عرض للطباعة
أنا ناوي اشتري عربية جديدة الشهر الجاي ان شاء الله في حدود ١١٠ الف و ممكن أوصلهم ل ١٢٥ الف بصعوبة لكن ممكن ، و محتار بين البروتون جين ٢ و اللوجان و السيتروين سي اليزيه و النيو البترا اول فئة ، يا ريت لو ممكن تساعدوني مع العلم ان العربية مش لازم تكون عائلية
الجين 2 افضلهم , اللوجان ثباتها على الطريق وحش , السى اليزيه انتشارها قليل وقطع غيارها غالية , و النيو اوبترا كل حاجة فيها صينى . الجين 2 افضلهم ك اداء عربية واعتمادية عالية
أنا متفق معاك جدا و شكرًا علي الرد ، لكن أنا اسمع عن عيوب التقفيل في الجين ٢ و مش عارف هل الموضوع ده اتحسن في الموديل بتاع السنة دياقتباس:
المشاركة الأصلية كتبت بواسطة hanyyacot
افيو
لو انت من النوع اللي بيبص لجودة التقفيل والأصوات اللي مالهاش لازمة والطقطقة والحاجات دي هتندم لو جبت الجين تواقتباس:
المشاركة الأصلية كتبت بواسطة ahmeddorra
أنا بسأل هل مشاكل التقفيل دي مقدور عليها و لا صعب علاجها و هل في حاجات في قصة التقفيل دي الواحد ممكن يتفاداها و هو بيشتري ، لان أنا يهمني قبل التقفيل الصاج و الثبات و الموتور و دي طبعا حاجات لا خلاف عليها في الجين ٢ و خصوصا ان أنا للأسف كنت عامل حادثة جامدة قريب لكن الحمد للهاقتباس:
المشاركة الأصلية كتبت بواسطة sindibad
الجين2 معايا داخلة فى 5 سنين عربية ما شاء الله ممتازة ومفيش لا طقطقة ولا عيوب تقفيل ..وهي افضلهم طبعا بالمقارنة بالسعر وطلع اللوجان والشيفروليه برة المقارنة خالص ..تانى حاجة الجين 2 سعرها كدة ﻷنها مدعمة لمصر وبتتباع فى اوروبا والخليج غالية مش رخيصة وماليزيا بقالها كام سنة ابتدت تشيل الدعم تدريجيا لان مصنع بروتون اتخصخص فبالتالى سعرها بيزيد وكمان مع ارتفاع سعر الدولار ..اللي اقصده من كلامى انها المفروض اغلى من كدة بكتير ووالله مش علشان معايا انا رديت عليك لانى كنت محتار زيك كدة ...اتوكل على الله وعمرك مهتندم بالعكس كل مادا هتحبها اكتر
العفو يا فندم , بالنسبة للتقفيل انا معايا موديل 2015 وكنت سامع برضه ان فى مشاكل , بس والله من ساعة ما جبتها ومافيش حاجة ظهرت ولا فى اصوات تزييق ولا حاجة , ممكن بس تلاقى زراير تعلية الصوت فى المالتى تعلق مرة او اتنين , غير كده مافيش اى حاجة , عايز اقولك ان فى عربيات اغلى من كده بكتير وفيها مشاكل التزييق وكان عندى واحدة منهم , من الاخر مش هتلاقى حاجة تدايقك , وفى المقابل هتلاقى ثبات على الطريق هايل , سحب ممتاز , صاج تقيل مش لو حد زقه بصباعه يطبق زى باقى العربيات , العربية عالية عن الارض ف مافيش مشاكل مع المطبات.اقتباس:
المشاركة الأصلية كتبت بواسطة ahmeddorra
وفى الاخر روح وشوف كل عربية من دول واقعد جواها واحكم لان كل واحد اكيد ذوقه مختلف عن التانى . وربنا يوفقك للاصلح
شكرًا علي الرد ، فعلا أنا ميال جدا للجين ٢ ، بس عايز اعرف لو في حاجات معينة فيها اخد بالي منها عند الاستلام ، و شكرًا مرة تانيةاقتباس:
