كنت عايز اعرف ايه رأي الناس اللي سكنت هناك و عاشت فتره
ايه رأيكم في الحياه هناك من جميع النواحي اليوميه وهل تنصحونا بالسكن هناك ولا ايه؟
كنت عايز اعرف ايه رأي الناس اللي سكنت هناك و عاشت فتره
ايه رأيكم في الحياه هناك من جميع النواحي اليوميه وهل تنصحونا بالسكن هناك ولا ايه؟
زهراء مدينة نصر من المناطق اللى انا بحبها فعلا بس المرحلة التانية فقط في إسكان القوات المسلحة ... تقسيم العمارات جميل والمساحات الخضراء كويسة وأماكن الإنتظار واسعة وجميلة ... أكتر من كده معرفش في الزهراء بصراحة
هية بس مخصصة لضباط القوات المسلحة فقط ده اللى انا أعرفه لكن عادي بتتباع برضه وليها سككها
يعيب الشقق دي حاجة واحدة فقط أنا شايفها انها عيبها القاتل الوحيد هو انها ضيقة الى حد ما حيث ان مساحة الشقة لا تتعدى 86 متر صافي تقريبا وأكتر حاجة خانقاني هى مساحة غرف النوم لازم القوضة تكون تفصيل عشان تيجي عليها الحاجات الجاهزة هاتكون كبيرة شوية ومش مخلية مساحة واسعة للتحرك ... يدوب مكان تقف تغير فيه أو تفرش مصلية أو التانية جنبها بالكتير قوي
لكن غير كده انا شايفها هايلة بصراحة ومرتاح فيها جدا ... وبعدين أفراد الأمن عبارة عن عساكر الجيش المصري وبيقضوا فترة تجنيدهم فيها لكن بيلبسوا لبس شركة أمن عادية لكن تابعة للقوات المسلحة
بصراحة مستقبل المنطقة انا شايفه انه جميل خصوصا اني ساكن فيها من قبل مايكون فيها صريخ ابن يومين والكلام ده كان من خمس سنين فقط ودلوقتي بقت أقل ما يقال عنها انها زحمة جدا
... أما القاهرة الجديدة أروع من كده بكتير وميزيتها الرئيسة دلوقتي انها لسة الى حد ما مش زحمة خالص .. بس لازم الحكومة تلاقيلها صرفة في مداخل ومخارج التجمع الخامس والأول من والى مدينة نصر لأنها من دلوقتي بتبقى واقفة تماما في فترة الذروة أمال لما الكثافة هناك توصل لمعدلاتها هايحصل ايه .. والنطقة هناك تمتاز بسرعة نمو غير طبيعية بس لسة بينقصها الخدمات الى حد ما بعكس الزهراء اللى دلوقتي فيها كل حاجة
أرجو إني أكون أفدت في حاجة
فيه برضه فى الزهراء مجموعه ابراج اسمها ابراج زهراء ستايل قدام مساكن الضباط موقعها كويس واسعارها معقوله بس مش عارف لسه فيها ولا لا لان اخويا اخد فيها من سنه شقه 125 م كانت عامله130000 تقريبا
..mokhtar..
معلش ممكن تقول مكانها فين بالظبط وهل بتبقا كاش ولا اقساط ولا ممكن كدا وممكن كدااقتباس:
المشاركة الأصلية كتبت بواسطة mokhtar