عربيه ورث... مش عارفين نتصرف فيها

مساء الخير
فى ناس قرايبي والدهم اتوفى وهو معندوش غير بنات ..طبعا اعلام الوراثه فى اسم زوجته وبناته واخوة و2 اخواته بنات
كله عمل توكيل ل زوجته ما عدا اخته معملتش ومش هتعمل...
التصرف ازاى فى الحاله دى هما عايزين يبيعو العربيه واخته مش هتمضى ولا هتعمل توكيل ..كنت سمعت ان ممكن نعمل تقدير للعربيه ونحط نصيبها فى المحكمه ونعلمها بالمبلغ ....
يا ريت اللى عندة معلومه يقولى تتعمل ازاى وهل الاجراء دة محتاج محامى ولا احنا ممكن نعمله فى المرور ولو مينفعش نعمل ايه نسيب العربيه كدا زى البيت الوقف ولا ايه
ارجو اللى عندة معلومه يشارك ..هما محتاجين يبيعو العربيه
الف شكر مقدما

اعتقد انك تسال محامي يكون معرفة افضل لان الموضوع مش سهل

هل اخته غير راضيه انها تمضى ام توجد ظروف تمنعها من ذلك
لانك عموما لما بتعمل اعلام وراثه انت اللى بتدى اسماء الاشخاص اللى ليها الحق فى الارث ولو مذكرتش اسم حد فالاعلام بيطلع عادى
المشكله بتيجى لو حد انت مش كاتب اسمه فى اعلام الوراثه وهو راح اشتكى