افضل عربية مستعملة ما بين 55 الى 60 الف ؟؟
[justify]افضل عربية مستعملة ما بين 55 الى 60 الف ؟؟
رحلة الحيرة والعذاب :11:
ياريت مساعدة فى اختيار عربية ملائمة من حيث الاولويات الاتية :-
1- رخص اسعار قطع الغيار وتوفرها .
2- هدوء ونعومة صوت الموتور .
3- موفرة فى استهلاك البنزين .
4- شكلها حلو وعصرى .
5- موديل مش قبل 2000 .
6- اعادة البيع .
7- مصاريفها متكونش غالية لانى موظف متوسط الحال مش تاجر ولا مليونير
اما بئا الحاجات اللى فكرت وعملت بحث عنها كالاتى :-:36_1_37[1]:
الفيرنا والاكسنت والدايو لانوس والاوبترا
الفيرنا / فكرت فيها لسعرها وموديلها هيكون قريب جدا وانتشارها فى مصر وقطع غيارها متوفرة
بس خوفونى منها من حيث الثبات بعد 120 ودا ميهمنيش اوى لانى مش من هواه الجرى والسرعة
الا للضرورة فقط والطريق يكون متاح وكمان بيقولوا عزلها مش حلو وبتسمع صوت
الموتور معاك وكمان فراملها مش قوى ودا راجع لان موتور العربية 1600 اما من ناحية
استهلاك الوقود معرفش هى موفرة ولا لأ
الاكسنت / انتشارها واعادة البيع وتوفر قطع الغيار خلونى افكر فيها بس بردو سمعت ان قطع غيارها
مستهلكة بشكل سريع جدا دا غير مشكلة الباور الكهربا اللى بيفصل فى موديلات من 2006 الى 2008
بس بردو معرفش هل هى موفرة فى البنزين ولا لأ
الدايو لانوس / بصراحة بعد ما فكرت فيها بجدية دخلت على الصفحات الخاصة باصحابها
لقيت معظم مشاكلها زى المشاكل اللى انا بشتكى منها فى ال 128 اللى عندى حاليا مشاكل
فى الدوارة الصبح دا غير المقالب المفاجئة وخلافه
اما الاوبترا / فهى اكيد افضلهم بس اللى مخوفنى منها قطع الغيار و استهلاك الوقود فى
الاوبترا الاوتوماتيك اما الموانيوال معرفش اخبارها ايه لانى بفكر فى المانيوال وليس
الاوتوماتيك وكمان السعر دا بيتهيألى مش هيجيب موديل قريب اوى
ياريت ياجماعة مساعدة فى اختيار عربية ملهاش فى المقالب المفاجئة بالذات مقلب
( اللى يحب النبى يذق ):36_2_49[1]::_Alshmokh08[1]: دى تخلى اى واحد يكره نفسه مش يكره العربية بس
واى حاجة بعد كدا مقدور عليها لان خبرتى محدودة وانا شاكر مقدماً
[/justify]
