يا جماعة اية رائيكم فى الفيكترا من 96 لحد 2000 انا عيز اشتريها وعجابنى جدا هل تنصحونى بها انا معايا تويوتا ترسل 94 هل اغير واجيب الفيكترا ولا لا
واية عيوب العربية وياريت تقلولى هى افضل ولا اجيب لانسر مكوة افضل واية الفرق بين الفيكترا و المكوة
عرض للطباعة
يا جماعة اية رائيكم فى الفيكترا من 96 لحد 2000 انا عيز اشتريها وعجابنى جدا هل تنصحونى بها انا معايا تويوتا ترسل 94 هل اغير واجيب الفيكترا ولا لا
واية عيوب العربية وياريت تقلولى هى افضل ولا اجيب لانسر مكوة افضل واية الفرق بين الفيكترا و المكوة
..........
الفيكترا بشكل عام راااائعة حتى القديمة منها
ويفضل تخليك فى الايكوتيك 16 صباب بالذات فى الاوتوماتيك لو حتى 1600 شغال
انا مكنتش متخيل انها بالروعة دى وثباتها وعفشتها ملهمش حل احسن من البى ام الفئة التالتة باجماع ناس كتير متخصصين وعن تجربة لموديل 2002 اوتوماتيك 1600 ايكوتيك
وبالرغم من ثباتها وعفشتها العربية عالية حتى لو مليانة انسى انك تحف فى المطبات بعكس عربيات كتير
بختصار انت حتى لو جبت زبالة ألمانى طالما المانى هتطلع حلوة
بالنسبة لعيوبها اسوأ حاجة سمعتها عنها هيا بوردة الكمبيوتر بتاع الموتور بتتحرق بعد فترة وسعرها أغلى من سعر الموتور نفسة ، ومعظم اللى بيحصل معاهم كدة بيغيرو المكنة خالص أرخص
لكن دى بقى انت ونصيبك
اولا الف الف الف شكر على ردك
معلش عيز اسال سؤال تانى اية الفرق بين فيكترا 96 و 97 و 98 و 99
و بيبقى فى فيكترا 96 او 97 فانوس حتيتين وبلاقتى واحدة تانية فانوس حتة واحدة اية الفرق بينهم وهل الفانوس الحتة واحد بيركب على الحتيتتن عادى
وكنت عيز اعرف اسعار قطع الغيار مثلا زى التيل و الماتور 1600 يعمل استيراد فى حدود كام والف شكر على الاهتمام
اه معلش وكنت عيز اعرف كامليات فيكترا 96 كامله مانيول اية كلها
انا هاتطوع و ارد عليك مؤقتا لحد ما عمالقة الفيكترا يردوا عليك..
الفروقات بين الموديلات دي ال1600 المانيوال.ز موتورها مش ايكوتك.. 75 حصان علي ما اذكر..
(علي كلام احمد نو نيم..) ممكن يكون الفرق في المفتاح المضفر.. و الريموت..
غير كده تقريبا مفيش..
الفانوس الحتتين ده مش بتاع الموديل قبل سنة 2000 اصلا.. بيبقي متغير عادي.. بس الفيشة بتاعته مختلفة.. ممكن وليد بك عبد العزيز معانا هنا هيدلك علي الموضوع عشان هو مغيره قريب..
اسعار قطع الغيار هتلاقيها كلها ف اللينك دي..
http://www.nilemotors.net/Nile/showthread.php?t=25137
عيش معاها بقي هتلاقي اسعار قطع غيار كل حاجة تقريبا..
متشتريش عربية 1600 اوتوماتيك.. (ايكوتك يعني) و ده بنصيحة المتخصصين في اوبل.. مشاكله كتير قوي.. و كلها مكلفة.. و هتتعبك معاها.. لو تجيبها 2000 سي سي ايكوتك يكون افضل..
ف السحب و الجري و كل حاجة.. بس ف البنزين.. استهلاكه عالي..