المشاركة الأصلية كتبت بواسطة eldesel2001
لو هتستلم من الوكيل متقلقش ..وسوري انى قولت شيفروليه وانت كاتب نيسان بس مش فارقة لان الاتنين صينىاقتباس:
المشاركة الأصلية كتبت بواسطة ahmeddorra
شوف الصنى الجديدة
شكرًا جزيلا ، انت فعلا كلامك ده فادني جدا و طمني الي حد كبير ، ربنا يعمل اللي فيه الخير ان شاء اللهاقتباس:
المشاركة الأصلية كتبت بواسطة hanyyacot
شكرًا علي الرد ، لكن بصراحة الصني الجديدة كانت مع واحد صاحبي و كنت بشوف انها مش ثابتة و للأسف ده كان سبب انه قلب بيها ، هي واسعة و عائلية لكن صاجها و ثباتها قليل، أنا بصراحة بشوفها عربية حلوة جوة المدينة لكن علي الطرق السريعة خطراقتباس:
المشاركة الأصلية كتبت بواسطة a.roushdy
أنا معايا جين2 من سنة و الحمد لله عمري ما سمعت فيها أي أصوات و لا أي مشاكل في التقفيل و كل 3 شهور بعمل الصيانة ب400 جنيه في عصام صفا و لكن آخر مرة غسل الماتور بالماء مما أدى إلى ظهور عيب في السارينه بتاعة السنتر و قالوا هنغيرها بس مش موجودة عندنا هنجبها من عز العرب و لسه لغاية الآن ما جاءت من 15 يوم
أنا معايا جين2 من سنة و الحمد لله عمري ما سمعت فيها أي أصوات و لا أي مشاكل في التقفيل و كل 3 شهور بعمل الصيانة ب400 جنيه في عصام صفا و لكن آخر مرة غسل الماتور بالماء مما أدى إلى ظهور عيب في السارينه بتاعة السنتر و قالوا هنغيرها بس مش موجودة عندنا هنجبها من عز العرب و لحد الآن مجبهاش الكلام ده من 15 يوم
ممكن تضيف ليهم كمان البونتو الايزي
انا جايبها من 7 اشهر والحمد لله لحد الان كويسة
مميزاتها اقل استهلاك بنزين , شكل مميز جدا , تقفيل افضل من الجين واللوجان والثبات فوق الممتاز
العيوب هي 77 حصان مش بتاعت شد مع الجن الفتيس محتاج معامله خاصة علشان يعيش معاك
متابع
شكرًا علي الرد، معني كلامك ان العربية كويسة الحمد لله ، لكن المشكلة في التوكيل ، هل السارينة دي مش موجودة بره التوكيل كمان ، أنا فاهم انك متضطر تستني التوكيل علشان الضمان ، لكن سؤالي علشان المدي الطويلاقتباس:
المشاركة الأصلية كتبت بواسطة مايكل صفوت
أنا أوافقك ان البونتو عربية كويسة جدا ، ربنا يبارك لك فيها ان شاء الله ، لكن اعتقد انها اصغر شوية من الجين و خايف من توكيلها و قطع غيارها لأَنِّي اعرف ان قطع غيارها أغلي كتير عن الجيناقتباس:
المشاركة الأصلية كتبت بواسطة sherif0
السلام عليكم
هي الجين 2 عاملة كام زيرو
وفين المعارض اللي بتبيعها وتوكيلها فين وأسعاره ايه لو سمحت
وايه العيوب اللي تتاخد عليها لو فيه عيوب
فكر جامد في متسوبيشي اتراج ومتسألش غير ملاكها
أنا اللي اعرفه لأَنِّي لِسَّه هشتري ان توكيلها هو عز العرب اللي موجود عند ابو رواش اول الصحراوي و معرفش فروعه التانية فين ، و ان سعرها ١١٢ الف للمانيوال و ١١٩ الف للاوتوماتيك ، و لحد دلوقتي اللي اعرفه عن عيوبها ان في بعض الناس كانت بتشتكي في الموديلات القديمة من بعض عيوب التقفيل ، لكني ميزتها موتورها و ثباتها و صاجهااقتباس:
