ايه رايكم في المشروع دة ... مشروع بلاي ستيشن

السلام عليكم و رحمة الله و بركاته


محتاج رايكم في فكرة مشروع بلاي ستيشن . الفكرة بصراحة مكنتش مقتنع بيها لحد ما شفت بنفسي احد الاصدقاء عندة محل بلاي ستيشن و ربنا يباركله شغال كويس

و لما رحت انا كمان من كام يوم لقيت اقبال غير عادي مع ان اخر مرة رحت محل بلاي ستيشن
كان ايام الجامعه


المهم انا بصراحة محتاج فعلا لمشروع زي دة و انا و صديق لي
هندخل مع بعض ان شاء الله

ايه رايكم اولا في الفكرة و في حاجة كمان هل في امكانيه اني اشتري اجهزة البلاي ستيشن

بالتقسيط من اي مكان ؟


الف شكر بجد لكل واحد يشير علي ربنا يكرمكم

ليه مش بشوف حد بيفكر فى مشروع انتاجى هو يكسب ويشغل معاه كم واحد ووراهم ناس كتير هيشتغلوا من نقل لمستلزمات لتجار وهكذا...ويكون عنده فكره عنه لكى ينجح باذن الله ... مش مجرد انى شوفت فلان بيكسب هى دى اقصى دراسه جدوى لدخولك مشروع!!!!!!!!

اقتباس:

---

المشاركة الأصلية كتبت بواسطة طارق _عبد السلام

ليه مش بشوف حد بيفكر فى مشروع انتاجى هو يكسب ويشغل معاه كم واحد ووراهم ناس كتير هيشتغلوا من نقل لمستلزمات لتجار وهكذا...ويكون عنده فكره عنه لكى ينجح باذن الله ... مش مجرد انى شوفت فلان بيكسب هى دى اقصى دراسه جدوى لدخولك مشروع!!!!!!!!

---

ليه بتقول كدة ؟ مين قال اني مشفتش مشاريع تانية و ان كل هدفي هو هذا المشروع
فقط هذه مجرد بداية مش اكتر انا مش دة هدفي و لكن مقارنة براس المال المطلوب
فهذا ما استطيع ان اقوم به في الفترة الحالية

هي دة الفكرة

حضرتك هو مشروع هايل
بس لازم شوية متطلبات
1.تحاول تفتحة جنب مدرسة
2.تحاول تفتحة جنب نادي
3.يفضل جنب مدرسة
4.يكون فية حد امين
5.الي هيقعد فية يكون معاملاتة كويسة مع الناس
6.يكون فية اجهزة كثير
7.يكون فية احدث الالعاب
8.الاسعار متكونش غالية اوي
يعني مثلا ساعة ال4 بالكثير 20 جنية
ساعة ال3 بالكثير 15
9.يكون اوض و مايكونش مفتوح علي بعض
علشان الناس بتحب الاوض اكثر
10.يكون التلفزيون led و مش اقل من 40 بوصة

حط نفسك مكان العيال اللي مكسبك هيبقي من جيوبهم

مشروع بلاى ستيشن أو إكس بوكس . مشروع صالة بلياردو أو حتى ترابيزة بنج .مشروع موبيلات أو مشروع عربية كبدة .

هكذا يفكر المصريون إقتصاديا ..

بصراحة عندك حق لإن مافيش حاجة عليها القيمة تنفع تتعمل فى البلد دي . كنت زمان أيام حقبة الإستقرار المباركية حاولت أعمل مصنع صغير لصناعة أقلام رصاص ستادلر فى مصر . مجرد ماكينتين تصنيع فى ورشة مساحة 50م . فشلت فشل ذريع فى الحصول على رخصة للتصنيع . تخيل إن الرفض جه من مصر مش ألمانيا .

اقتباس:

---

المشاركة الأصلية كتبت بواسطة ahmedwagdy03

مشروع بلاى ستيشن أو إكس بوكس . مشروع صالة بلياردو أو حتى ترابيزة بنج .مشروع موبيلات أو مشروع عربية كبدة .

هكذا يفكر المصريون إقتصاديا ..

بصراحة عندك حق لإن مافيش حاجة عليها القيمة تنفع تتعمل فى البلد دي . كنت زمان أيام حقبة الإستقرار المباركية حاولت أعمل مصنع صغير لصناعة أقلام رصاص ستادلر فى مصر . مجرد ماكينتين تصنيع فى ورشة مساحة 50م . فشلت فشل ذريع فى الحصول على رخصة للتصنيع . تخيل إن الرفض جه من مصر مش ألمانيا .

---

طيب حضرتك ممكن تفيدنا لو عندك افكار غير تقليديه ومناسبه

اقتباس:

---

المشاركة الأصلية كتبت بواسطة ahmedwagdy03

مشروع بلاى ستيشن أو إكس بوكس . مشروع صالة بلياردو أو حتى ترابيزة بنج .مشروع موبيلات أو مشروع عربية كبدة .

هكذا يفكر المصريون إقتصاديا ..

بصراحة عندك حق لإن مافيش حاجة عليها القيمة تنفع تتعمل فى البلد دي . كنت زمان أيام حقبة الإستقرار المباركية حاولت أعمل مصنع صغير لصناعة أقلام رصاص ستادلر فى مصر . مجرد ماكينتين تصنيع فى ورشة مساحة 50م . فشلت فشل ذريع فى الحصول على رخصة للتصنيع . تخيل إن الرفض جه من مصر مش ألمانيا .

---

على فكره فشلك فى عدم استخراج الترخيص مش عائق لتوقف المشروع

انا لى اكثر من 3 سنوات اعانى فى استخراج الترخيص...ومع ذلك مستمر فى شغلى ..99% من مشاريع البلد شغاله بدون ترخيص ماشيين بمبدأ اشتغل والباب اللى يتفتح عليك اقفله ..الحياه مش هتتوقف علشان عندنا بيروقراطيه قاتله للامل وموظفين فى المحليان ربنا هو اللى هيخلص منهم ان شاء الله...........

جمب مدرسة؟؟؟؟؟؟؟؟؟؟؟
ازاى؟؟؟؟؟؟؟
يعنى قصدك يطلعوا من مدرسة للعب؟؟؟؟؟؟؟؟
لو المشروع زى ده مكسبه يبنى على ذلك فاعتقد انه اكيد ربح غير حلال لانه لا يساعد على بناء اطفال محترمين متعلمين للامة
يبءة كده بنخرج غير محترمين و اطفال لللعب فقط
لا انصح بذلك

ربنا يوفقك ويوسع عليك

اقتباس:

---

المشاركة الأصلية كتبت بواسطة ام حبيبة

جمب مدرسة؟؟؟؟؟؟؟؟؟؟؟
ازاى؟؟؟؟؟؟؟
يعنى قصدك يطلعوا من مدرسة للعب؟؟؟؟؟؟؟؟
لو المشروع زى ده مكسبه يبنى على ذلك فاعتقد انه اكيد ربح غير حلال لانه لا يساعد على بناء اطفال محترمين متعلمين للامة
يبءة كده بنخرج غير محترمين و اطفال لللعب فقط
لا انصح بذلك

---

كلام مظبوط مش عايزين نحبطك

بس متنساش ( لا بارك الله فى عمل يلهى عن الصلاة ) يعنى الناس اللى عند حضرتك هتسيب اللعب علشان تروح تصلى

ربنا يرزقك الحلال الخالص

يطلعوا من المدرسه للعب؟ ههههه قصدك يزوغوا من المدرسه علي اللعب ولو لقو وقت ممكن يعدوا علي المدرسه يسلموا علي صحابهم