تم الذهاب الى التوكيل وقد حدث الاتى زيت راشح فوق الفتيس f3 1500 cc
السلام عليكم ورحمة الله
تم الذهاب الى التوكيل . وقالولى انت برة الضمان علشان فوت 2 صيانات ورا بعض وقد تم حساب الاتى
1- طقم كلاتش ب 3500
2- قناة زيت اللى كانت بتسرب الزيت 714
3- مصنعية كلاتش 500
4- مصنعية الزيت اللى هايحط 300
5- الاجمالى بالضريبة 5900
بعد الخصم 5592
اولا احب اشكر التوكيل الفاشل واقوله كدا كتير علينا والله
ثانيا انا من البحر الاحمر وتقريبا ابعد عن مكان الصيانة اللى هو توكيل القطامية حوالى 1000 كيلو رايح جى المفروض سيادتك تلتزم العذر ان فى ناس مفيش اجازات غير يوم الجمعة دا لو اخدته و علشان انت مش موفر مكان قريب زى هيونداى وكيا وبرليناس وغيره اللى محترمين الناس بتاعتها وعاملين توكيلات او مراكز صيانة هناك
وبعدين طقم كلاتش 3500 بعد الخصم اللى المفروض 4400 جنيها وعلشان عاوز اشوف تسريب الزيت تدفعنى 1500 جنيه ليه ياعم ياريتنى كنت اشتريت عربية مستعملة حتى لو كان هيحصل حاجة كنت هاقول مستعملة
عربية جديدة ولسة ماكملتش 50 الف كيلو فى شرع مين الفتيس بتاعها يعطل مرتين . والمشكلة مش فى انهم يصلحوه بفلوس او بالضمان المشكلة انهم بيكابرو ومطلعين نفسهم انهم مسلمينك الفتيس من غير ولا مشكلة وانك من اول ماجبته بيكركر ويخبط ويقطع او اى شىء فى قلبك ممكن تقوله فى حق الفتيس . يعنى انا اعرف ان دا لو توكيل محترم يصلح من غير كلام خصوصا انى مش انا بس اللى بشتكى وان ناس كتير عندهم العيب دا .
على العموم متشكرين جدا لكل الناس اللى واقفة تتفرج ومش واخدة اى حاجة ايجابية رغم انى عارف انى فى ناس كتير عندها العيب دا وانا منتظر رد الشركة الام لانى بعت شكوى عليها وسيتم عليه تحديد قرارى بخصوص هذه السيارة اللى اتظلمت يوم ماتعاونت مع هذا التوكيل السىء . وياريت اخوانى لو فى حد عنده تحديث لايميلات الشركة يبعتهالى واكون شاكر ليه جدا وربنا مايوقع حد فى اللى انا فيه وشكرا
