( هدف الموضوع الإقلاع عن التدخين نهائيا )
أرجو من السادة الأعضاء اللي عندهم خبرة في إستخدام السيجارة الإلكترونيه ان يفيدونا بتجاربهم في الموضوع ده - و ربنا يكرم كل المدخنين بالإقلاع عن التدخين .
( هدف الموضوع الإقلاع عن التدخين نهائيا )
أرجو من السادة الأعضاء اللي عندهم خبرة في إستخدام السيجارة الإلكترونيه ان يفيدونا بتجاربهم في الموضوع ده - و ربنا يكرم كل المدخنين بالإقلاع عن التدخين .
شوف ..أنا كنت من المدخنين لمدة 20 سنة تقريباً.. وفكرت في السيجارة الالكترونية للتخلص من التدخين , لكن حسيت انها م الطريقة الفغالة والحاسمة للاقلاع عن التدخين.. واتأكدت ان الحل الامثل هو البتر ..يعني لا تقولي خفف الكمية يوم عن يوم أو سيجارة الكترونية أو غيره وهو محتاج أهم حاجة نية جادة للاقلاع وبعدها عزيمة .. ربنا كرمني بعمرة اول السنة ونويت وعاهدت نفسي ان من يوم السفر مش شارب سيجارة واحدة .. والحمد لله نقول 9 شهور من غير سيجارة واحدة , ولما كنت بتزنق وبحس اني محتاج اشرب سيجارة بيكون احساس مؤقت لو تغلبت عليه انك تعمل اي حاجة ..تاكل لبانة .. نعناع ..تقوم تصلي ركعتين.. تخرج تجيب حاجة .. وصدقني يوم عن يوم انت كل ما هتحس انك صحتك بتتحسن هتفرح وتبعد عنها نهائي وربنا يكرم الجميع ويقتنع انه سهل جدا يبطل السجاير
اتفق جدا مع هذا الراياقتباس:
المشاركة الأصلية كتبت بواسطة medo_31
عايز تبطل هتبطل ده لو عاوز تبطل
مش عاوز هتخترع حجج واعذار واهية لانك مش ناوي تبطل
وعموما ان تقلع بارادتك خير الف مرة من ان تقلع بارادة الطبيب
ورسالة الى اخي صاحب الموضوع لا تستبدل عادة التدخين بعادة تدخين اخرى (مجرد اختلاف في الشكل) لكن النتيجة واحدة (اهدار مال سوف تحاسب كيف انفقته) و(صحة فيما افنيتها) خاصة وانه لم يثبت خلو السيجارة الالكترونية من الاضرار هذا اذا لم تكن اشد وخليك فاكر انك لما تستخدم السيجارة الالكترونية فانت بتسوقها لاصحابك واي حد بيشوفك بشكل مباشر لانها جديدة نوعا ما وغير معتادة للناس وهتشيل ذنب اي حد يغير ويقلد ويقول اجرب زي الاستاذ ميرو. الافضل تبطلها مرة واحدة واستحمل شعور الخرمان لفترة وهتحس بالفرق بدون ما تتعود على نوع تاني يمكن يكون العن واكثر ضرر
انسب حل تشغل نفسك عنها وكل لم تحس انك عاوز تدخن كل اى حاجه
والاهم صحابك اللى بتقعد معاهم فهمهم انك بتبطل علشان يساعدوك
يعنى ميعزموش عليك بسجاير وميشربوش قدامك
يومين وهتلاقيك مش طايق ريحتها وهتحس انها بتخنقك
وما تشتريش السيجاره الاليكترونيه علشان متخرجش من عاده لعاده تانيه
التدخين فى رأيى هو عاده مش ادمان
ربنا يتوب عليك وعلينا وعلى المسلمين
مالهاش لازمة
اهدار فلوس اكتر ولاتفيد دا غير ان اضرارها اكتر
الزيت بتاعها بيخنق الصدر ولو انه كان امريكي وانجليزي مش صيني
البتر افضل الطرق
والله الموفق ويعينك
حل فعال جدا جدا..للاقلاع عن السيجاره المحروقه بدون عذاب.............لكن للاسف هتحبها
تقريبا انا من 10 شهور استخدمتها وفعلا بطلت ... من بعد 50 سيجاره يوميا..
