الموضوع: ايه رأيكم في قرصة الودن دي........ عايز اعرفها انها مش فارقه معايا

مفيش ست مش بتعشق النكد علي ظهر كوكب الارض ولكن النكد درجات وطبعا الشرق اوسطيات اكثرهم حبا للنكد
ومفيش ست بتقول لجوزها روح عدد الزوجات
ومفيش ست مقالتش لجوزها طلقني علي الاقل مره كل ست شهور ودي طبعا محترمة جدا لان في غيرها بيقولها تلات مرات في اليوم علي بطن فاضية
ومفيش ست مش متعلقه بامها وبتقلدها حتي في طريقة حط اللقمة في جنب بقها علشان معندهاش سنان
ممكن عادي تلبس اسدال الصلاه مقلوب والخياطة برا علشان مامتها بتلبسه كده
ومفيش ست بتهزأ من كلمة عايزة اروح لماما واشبع منها الا لو بتشتغل وشغلها مش مخليها تعرف مامتها من الاصل
ومفيش ست مش بتحكي كل كبيرة وصغيرة الا النادر
ومفيش نسايب بييجوا علي بنتهم الا النادر
كل دي ثوابت لازم تفكر فيها كويس لو كنت فاكر ان الزواج من اخري هيحل المشكلة
الطلاق حل نهائي في الاحوال التالية
العرض
السفالة وطول اليد واللسان المتكرر
انعدام الامانه والسرقة

غير كده الطلاق مش هيحل المشكلة

افتح انت الاتصال بنفسك وخليه تحت السيطرة
يعني اتصل بمامتها بنفسك واديها التليفون وقلها كلمي ماما
متعرفش وقع التصرف ده علي الاتنين هيبقي عامل ازاي
اكسب حماتك في صفك هتلاقيها معاك ضد مراتك