الكماليات بقي..زجاج كهربا و باور و تكييف و سنتر و فرامل إيه بي اس. و مرايات كهربا
مش فاكر ايه تاني.. ده اللي فاكره دلوقتي..
و اكيد العمالقة هيردوا عليك رد وافي و شافي..
الف شكر على ردك يا استاذ احمد نورت الموضوع والله
ومستنين ردود باقى الاعضاء فى الموضوع وكنت عيز اعرف المكنة الاستيراد 1600 بتاعت الفيكترا بتعمل فى حدود كام والف شكر لباقى الاعضاء
اه انا قدامى عربية فيكترا 96 كاملة مانيوال حالته نظيفة جدا جدا جدا عاملة 300000 الف كيلو و الصيانة بتاعتها فى التوكيل هى العربية عاملة كل دة علشان صاحبها بيسافى البحر الاحمر كتير المهم هم طالب فيها 55 الف انتوا اية رائيكم فى السعر دة ويا ريت حد يقولى الكماليات هتيبقى اية فى العربية دى والف شكر ليكم
الله يخليك يا باشا.
اولا العربية ماشية كتير قوي.. و السعر كمان كتير شوية..
عشان الكم الكتير.. ممكن تعمل في حدود 50 بس.. (بس مش متأكد من السعر عشان ماظلمش الراجل..) بس ممكن جدا تلاقي عربيات ماشية اقل من كده..
انت من سؤالك كتير علي تمن الموتور.. ال1600 يبقي انت بتفكر تغير..
او الموتور اللي فيها بدأ يتعب.. ولا انت بتسأل احتياطي..؟؟
بيتهيألي ممكن يعمل في حدود 4500-5000 و ممكن اقل كمان شوية..
بس ده تقدير نسبي للسعر.. مش مظبوط قوي..
ممكن تاخد رقم حد من بتوع قطع الغيار الاستيراد.. و تسأله.. و تعرف بالظبط..
الكماليات انا قولتلك عليها.. تقريبا مفيش حاجة تانية..
في اخ فاضل معانا هنا معاه اخت عربيتك بالظبط.. الباشمهندس احمد مقلد..
و كان شاريها بحوالي 55 بس ماشية 260 الف باين...
هو لو فاضي و دخل المنتدي.. اكيد اكتر واحد يفيدك..
انا جيــــــــــــــت علاوي يقول مقلد بس اجي على طول وحشتوني يا جماعة بسم الله ما شاء الله احنا بقينا كتـــــــــير قوي بقينا عصابة بجد
بص يا زيزو انا فعلا معايا 96 1600 مانيوال انا كنت جايبها ب 56000 و كانت عاملة 245000 كم بس علاوي السعر ده كان كويس ساعتها و كانت بتاعت واحد طيار فكان محافظ عليها بس الكلام ده قبل الحاجات الغريبة اللي بتحصل الايام دي انا بعد ما وضبت فيها شوية حاجات كانت جايبالي 62000
على فكرة الموديل ده من احسن الموديلات و حكاية الكيلومترات دي ممكن تشوف حالة الموتور و كبسه في عربية تلاقيها 2005 و موتورها تعبان انا عرف و الله اعلم مادام بتغير زيت في مواعيده و بتحافظ على العربية يبقى متخافش
انا شايف ان مافيش فرق كبير قوي في الموديلات يعني بين 96 و 2000 في نفس الفئة يعني 1600 او 2000 مفيش اختلاف غير في المفتاح او المرايات الكهربا و الزجاج الكهربا و ده ممكن يتعمل انا عملت كدة
بالنسبة للفوانيس الحتتين و الحتة واحدة هي من اول موديل 2000 الفانوس حتة واحدة و الشبكة نيكل قبل كده الفانوس حتتين و الشبكة بنفس لون العربية و عادي ممكن تغير الفوانيس مافيش مشكلة حاجات بسيطة هتعملها و خلاص و انا غيرت كل ده برده الموضوع سهل
عشان تبقي عارف هتلاقي تفاوت كبير في الاسعار انا لسة كنت بدور مع واحد صاحبي علي اوبل و شفنا حاجات كتييير قوي و جبنا 98 2000cc ب 65000 و ده ممكن تقول غالي بس هي حالة العربية
هو ده الكلام
يا اهلا بيك يا كبير.. واحشنا والله..
