الموضوع: ًصعوبه الرؤيا الخلفيه والجانبيه فى الالتو

يوم الاربعاء اللى فات انضمينا لعائله سوزوكى بشراء سياره التو تكييف 800 لزوجتى

ولسه ورق الترخيص مش جاهز فى التوكيل حتى وقتنا هذا علشان كده مش عارف امشى بيها خالص

المهم انى ركبت العربيه حوالى 40 كم فقط فى مشوارين خفاف للتجربه ولى بعض الملحوظات

1- الرؤيه الخلفيه متعذره بسبب مساند الراس الضخمه والمبالغ فى حجمها زياده عن اللزوم ( قمت بخلع مساند الراس لاتمكن من اخراجها من الجراج - حد عنده فكره نحل القصه دى ازاى ؟؟؟ )
2- العربيه عفشتها حلوه بس تحس انها خفيفه ( مقارنه بعربيتى صنى )
3- الموتور صوته هادى نسبيا بس اول الدواره تحس انه ينعر سنه بسيطه ويهدا بعدها على طول مش فاهم ليه
4- الفرامل كويسه والتسارع كويس بس لسه بدون قرص
5- الدركسيون مش تقيل ومش خفيف وثابت على السرعات حتى 90 كم
6- لسه ما جربتش التكييف

اجمالا العربيه مناسبه لبنت او زوجه لماشوير المدرسه والنادى وجوه البلد او واحد بيبدا حياته بس لا تقارن تماما بالاسبرانزا A113 او الكيا بيكانتو