انا لاحظت ف تدويرى على عربية ف سوق المستعمل كله لقيت ان ف بعض الماركات منتشرة اوى معروضة للبيع الا وهى زى التيوتا والميتسوبيشى والكيا ... إلخ
طبعا دى مركات ممتازة وغنية عن التعريف لكن الغريب بقى ان ماركات مثلا زى اسبرانزا تيجو مثلا مش معروضة للبيع كتير مستعملة ايوة هى موجودة ومعروضة مقولناش حاجه بس مش بكثرة باقى الماركات هى وكام ماركة تانية برده مش التيجو بس .. بس ياترى دا ليه هل هى عربية تمام ومريحة وبالتالى اللى بتكون معاه مبيفكر يبيعها او يغيرها ؟؟ !!! مع انها صينى والغالبية مبيشكرك ف الصينى !!! ..
انا معايا فيرنا كنت شاريها جديدة عالزيرو 2013 ولما فكرت احدث من كتر المطبات اللى ف شوارعنا العزيزة زهقت ومحبيتش اى نوع من انواع السيدان وعاوز اجيب حاجه من فئات suv بس الميزانية ف حدود ال 130 بالكتير فكانت التيجو هى الانسب بالسعر دا بس الخوف انى اجيبها والاقي فيها مشاكل
انا كنت نويت على شارك بس المشكلة ان كل السيدات قريب للجباااال اللى على هيئة مطبات ف الشوارع
الوضع بقى محير
وفكرت ف الفانتازيا مستعملة بس بحكم خبرة قديمة ف سوق السيارتا مفيش حاجه مستعملة مضمووونة لان معظم المستخدمين مبيحفظوش ولا بيتبعوق قواعد القيادة السليمة والاهتمام بالسيارة وبالتالى المستعملة كله اى كلام الا مااااندرر
الامر محيررررررر ..!!!!