السلام عليكم لو سمحتوا كان في مشكلة عندي في المساعدين وغيرتهم المهم ام لمبه ال. Abs في التابلوه منورة ومش راضية تطفي وانا معايا تيوتا يارس 2009 فياريت لو اعرف معناها ايه واحل المشكلة دي ازاي ... وجزاكم الله خيرا
عرض للطباعة
السلام عليكم لو سمحتوا كان في مشكلة عندي في المساعدين وغيرتهم المهم ام لمبه ال. Abs في التابلوه منورة ومش راضية تطفي وانا معايا تيوتا يارس 2009 فياريت لو اعرف معناها ايه واحل المشكلة دي ازاي ... وجزاكم الله خيرا
الي غير المساعدين نسي يركب الفيشة او مركبها مش مضبوط حاول تبص عليها وتركبيها او تضغط عليها وان شاء الله هتختفي من الشاشة
يعني كدا دي ملهاش علاقة بالفرامل بتاعت العربية مفيش خطر يعني ...اصل اللي قريته ان كدا الفرامل فيها مشكلة !!!!
معلش مش فاهمه فيشة ايه اللي حضرتك تقصدها
يا اما مركبش الفيشة او قطعها او ركبها بس محتاجة تتظبط عالجهاز لان الكنترول مقراش الفيشة
يبقي الافضل الميكانيكي يشوف الفيشة وبعدين تتحط علي جهاز عشان اللمبة مش هاتطفي من غير الجهاز
Delete errors
طيب معلش يعني الموضوع ملوش علاقة بالفرامل ....ومفيش خطور لو مشيت بالعربية
لا طبعا ليه علاقة
لانه كده abs مش شغال يعني الفرامل مش شغالة بنسبة 100%
وغير كده الكمبيوتر شايف عطل فيها يعني الحساسية بتاعتها هاتكون اقل
ولماذا الانتظار الموضوع بسيط انشاء الله
اي ميكانيكي عنده جهاز يظبطها
معلش هدوش حضرتك بالاسئلة ... طيب ازاي الفرامل مش شغاله ..وانا بمشي بعربية والفرامل كويسة معايا الحمد لله !! بتفرمل عادي يعني دا قصدي
الفرامل شغال بس abs مش شغال وده جزء من منظومة الفرامل
الفرامل شغالة عادي ومفيهاش مشكلة نهائي
المشكلة عندك في نظام abs مانع الانغلاق
فمش هتحس باي مشكلة
لان abs هدفه الاساسي انه مانع انغلاق في الطوارئ فقط
لو اضطررت انك تفرمل فرامل فجاءة قوية فمبيعملش اغلاق كامل للعجلات ..بيتم الاغلاق على نبضات
فيزيائيا ده الافضل من حيث زمن التوقف ومن حيث المقدرة على المناورة اثناء انغلاق الفرامل
انما غير كده ولا اي حاجة ولا عمر تحس بabs في ظرةوف التشغيل العاديه ولا بيكون له لازمة كمان ومش بتحس بفرق
عموما ده اما فيشة abs او الجهاز بتاع abs نفسه فيه مشكلة ومش هتبان غير على جهاز الاعطال
اولا مفيش حاجه اسمها عادى والفرامل كدا كويسه كده انت عامل زى الى رامب عربيه من غير abs الوقت الزمنى لوقوف السياره بدون النظام اطول
ثانيا اكشف وشوف العطل الى متسجل علشان تعرف ايه المشكله
وهل انت غيرت بلى عجل مع المساعدين لان البلى له علاقه بالنطام الفرامل والكمبيوتر هيحدد صح