الموضوع: كاسيت تاتش لنيسان صنى 2013

السلام عليكم ورحمة الله وبركاته
صباح الخير :)
الله يبارك فيكم جميعا يا اخوتي الاعزاء
بالنسبة لموضوع الشحن ... هو شحنه لمصر بيكلف 20 دولار ويعتبر مبلغ بسيط بالنسبة لسعره ولان شحنه عن طريق ال dhl لما قريت كده على موقعهم اتصلت بشركة الشحن dhl عشان استفسر عن الجمرك والتخليص وجدت مايلي:
- الجمرك 40 % من قيمة الجهاز المذكور في الفاتورة
- 135 جنيه رسوم ال gps
- 135 جنيه رسوم البلوتوث
- 140 جنيه مصاريف التخليص الجمركي
لقيت ان كده طبعا حيطلع غالي اوي زيادة عن اللزوم ، لقيت ان الشحن لالمانيا مجانا وبيوصل في خلال 4 ايام لالمانيا وبالصدفة كان في واحد زميل قريب لي موجود في المانيا فشحنته عليه وفعلا جابه معاه بصحبة راكب ولا فيه جمرك ولا رسوم ولا اي حاجة من دي
قابلت مشكلتين بقى عند التشغيل تم التغلب على واحدة منهم والتاني باذن الله يتم التغلب عليها :
- المشكلة الاولى ان مش اي يو اس بي بيشتغل عليه عشان يلقط النت لكن الحمدلله لقيت يو اس بي نفس الموديل اللي مذكور في الكاتالوج بتاعه من موبينيل واشتغل
- المشكلة التانية ان الريموت وصل مكسور حاولت اصلحه لكن للاسف الكسر واصل للبورد بتاعه ومأثر على مكان زر الباور اشتغل كله لما لحمته من جوه باستثناء 3 ازرار وطلبت منهم ريموت تاني عشان ده وصل مكسور وهم فعلا ذوق جدا اعتذروا وبعتوا ريموت تاني لكن على المانيا :( مستني بقى حد يكون جاي يجيبه معاه لكن عامة مش حنجتاج للريموت اوي لان ببساطة الجهاز كله في متناول ايد السائق يعني اعتقد الريموت ده كمالية مش مستغلة اوي
نظامه اندرويد تماما وبينزل عليه اي حاجة من البلاي ستور كانه تليفون تماما وطبعا عشان الخط اللي فيه والنت فبيشغل كل حاجة واي ابليكيشن بيشتغل اندرويد
اتمنى اكون افدتكم بالمعلومات المطلوبة ويومكم سعيد باذن الله
محمد

السلام عليكم ورحمة الله وبركاته
الكاسيت اللي عند سبير كار سمفوني وسعره ارخص عند ناس تانية زي مثلا المرصفاوي في المقطم الفرق اللي بينه وبين اللي جبته من بره ان اللي جبته فيه 3G وواي فاي يعني توصله يو اس بي من اي شركة اتصالات يلقط نت اوي من خلال الواي فاي اللي فيه يعني يعتبر بنظام الاندرويد اللي فيه سمارت فون تماما وبينزل عليه كل تطبيقات الاندرويد وبيسهل الدخول لخرايط جوجل طبعا غير الخرايط اللي جاية معاه iGo
وكمان معاه الكاميرا الخلفية انا بستخدمه دلوقتي بقالي فترة والحمد لله ماشي حاله كويس وقبل ما اجيبه سالت عند كذا حد منهم سبير كار والمرصفاوي
وعلى فكرة نزل منه موديلات اسرع ممكن قبل ماحد يشتري بس يدخل يتفرج
محمد