هل الضمان يشمل العفشه ؟ مساعدين ، مقصات ، كبالن ، قواعد ... الخ.
ولا دى حاجات استهلاكيه ... ولا حيقول سوء استعمال
عرض للطباعة
هل الضمان يشمل العفشه ؟ مساعدين ، مقصات ، كبالن ، قواعد ... الخ.
ولا دى حاجات استهلاكيه ... ولا حيقول سوء استعمال
متابع
يشمل و لكنه لا يشمل سوء الإستخدام
بمعنى فيه شروط ضمنية واضحة يجب توافرها علشان يدخل العفشة فى الضمان:
- انه يكون عارف ان جزء معين فى العفشة معيب
- او ان العربية تكون عاملة كيلومتر قليل....اقل من ١٠ الالف كم كأقصى تقدير...يعنى مينفعش اغير مساعد ضمان لعربية عاملة ٥٠ الف كم مثلاً
طبعاً العفشة و أجزائها تعتبر قطع استهلاكية و ترتبط ارتباط وثيق بنوع الطرق اللى انت بتمشى عليها وطريقة سواقتك
كمثال: سائق الليموزين بين الأسكندرية و القاهرة طريقه الصحراوى ممكن يعمل ٣٠٠ الف كم بدون ما يحتاج اى شىء فى العفشة و ممكن غيره فى نفس الفترة الزمنية بياخد الزراعى و طرق غير ممهدة يعمل ٣٠ الف كم و يكون محتاج يغير اجزاء كتير فى العفشة.....الموضوع مطاطى جداً و صعب حصره كقوانين ملزمه
تحياتى
معليش يا جماعة. اظن الكلام ده مش صح. انا معايا كيا سيراتو و غيرت المساعدين ضمان فى التوكيل على ٩٨.٥ الف كيلو. و مفيش مشكلة. القاعدة الذى اعرفها ان اى حاجة ربر اى جلد . بعد مثلا ١٠ او ٢٠ الف لو فيها تلف. تتغير على حسابك. و التنابيير كذلك. غير كده كلو ضمان. ده الى حصل معايا طول ال ١٠٠ الف كيلو ضمان للعربية.
السلام عليكم ورحمة الله وبركاته،،،
انا غيرت مساعدين عربيتي القديمه (بروتون ساجا) في الضمان وعلى ما أتذكر العربيه كانت عامله 50 ألف.
بس الجدير بالذكر إن العربيه دي كان المساعدين فيها عيب شائع بعضها بيبوظ بسرعه فعلاً. يمكن عشان كده التوكيل غيرها. أي نعم بعد انتظار 6 شهور بس غيرها في الآخر.