أى إصلاح فى الفتيس بقى فى ابو رواش بس !!
توكيل بيجو بقى من اسوأ التوكيلات اللي اتعاملت معاها الصراحه
كنت حاجز اصلاح للفتيس عشان بينتش جامد لدرجه الهبد في الزحمه ما بين الاول و التاني يوم ١١/٢٨ و طبعا حاجز قبلها بحوالي ٣ اسابيع عشان مفيش غير غمره اللي ممكن يشتغل في الفتيس عشان فرع صلاح سالم للصيانات السريعه بس!!!
لقيت حد بيكلمني من بيجو يوم ٢١ بيقولي ان الحجز بتاعي اتنقل فرع ابو رواش عشان كل الفنيين بتوع الفتيس اتنقلوا هناك من النهارده!! يا فندم ازاي الكلام ده و مينفعش كده و المفروض غمره هو المركز الرئيسي و مفيش منطق في الدنيا يخليني اروح اصلح العربيه في ابو رواش اللي سمعته زي الزفت اصلا و معظم اللي راحوه رجعوا يسبوا و يلعنوا فيه و كمان انا ساكن في جسر السويس و جنبي في القاهره بدل المركز ٢ منهم المركز الرئيسي قالتلي يا فندم ده قرار طلع و اتنفذ خلاص و احنا بنبلغ حضرتك بس
طبعا اتصلت بعد كده عملت شكوي في القرار ده و ان بيجو خدت قرار زي ده من غير ما تاخد رأي العملاء سواء من خلال البيدج بتاعتهم علي الفيس بوك او الويب سايت و ان القرار ده هيبهدل الناس علي الفاضي. اتصلوا بيا بعد كده و قالولي حضرتك قدمت شكوي بخصوص كذا كذا و قعد يكلم معايا نص ساعه مكالمه ملخصها ان مركز غمره زحمه و ان القرار ده لمصلحتك اولا و ان القرار اتاخد و اتنفذ خلاص و كان ابسط رد انك ممكن تنقل ٧٥٪ من الفنيين لو عايز و تسيب ٢٥٪ في غمره و تنبه علي العميل لو روحت غمره عربيتك هتتأخر و لو مستعجل عليها روح ابو رواش و اهو تبقي سيبت فرصه للناس تختار علي الاقل بس طبعا مفيش الكلام ده خالص و خلص الموضوع علي كده يا تروح ابو رواش يا تخبط دماغك في عربيتك البايظه و خلاص
بصراحه توكيل cdcm اسوأ توكيل اتعاملت معاه و من ساعه ما جبت ال٣٠١ من حوالي سنتين و نص و هما من سئ الي اسوأ
