الموضوع: نصيحة لوجه الله تعالى : أياكم والسرعة

السلام عليكم

معلش يا شباب....جايز يكون الموضوع مكرر كتير على شكل نصائح وكده بس.....بعد اللى شفته النهاردة بعينى.....قولت لازم أقولكم وأحذركم

محدش يتغر بعربيته......العربية زيرو.....على عينى وراسى.....العربية حاطط فيها موتور أيه وعفشة مين.....برضه على عينى وراسى......الحذر لايمنع القدر

والله العظيم أوبل فيكترا الجديدة معلقة نمر مؤقتة وبتاخد غرزة يمين على 110 أو 120 فى الطريق اللى بين منزل المقطم بتاع مدينة نصر و بين الطريق الدائرى

العربية عومت مرة شمال ومرة يمين ومن كتر ما العربية لسه زيرو أنا كان بيتهيألى أن اللى سايق العربية شاب وبيستعرض مع أن الطريق مكنش يسمح.....العربية اللى تقريباً مكنتش كملت 1000 كم فى ثانية بقت كوم صاج

دخل على الرمل اللى فى جانب الطريق وبعد الرمل كان فيه رصيف شرطة عسكرية عالى دخل فيه بوشه....العربية أتقلبت على قدام قلبتين واللى وقفها بعد كده الرمل.

الأيرباجز فتحت والأتنين اللى كانوا فى العربية طلعوا سلام والحمد لله.....منهم واحد كانت دماغه مفتوحة ( صاحب العربية ) والتانى كان سليم تماماً
مش عاوز أقولكم على منظر صاحب العربية كان عامل أزاى بعد لما طلعناه من العربية.....والله بيصوت زى السيدات اللاتى فقدن عزيز عليهن.............
العربية فى تقديرى الشخصى مش هتتكلف أقل من 70 أو 80 ألف للأصلاح فى التوكيل....وواضح أنه مكنش مأمن عليها

أنا بس بحكى الحكاية للعبرة.......أهى عربية ألمانى و زيرو و عربية تقيلة و و و و و ............السواقة ملهاش كبير والحذر لا يمنع قدر

أرجوكم رجاء خاص......كلكم هنا زى أخواتى.....و أنا كنت من النوع اللى بجرى عادى ومش بيهمنى غير لما يكون معايا مراتى وبنتى....ساعتها بمشى بالراحة شوية....
خلو بالكم من نفسكم.....بلاش أستعراض بلاش حد يستفزكو للجرى.....بلاش جرى من غير سبب طارئ وبلاش تعملو غرز وخصوصاً على سرعات.

اللهم هل بلغت اللهم فأشهد