بدأت بنيكوتين 18 .... وتدرجت ..وحاليا بشرب نيكوتين 3.. باقى لى مرحله الزيرو نيكوتين .. وبعدين اسيبها عادى
اللى بيتكلم فى البتر ده ميعرفش اللى عايز يبطل حالته وصلت لفين
فالمدمن بكثافه الافضل له التخفيف التدريجى باى وسيله وبعدها بارادته يوصل انه يبطل
حل جميل بس اهم حاجه النيه والاستاذ طارق عبد السلام جابلك من الاخر وعن تجربه كل مشكلتها انك ممكن تحبها ومش هيبقي مجرد انك بتشرب علي الايجو ال بطاريتها مبتكفيش حد ف هتضطر تشتري بطاريه اكبر ومود اكبر المود ده ال بتشرب منه بديل الابطاريه الطويله ال الكل عارفها وشويه هتضطر كل شويه تعلي في حاجه مصاريفها كتير جدا وبرده مش هتحس انك وصلت للنقطه ال حصل فيها تشبع وحتي لو وصلتلها ف العده ال بتشرب عليها عمرك ما هتوصلها ف الليكود ميزانيه يعني اكيد لما توصل مرحله التشبع الليكود هيبقي سعره مقارنته بتمن علبتين ونص ولا حاجه ف اليوم بس برده هي ادمان زيها زي السجاير ف يا تحبها وتكمل فيها وتقول ضررها اقل ومصاريفها مقارنه بالسجاير اقل او تستخدمها لمجرد كسر عاده التدخين وتبطلها هي والسجاير وده الحل الاحسن ديما مع كل الناس
انا بكلمك بعد ما شربت اليكتروني 10 شهور ووصلت لمرحله اني كرهت الليكود وبطلت الاليكتروني ورجعت تاني للسجاير
مش بحبطك اهم حاجه فالموضوع تطلع ب ايه ان لازم يكون عندك اصرار انك تبطل كله مش تبدل عاده بعاده زي ما الاخوه قالولك
ومعلومه بس جانبيه لكل الاخوه ال بيشتموا ف الاليكتروني لمجرد تحقيقك لهدف انك تبطل كله الاليكتروني اقل ضرر من السجاير ب 4000 ماده سامه الاليكتروني الليكود ال فيه بيتكون من 4 مواد بس وملهمش اي ضرر واتعمل عليها ابحاث في انجلترا وقالوا اقل ضررا من السجاير بنسبه 95 ف الميه وهناك بقوا بينصحوا بيها ال عايز يبطل علشان يقللوا حالات الوفاه بسبب السجاير ويقللوا صرفهم علي الناس ال بتتعب وبيتعالجوا ف التامين هناك عندهم
ف الاول والاخر اهم حاجه الاراده والعزيمه انك تبطل اي نوع من انواع التدخين وبجد
مع احترامى للجميع
اقسم بالله العلى العظيم الموضوع مش صعب ابدا
فى اول يوم تعب شويه صداع وعصبيه مع قله تركيز
تانى يوم افضل شويه مع شهيه مفتوحه
تالت يوم ملكش نفس انك تولع
متفكرش كتير يوم بياخد التانى بياخد التالت بيفوت سنين
وكل يوم ومع كل سيجاره هتولعها هتفكر هبطل امتى
احسبها انك عاوز تاخد هدنه منها شويه
احسبها انك عاوز تفوق شويه وترحم نفسك من عذاب التفكير
انا كنت مدخن بشراهه فى مكان شغلى كنت تلاقى ريحه المكان وحشه جدا
ريحه ملابسى مليانه دخان ايدى ريحه الدخان مبترحش منها
بدخل بيتى قبل ما احضن بنتى او المسهابدخل اغسل وشى وايدى الف مره علشان يروح منها ريحه السجاير علشان مأذيهاش
اسنانى باظت من التدخين
جالى صد من دخول بيت ربنا ازاى هقابله كده وبقيت الناس طاهره وواقفه بين ايديه
ومفيش بركه فى الفلوس