ايوة كده ظبط الراجل.. و ربنا قدم اللي فيه الخير ان شاء الله..
الف الف الف شكر ليكم والله انا مش عارف افول اية بس والله انا عرفت حاجات مهمه جدا منكم والف شكر ليكم وانا كنت بسال على المتور احتياطى بس هى موتورها حالتة نظيفه جدا والعربية حالتها كويسة جدا انا هشوف اى حاجة كمان و ابقى اقولكم عملت اية
هي الفيكترا تقفيل مصري ؟
بيتهيألي ان كل الفيكترا بي اللي هي الشكل الجديد تقفيل مصري..
اللي اتباعت في مصر يعني.. لكن بيبقي في حاجات نازلة من برة بس قليلة
يا عم شكر ايه بس احنا كلنا اخوات بص انا مش عارف اقولك ايه في حكاية الموتور لو العربية فعلا نضيفة ممكن تفكر انا شايف سعرها حلو بس لو نضيفة فعلا و عشان تبقى عارف كل واحد ليه ركوبته للعربية انا جبت العربية و كانت نضيفة و صرفت عليها 8000 جنية انا مش قصدي اخوفك بس لو موسوس زيي يبقي لازم تصرف شوية و في ناس ممكن تاخدها و تمشى
استخير ربنا و قيس كبس الموتور و توكل على الله
حاجة تانية انا لسه راجع من اسكندرية و اسعار الاوبل هناك مضروبة مش عارف ليه و بدعبس عشان اعرف ليه و يا ريت الاوبلاوية الاسكندرانية يساعدوني المهم انا شفت واحدة هناك شكلها نضيف بس ما دققتش اوي هيا كانت 96 2000 cc برده كانت بـ 57000 و نهائي فبيتهيالي السعر بتاعك ده حلو
وحاصل على جوائز عديده
http://www.nilemotors.net/Nile/attac...2&d=1222175382
طبعا يا عم المعادي جنب البيت يعني راحة ايه اللي يجيبك القرية المهم اول لما تييجي كلمني عشان اشوفك
اه الحمد لله.. نص ساعه باكون ف الشغل و العكس..
ولما اجي هاقولك ان شاء الله.. و نقابل مينا كمان.. معانا في فودافون..
و نعمل مقابلة في القرية.. :) :) بس هو معاه شيروكي.. مش اوبل
توكل علي الله و1000 مبروك علي فكره الموتور الاستيراد النظيف يعمل 5000 ج كامل (الضفيره-التكييف-الباور-...) في بورسعيد :k49:
استهلاك البنزين عالى جدا فعلا فى ال 2000 سيسي ، أنا فى السفر اللتر بيعمل 11 الى 12 كلم و جوه البلد أكتر من كده ، محتاج أعرف رأي اللى معاهم ال 2000 سي سي يقولولي استهلاكهم قد ايه لأني سمعت كلام غريب هنا فى المنتدى يا ليت مشاركة أكتر بخصوص استهلاك البنزين ، احنا معانا عربية متسوبيشي كولت 2007 استهلاكها نص استهلاك الفكترا من غير مبالغة.
شباب انا قدامى فيكترا 2003 اوتوماتيك الراجل بيقول 72 الف ده سعرها ولا عالى ؟
والموديل ده كويس ولا لا فى ناس بتقولى موديل 2000 افضل الكلام ده صح؟
لو 1600 سي سي متاخدهاش اصلا..
