+10000
نصيحة ايجابية فى وقت محدش بيسمع فيه لحد ...
جزاك الله خير ..
وانا هكمل إن شاء الله هدف الموضوع وهحكى حكاية شباب شفتها من قيمه كام يوم بس يا رب الاقى صورها ..
عرض للطباعة
فعلا ساعة القضا يعمى البصر يعنى لا تقولى نيو فكترا ولا فيررارى ولا مازاراتى ولا حتى زستافا كولة لا يغير مبدا ان السرعة المفرطة من اكبر المغامرات الغير محسوبة .
جزاك الله خير على التحذير والله الواحد بيشوف بلاوى على الدائرى الزفت ده فكرتنى بحادثة كنت راجع من مدينة العبور وجت عند نزلت المرج لاقيت الدنيا وقفت وناس نزلت من العربيات افتكرت اول كمين او لجنة بعد كده لاقيت واحدة بيخبط على العربية جامد وبيقول حاسب امشى براحة (افتكرت موضوع ان الاهالى بتطلع بالشوم والسكاكين توقف العربيات اللى معاها ميه معدنية عشان الميه مقطوعة عنهم فترة طويلة) لكن لاقيت حادثة بشعة جدا جدا لاقيت جثتين ملفوفين فى بطاطين والدم بيتعصر من البطاطين وراس ماركة سوزوكى مرمى بعيد على بعد 300 متر ومدغدغ العربية كلها قعدت تقول يا ساتر يا رب استر يا رب المهم السواق اللى كنت راكب معاه كان فاتح على 120 ومشغل الاغانى وعايش حياته اول ما شاف المنظر بقى ماشى على 80 ما زودش كيلو واحد وراح مشغل القرأن بسرعة ..... الناس بطلت تعرف ربنا غير فى الضراء
اللى يعرف ربنا فى السراء قبل الضراء ربنا يعرف وقت الضراء
اخوكم يوسف
الأستاذ احمد عبد المقصود
أولا ألف شكر على النصيحة الغالية دي
نصيحة غالية علشان تحافظ على حياتنا
بس أنا شايف إن لسه فيه بعض الأخوة فاكرين إن لو العربية غالية و السواق شاطر مش هايحصل فيها حاجة
يا جماعة الناس اللي بتقول أن العربيات الغالية هي اللي ممكن تعمل غرز و شقلبظات على الطريق أحب أرد عليها و أقول
إن أصلا العربيات الغالية أو رخيصة متقدرش تعمل غرزة
لأن ببساطة في أوروبا أو أمريكا و كندا و الدول المتقدمة عموما
لو حد عمل غرزة = سجن + سحب رخصة للأبد + غرامة كبيرة جدا
يعني أصلا أحنا الشعب الوحيد اللي بنسوق بهبل و فاكري نفسنا على حلبات سباق و يمكن يكون فيه دول تانية متخلفة برضه بتسوق بنفس الطريقة
المهم أصلا الأستاذ أحمد عبد المقصود كتب موضوع مهم
و هو أن السرعة حتى لو راكب مرسيدس بعشرة مليون جنيه
برضه قاتلة ........
و حاجة تانية مهمة
قوة تركيز البني آدم عموما بتقل مع السرعة و بيقل فيها رد فعله إلى 90 % للإستجابة لمفاجاءت الطريق
يجب أن نتذكر جميعا إننا مش على حلبة سباق
و ربنا يهدينا جميعا و يَهدي السواقين المصريين شوية
لأن و الله و كمان مرة و الله و الله
أكثر أسباب الحوادث هي السرة و ليس سوء حالة الطريق
لأن حتى لو الطريق حالته وحشة و السواقين مشيوا براحة
الدنيا هاتبقى بيس خالص و الكل هايروح سليم
إنما بقى الناس اللي فاكره نفسها شوماخر ........ لا نملك إلا أن نقول لهم
الله يهديكم
الله يخليك يا باشا.....ده بس من ذوقك
والنصيحة موجهة للجميع وأولهم نفسى
ربنا يهدى الجميع ويستر طريقنا
+10
بالرغم من تعديل قانون المرور الا ان فهم الشباب خاطيء !!
يعنى الرادار شد حيله شوية على الطرق السريعة يقوموا الناس يجروا فى المدن والشوراع العمومية !!!
كمان يا ريتنا بنعرف نقلد الاجانب !!!
بالرغم من ان قوانينهم صارمه وحاكمة الى انهم بيعملوا افلام عمرنا ما هنعمل 1/10 منها او نعرف نقلدها !! وسواقين معندناش ربعهم حتى !! :ANSmile23:
no comments
ربنا يكرمك يا باشا ويبعد عنا و عنك كل شر
جزاك الله خيرا