النمل الغريب ده بيجي منين؟

**acura** · 21-11-2015 05:31 PM

مبدئيا البيت نضيف مفهوش ولا حتى نملة واحدة بس في كولمان بنملاه مياه ساقعة وفوقه كوباية صغيرة بنشرب منها ونكفيها على وشها فوق الكولمان. لما اجي اشرب تاني بلاقي تحت الكوباية نمل ملموم على نقط الميه الواقعة من الكوب ومش عارف بيجي منين؟ يعني ملوش اثر اقدر احدد مصدره ولا حتى تحت الكولمان او الترابيزة او الحيط او اي مكان مجرد الكام نملة اللي تحت الكوباية، بس اكيد مش جايين من الهوا يعني .. هما جايين عالميه بس منين ده اللي مش عارف اوصله لدرجة اني فكرت اراقب الكولمان بكاميرا يمكن اوصل لاجابة ههههههه النمل زي اللي في الصورة دي بالظبط في الحجم واللون جايبها من عالنت حد عنده فكرة عن مصدره؟

**م أحمد** · 21-11-2015 08:18 PM

شوف شقوق فى المطبخ او الحمام فى السيراميك او البلاط طالع منها تجمعات رملية

و افضل حل للنمل البودرة علشان المبيدات خطر على التنفس خاصة مع الاطفال و حطها بجوار الشقوق حتى لو مش ملاحظ حاجة

**hugan** · 21-11-2015 09:45 PM

استعمل البودره
وتنضيف المطبخ من بواقي وفتافيت الاكل

**acura** · 22-11-2015 12:56 AM

م أحمد، hugan، wawamoha الف شكر يا جماعة على الرد والافادة، انا هحاول ابحث واتتبع اي اثر للنمل ده يمكن الاقي شق او بواقي اكل ورا الخشب او الضرف بس الغرابة انه مبيجيش غير عالمياه، والميه عادية مش من فلتر ..

**just4cadbury** · 22-11-2015 11:04 AM

بص والله عن تجربة النمل قرفني في عيشتي حسيت انه و انا نايم هيشيلني انا ومراتي والعيال يطلعنا برة الشقة وياخدها وضع يد
اشتريت دوا من الصيدلية اسمه اكتومثرين 5% وده دوا للجرب :D تحطه في بخاخة وتخففه بالمياه وترش في الاماكن الي بيظهر فيها والله العظيم ولا هيظهر تاني ابدا ومتقلقش الدوا مبيعتبرش مادة سامة للاطفال يعني تمسح بعديها بماية وصابون

**volociximab** · 22-11-2015 11:08 AM

الدوا سام لو طفل بلعه او لوث الاكل

**just4cadbury** · 22-11-2015 03:27 PM

استاذنا ماهو طبيعي لو طفل او بالغ بلعه او جه علي الاكل هيبقي سام انا بقصد انه لو جه لامس الجلد مش منو ضرر و لازم تمسح بعديه بالماية والصابون مش محتاج مطهرات بتركيز عالي