لو 2000 ممكن تاخدها بس حاول تنزل معاه شوية..يعني 68-70
وكطعا حسب حالة العربية.ز لو وهمية يعني ممكن تدفع فيها الرقم ده..
بس تبقي عارف انك واخدها بسعرها بالظبط.. او اعلي شوية من سعرها ف السوق..
و اهم حاجة كشف ف التوكيل قبل ما تشتري..
أنا معايا بيجو 405 2000 سى سى مانيوالاقتباس:
استهلاك البنزين عالى جدا فعلا فى ال 2000 سيسي ، أنا فى السفر اللتر بيعمل 11 الى 12 كلم و جوه البلد أكتر من كده ، محتاج أعرف رأي اللى معاهم ال 2000 سي سي يقولولي استهلاكهم قد ايه لأني سمعت كلام غريب هنا فى المنتدى يا ليت مشاركة أكتر بخصوص استهلاك البنزين ، احنا معانا عربية متسوبيشي كولت 2007 استهلاكها نص استهلاك الفكترا من غير مبالغة.
و نفس الاستهلاك بتاعك ده تقريبا..كده مش عالى بالنسبة لل2000 سى سى
شوف الكولت ماتورها كام تقريبا 1500 و تكنولوجيا أعلى يبقى مينفعش تقارنها بعربية 2000 سى سى و تكنولوجيا أقدم
قارن مثلا الكولت بالاسترا الجديدة او بالبيجو ال 307
شكرا لاهتمامك وردك السريع ومعلش لاسئلتى الكتير بس انا معنديش اى خبره فى الاوبل
هى فعلا 1600 مااخدهاش علشان غاليه ولا علشان فيها عيوب؟ انا كنت مفضل ال1600 علشان البنزين والتجديد والحاجات دى
واذا كنت ناوى اجيب اوبل 99-2003 اوتوماتيك ايه احسن موديل تنصحنى بيه ؟وسعره كام تقريبا؟
ومرسى لاهتمامك تانى
براحتك يا باشا.. انت تسأل زي مانت عايز..
ولو عندنا اجوبة.. نجاوب سعاتك بقدر الامكان ان شاء الله..
و ادينا كلنا بنتعلم..
شوف يا سيدي..
لو 1600 متاخدهاش مش عشان غالية وان كان ده سبب..
لكن الموديل ده بالذات فيه مشاكل في الكونترول يونيت بتاعته..
و بتعمل مشاكل كتير.. و بتضرب كمان.. مالهاش لازمة..
لو 2000 سي سي تبقي افضل بكتير جداااااااااااا..
الافضل طبعا موديل من 2000-2003 2000 سي سي اوتوماتيك..
تقريبا مفيهاش مشاكل حالص..بس عيبها الوحيد استهلاك البنزين عالي شوية..
بس طبيعي عشان 2000 سي سي..
دي موتورها ايكوتك.. و استهلاكه احسن من ال2000 سي سي.ز موديل قبل سنة 2000 اللي قوة الموتور بتاعته اقل و استهلاكه اعلي شوية..
الخلاصة.. هات 2000 سي سي اوتوماتيك.. موديل من سنة 2000-2003
السعر بيتهيألي هيبقي في حدود 70-75 الف.ز لو موديل اسمه CDX فيه شوية كماليات زيادة..و موتوره اقوي شوية. ممكن تعمل 80 الف..
شكرا يااستاذ احمد على التوضيح
يعنى الخلاصه بلاش 1600 مهما كانت الحاله(الكلام ده يمشى على المانيوال برده؟) واخلينى فى ال2000 موديلات من 2000-2003 بالسعر اللى حضرتك قولت عليه ...بس ياريت لو حضرتك تقولى تقريبا استهلاكها كام فى ال100 كيلو متر؟
وهل فرق الترخيص من 1600 الى 2000 كبير؟
شكرا احمد باشا هاتابعك بالتطورات ان شاء الله