المشاركة الأصلية كتبت بواسطة ma7moud salama
يا ريت لو عندك فكرة عنها تقول لنا لان اللي أنا اعرفه انها ١٢٠٠ سي سي و ان صاجها ضعيفاقتباس:
المشاركة الأصلية كتبت بواسطة mohamed awny91
و ربنا يجازيك خير
الوتوماتيك ب 119000 و التوكيل عز العرب على طريق اسكندرية الصحراوى قبل داندى مول وقبل بنزينة امارات مصر , فى كمان مركز رئيسى فى الدقى فى شارع المتحف الزراعى تقريبا تحت كوبرى 6 أكتوبر. فى معرض كويس انا اتعاملت معاه اسمه الحاوى فى شارع الطيران , وده موزع معتمد وناس محترمين كمان.اقتباس:
المشاركة الأصلية كتبت بواسطة ahmeddorra
تسلم يا باشا ع اهتمامكاقتباس:
المشاركة الأصلية كتبت بواسطة ahmeddorra
يا ريت تبقى تقولنا اخبارها ايه لما تجيبها
وربنا يباركلك فيها و يكفيك شرها
شكرا جزيلا لحضرتك على اهتمامك ... بارك الله فيكاقتباس:
المشاركة الأصلية كتبت بواسطة hanyyacot
الجين 2 جميلة
بس اعادة بيع مش حلوة
وقطع غيارها مش كلها متوفرة
انت مجبتش سيرة الصني
اعتقد ان الصني هو وحش الفئة ديه
اولا انا متشكر جدا علي الرد، صحيح ان الصني اوسع و شنطة اكبر و عائلية اكتر، لكن صاج اضعف و خفيفة علي الطريق، و ده عن تجربة، لانها للاسف كانت مع واحد صاحبي و موضوع ثبتها ده خلاها قلبت بيه بس الحمد لله ربنا سترها معاه و طلع سليم، من الاخر انا بشوفها عربية مدينة لكنها مش حمالة اسية و الله اعلماقتباس:
المشاركة الأصلية كتبت بواسطة tameem2010
سي اليزيه مضمونة اكتر منهم كلهم
و انا بشتري رجت شوفت اتراج قفلت منها صغيره و تكيف ضعيف تناسب سيده و داخل المدينه لكن سيارة عائلة و سفر لا
كنت محتار بين بيرسونا و السي اليزيه
رحت معرض ركبت جين 2 و الاليزيه
الاليزه احلي و اجمل و اوسع و اكثر في الاوبشن
توكلت علي الله و اشتريتها من 3 شهور و هي بسم الله ما شاء
نصيحه متسمعش كلام حد مجربش و يا ريت تروح و اركب العربية الاول و لو تعرف تجربها كمان يبقي احسن
و اخيرا استخير ربنا قبل الشراء بالتوفيق
يعني السي اليزيه تكيفها حلو والأتراج تكيفها ضعيف :d سبحان اللهاقتباس:
المشاركة الأصلية كتبت بواسطة salehsaied
هو صاجها عادي مش فولاز زي كل الجديد تقريبا... 1200 سي سي و 3 سلندر وفتيس cvt و 78 حصان وياباني تقفيل تايلاند.. اعمل حضرتك test drive موجود في كل التوكيلات واحكم بنفسك.. العربية معايا بقالها شهر ومشاء الله مشتكتش منها في حاجة.. وممكن حضرتك تخش على جروبها ع الفيس بوك وتسأل ملاكها بنفسك واللي حملوها وسافرو بيها 160 بالتكييف واي حاجة ممكن تقلقك تقدر تسأل فيها... دا لينك الجروب :اقتباس:
المشاركة الأصلية كتبت بواسطة ahmeddorra
https://www.facebook.com/groups/AttrageEgyptClub/