الاداء افضل بعد تغيير زيت الفتيس المانيوال هوندا سيتى 2008
مع ان الزيت القديم نازل نظيف وفيه لزوجه
وتم تغييره بزيت كاسترول ماجنتك 10w40
انا عارف الناس هتستغرب بس كاتلوج العربية بيقول كدا وللتاكيد كلمت مهندس فى التوكيل للتاكيد
واهم حاجة عندى ان ميكونش غلط على الفتيس و اداء الفتيس بقا فى منتهى النعومة مفيش بعد كدا
وانا رافع صورة من الكتالوج للناس الى ممكن تستغرب.......
حضرتك عملت الصح.. بس خلي بالك..
الكتالوج قايل وبوضوح إنك ممكن تحط زيت موتور مخصص لسيارات البنزين في حالة واحدة.. إنك ما تلاقيش زيت هوندا للفتيس المانيوال MTF أو (Manual Transmission Fluid)
وشارط عليك إنك تستخدمه بصورة مؤقتة Temporary لحد ما تلاقي زيت هوندا... لإن زيت الموتور مش موجود عليه الإضافات اللي الفتيس محتاجها... وبالتالي لو سبته في الفتيس هتلاقي عملية نقل الغيارات بقت صعبة.
ده المكتوب في الكتالوج.
http://www.nilemotors.net/Nile/attac...6&d=1448559710
وعايزك كمان تراجع الكتالوج اللي جاي مع العربية... مش الموجود في النت... لإن غالبا بيكون فيه اختلافات.
...
الف شكر يا بشمهندس borio1704
بس انا حاسس بفرق جامد جدا عن الاول فى كل حاجة فتيس و سحب العربية
يعنى انا قبل كدا مغيير بوجيهات اصلي وفلتر بنزين وفلتر هواء ومحستش بفرق زى دلوقتى
بجد ان مستمتع بسواقة العربية دلوقتى
وشكرا لكل شخص فى المنتدى على تقديم تقرير على كل شى يخص السيارة
وشكر خاص للاستاذ كريم منير مؤسس هذا المنتدى الرائع
طب قبل تغيير الزيت كان الفتيس خشن ولا حاجة علشان كده غيرته؟؟ انا معايا سيتي ٢٠٠٨ مانيوال برضه والفتيس ناعم في حركته مفيهوش مشكلة ؟؟ هو المفروض يتغير كل قد ايه؟اقتباس:
المشاركة الأصلية كتبت بواسطة wahid 1127
اقتباس:
المشاركة الأصلية كتبت بواسطة ahmediz2000
ارجع لكتالوج العربية.. فيه مواعيد تغيير كل السوائل والزيوت ومواصفاتها.
...