجم و القوة

---

ممكن حضرتك توضحلي ليه العربيات التانية افضل :11: