الموضوع: تويوتا-بليزر

المشاركة الأصلية كتبت بواسطة Mecha

الناس شغاله في الكمنز مزاج المزاج ههههههه, ٣ في الجوب ودخان ,م
نزلين المكنه من غير فلام ولا الحله,وشايلين الرفارف والشبكه ومخليينها ع العضم.والمكان براح البراح.
والمكنه دي اللي ببوز لغطيان التكيهات مريحه جدا في شغلها
وانضف من البركنز ,في الحل والتركيب كل حاجه عارفه رايحه فين.

شغل عالى

المشاركة الأصلية كتبت بواسطة waleednassar

صحيح، المواتير الديزل عمرها أطول و استهلاك وقود اٌقل، بس لو استعملت بنزين 80 هيكون أوفر، لأنه حالياً أرخص من السولار أو أحياناً زيه.
أنا حسبتها بالظبط لقيت اني لو اشتريت موتور ديزل أغلى حوالي 16000 جنيه من موتور البنزين و باعتبار صفيحة السولار بتعمل 200 كم و صفيحة البنزين هتعمل 90 كم و باعتبار لتر السولار ب 180 قرش و لتر البنزين80 ب 160 قرش لقيت اني هاوصل لتمن موتور الديزل بعد حوالي 90,000 كم و دي حاجة مش وحشة.
زائد ان موتور البنزين أشيك و أسهل تلاقيه بفتيس اوتوماتيك و دي حاجة ضرورية بالنسبة لي لأن سواقة المانيوال جحيم في أم الدنيا.
متفق معاك تماما اني طالما هاغير من بنزين لبنزين يبقى المفروض يا إما أعلى بالموتور يا إما انزل حاجة بسيطة و استفيد بفرق التكنولوجيا، عندك اقتراحات لمواتير كويسة في الإطار دا؟

الجزء المغري في التغيير اللي باقول عليه انه هيفرق جامد في استهلاك البنزين بس المخاطرة انه ما يقدرش يلبي احتياجات العربية على المدى الطويل زي ما انت قلت. بس اعتقد انه لو ركب بالفتيس و الكوارين بتاعته هيدي نفس القدرة اللي بتشد الكوستر اللي هوا اتقل حتى من البليزر.

الموتور القديم مش متأكد هوا بتاع ايه، صاحب العربية الأولاني كمان مش عارف :) بس هوا موتور 3500سي سي، 6 سلندر .. اعتقد دا بتاع العربية الهايلوكس 4*4 اللي بيقولوا عليها مارادونا تقريباً.
بس هو تقريباً منتهي .. بيدخن و أحياناً بيفصل خالص.
فتيس الغرز مش شغال بس الكارونة الأمامية موجودة، و الحمد لله مافيش تسريب زيت حتى الآن من الفتايس أو الكوارين، الزجاج الخلفي لسه ماجربتوش :)

ياريت متعتمدش فى قرارك على بنزين ال 80 ... علشان مش متوفر على طول ... ده غير طوابير الانتظار الطويلة فى المحطات .. و الى ساعات كتير كنت بقف فى الطوابير و بعدين البنزين يشطب من المحطة و مش بمون ..... و ان كنت سمعت ان البنزين ال 80 متوفر فى الاقاليم .... معنديش تأكيد للمعلومة دى

للأسف معنديش فكرة كبيرة عن المواتير المختلفة .... غير ان فيه موتور 8 سلندر ديزل ... بعض العربيات البليزر كانت نازلة بيه ... و فيه موتور احدث منه شوية و اغلى

البليزر كان بينزل فيها مواتير 6 سلندر صف واحد .... و العربيات الهايلكس مواتيرها 4 سلندر .. مش 6
و حضرتك لازم تدور شوية على سبب عطل الموتور الى كان راكب فيها ... و مش حتعرف الموضوع ده الا لما تفكه و تتفرج عليه من جوة

فتيس الغرز موجود و مش شغال و لا مش موجود اصلا ؟؟؟
و الحمد لله ان مفيش تسريب زيت ... ده معناه ان الاويل سيلات حالتها كويسة

حضرتك ماقلتش ... اشتريتها بكام ؟

المشاركة الأصلية كتبت بواسطة mecha

البركنز لو سقط فيها التربو مش هيفرتك الاكوسه؟ ,معرفش الشاسيه هيقدر ولا هيتفندق.وبالمره الدويتز ٨٨ حصان v8
المهندس احمد كان قال بتنزل بديترويت , المفروض ان شالت ديترويت تشيل اي حاجه
تحياتي

مظبوط يا باشا ... ديترويت ديزل ... و كمنز كمان

و نفس الشاسيه ... بس حتحتاج تزود ورق السوست الامامية
انا مقتنع جدا بالمواتير الديزل ..... بس سعرها غالى حبتين .. و فيها غلبة فى الترخيص .. و فلوس لازم تترش و قصة طويلة

المشاركة الأصلية كتبت بواسطة ahmed_eng2001

مظبوط يا باشا ... ديترويت ديزل ... و كمنز كمان

و نفس الشاسيه ... بس حتحتاج تزود ورق السوست الامامية

جميل ، يبا متور الكوستر مش هيضر وبردك متحتجش تغيير دفرنسيه او كرونه
عشان الامور تكون موكده لازم مواصفات البليزر
اعلي تورك ع الكرونه او عزم الاولاني. ومعروف الديترويت عزمه شنيع
متور الكوستر اعتقد في اقصاه مكنه هينو ٦
العجيب الكلام عن استهلاك الوقود مع عربيه زي
البليزر ومواتير بالاحجام دي.حاجه كمان البركنز والديترويت
سيءين في التسارع. والبركنز من عيوبه في الاوفر سبيد البيل بيضرب البلوك
هي مكنه انسب للمولدات والجرارات وتقيله ع الجاز بتشرب كتير. وصعب جدا معدل الاخ
صفيحة الجاز تعمل ٢٠٠ كم ، احلي معدل شوفته هايلكس اكتروني٣٠٠٠ v6, ٩كم/لتر، 4x2
اعتقد المكنه الهيلوكس القديمه مستويه نهاءي
لدرجة عدم التفكير في العمره.فمش اختيار طيب يا بشمهندس

تحياتي

المشاركة الأصلية كتبت بواسطة mecha

جميل ، يبا متور الكوستر مش هيضر وبردك متحتجش تغيير دفرنسيه او كرونه
عشان الامور تكون موكده لازم مواصفات البليزر
اعلي تورك ع الكرونه او عزم الاولاني. ومعروف الديترويت عزمه شنيع
متور الكوستر اعتقد في اقصاه مكنه هينو ٦
العجيب الكلام عن استهلاك الوقود مع عربيه زي
البليزر ومواتير بالاحجام دي.حاجه كمان البركنز والديترويت
سيءين في التسارع. والبركنز من عيوبه في الاوفر سبيد البيل بيضرب البلوك
هي مكنه انسب للمولدات والجرارات وتقيله ع الجاز بتشرب كتير. وصعب جدا معدل الاخ
صفيحة الجاز تعمل ٢٠٠ كم ، احلي معدل شوفته هايلكس اكتروني٣٠٠٠ v6, ٩كم/لتر، 4x2
اعتقد المكنه الهيلوكس القديمه مستويه نهاءي
لدرجة عدم التفكير في العمره.فمش اختيار طيب يا بشمهندس

تحياتي

كلام جميل جدا جدا

انشاء الله انا حدور على المواصفات بتاعة عزم الموتور و بقية مواصفات البليزر

انا كنت سألت الاستاذ وليد على الموتور الى كان راكب فى العربية ... علشان انا كنت عاوز اشتريه ... اعمله عمرة ... او اخليه قطع غيار للموتور بتاعى الحالى ...

انا شفت الهايلكس من التسعينات ... و مواتيرها كلها كانت 4 سلندر .. الكلام ده مظبوط ؟

سؤال مهم .... ليه حضرتك قلت ان التفكير فى العمرة مش كويس ؟؟!!

المشاركة الأصلية كتبت بواسطة Mecha

اللي شفته في الهايلكس مواتير ٤ خط او v6
سواء ديزل او بنزين
لكن متقدرش تجزم لان العربيه دي كتيره اوي حوالين
العالم وممكن دخل المتور مصر من مكان تاني، فلازم تشوف بعينك
المتور ٦ خط معتاد جدا في لاندكروز والحوض كبير
لكن الهيلكس ضيقه فبينزلوا ٦v
بالنسبه للعمره ، ايه اللي خلي الاخ ميعمرش
ويدخل في متور بفتيس وتعديل كبير والافات كتيرر وليه المتور الحالي بس ميتغيرش ولا المكنه دي شحيحه. فانا رجحت
المكنه بحاله سيءه جدا ، لكن ممكن تفحصها
وانا معرفش المكنه الحاليه اللي عند حضرتك ايه
تحياتي

ربنا يباركلك ....


انا بس كنت بسأل علشان كنت اعتقد انك حتقول ان العمرة فى الماكينات دى مش بتنفع !!!! علشان انا بسمع الكلمة دى من فترة فى المواتير الصينى .... و الكلمة دى بتصيبنى بالاحباط

انا عندى موتور البليزر الكبير .... فى 8 5700 سى سى ... و نزل منه نوعين ... 350 ... و 305 ... متقاربين جدا من بعض .... بيفرقوا بس فى عدد الاحصنة المتولدة .. و كنت فاكر موتور الاستاذ وليد فى 8 برضو ... بس كدة فشلت الخطة

واحد زميلى فى الشغل كنت بتكلم معاه على موضوع المواتير الديزل ... فقالى انه كان معاه عربية جولف و مسقط عليها موتور ديزل كمنز فى 8 !!!!!!!!! .... انا مش بكدبه علشان كان عمال يحكيلى ازاى عرفوا يسقطوا الموتور فى الحوض !!! و باعها لما زهق منها
و من ضمن كلامه ... ان الكامنز احسن من الديترويت ديزل ... و خاصة فى قطع الغيار ... علشان الكامنز قطع غياره استناندرد ... و ممكن تفك بستم من مكنة 6 سلندر و تركبها فى مكنة 8 سلندر !!!! ايه رأى حضرتك فى الكلام ده ؟؟