توسان الجديدة 2016 بموتور 1600 تربو

السادة الاعضاء .. تحية تقدير للجميع وارجوا المساهمة الفعالة والاستفادة من خبراتكم فى هذا الموضوع
انا اعمل بالسعودية ونزل فيها هيونداى توسان 2016 اللى هى فمصر ix35 بس بشكلها الجديد وحجمها الجديد خرافة بصراحة
بس المشكلة ان مفيش هنا غير 2000 سى سى وطبعا مينفعش انزلها مصر بسبب الجمارك , نازل كمان كام اسبوع التوسان 1600 بس تربو ... عاوز اعرف الموتور دا هيبقى نظامو اية فمصر من حيث البنزين هيكون 95 ولا بنزين 92 ولو 92 هل هيعمل مشاكل فى السيارة ولا لا ؟! وبردو من حيث صيانة العربية وقطع الغيار ... الخ
وياريت لو حد يفهم فى تكلفة جمارك العربية دى يقولى بردو واكون شاكر لسعة صدوركم جميعا

مواتير هيونداى التربو بتشتغل ب 92 عادى

ممكن تنزل العربيه مصر عادى والجمرك بتاعها مرتبط بسعرها زيرو كام ؟

بالنسبه للصيانه فالتوكيل في مصر لا يفقه شيء عن الموتور دا ولا الفتيس كمان ، ولا هايبقى ليهم قطع الغيار ، ولا المهندسين اللى في التوكيل إتدربوا على صيانتهم

لو لاقدر الله حصل حاجه في التربو أو إحتجت حاجه للموتور والفتيس عموما لازم تجيبها من عالنت

اقتباس:

---

المشاركة الأصلية كتبت بواسطة hosam_optrawy

مواتير هيونداى التربو بتشتغل ب 92 عادى

ممكن تنزل العربيه مصر عادى والجمرك بتاعها مرتبط بسعرها زيرو كام ؟

بالنسبه للصيانه فالتوكيل في مصر لا يفقه شيء عن الموتور دا ولا الفتيس كمان ، ولا هايبقى ليهم قطع الغيار ، ولا المهندسين اللى في التوكيل إتدربوا على صيانتهم

لو لاقدر الله حصل حاجه في التربو أو إحتجت حاجه للموتور والفتيس عموما لازم تجيبها من عالنت

---

الله ينور عليك ياباشا ... طيب مهو بدام التوكيل مش هيفهم فيها ولا حتى هيوفرلى قطع الغيار يبقى اكيد دا عيب قاتل يخلينى افكر تانى انى مجبهاش
وبخصوص الجمارك انا حابب اعرف هيفرق فحدود كام عن اللى بدون تيربو ... بفرض ان السيارة اللى بدون تربو جماركها 70 الف جنية لانها 1600 سى سى

اقتباس:

---

المشاركة الأصلية كتبت بواسطة محمد ابراهيم 9

الله ينور عليك ياباشا ... طيب مهو بدام التوكيل مش هيفهم فيها ولا حتى هيوفرلى قطع الغيار يبقى اكيد دا عيب قاتل يخلينى افكر تانى انى مجبهاش
وبخصوص الجمارك انا حابب اعرف هيفرق فحدود كام عن اللى بدون تيربو ... بفرض ان السيارة اللى بدون تربو جماركها 70 الف جنية لانها 1600 سى سى

---

فعلا لازم تفكر لانها مخاطره كبيره

بالنسبه للجمارك مابتتحسبش كدا

مش هاتفرق تربو ولا مش تربو ، ومادام أقل من 1600 مش مشكله كلو واحد 1500 زى 1400 زى 1300

المهم السعر المكتوب في فاتورة الشراء ، هاتشتريها بكام ؟

لو إفترضنا ان سعرها 100 الف ريال ، وفى الغالب مش هاتقل عن السعر دا لان ال 1600 تربو أغلى من ال 2000 العادى ، الجمرك بتاعها هايكون مش أقل من 130 الف جنيه

كلامكو ده معناه إن اللي هيشتري العربية أول ما تنزل هنا في مصر هيبقى حقل تجارب، ويا عالم حيصل له إيه في بلد العجايب.

وشكرا

اقتباس:

---

المشاركة الأصلية كتبت بواسطة man1974

كلامكو ده معناه إن اللي هيشتري العربية أول ما تنزل هنا في مصر هيبقى حقل تجارب، ويا عالم حيصل له إيه في بلد العجايب.

وشكرا

---

العربيه اللى هاتنزل من توكيل غبور في مصر مواصفاتها مختلفه عن اللى بنتكلم عنها

اللى هاتنزل مصر موتور 1600 عادى مش تربو زى الموجود حاليا في الix والسبورتاج ، وفتيس 6 سرعات اوتوماتيك عادى برضه زى الموجود في العربيتين دول

اما اللى بنتكلم عنها بتنزل بموتور 1600 تربو وفتيس Dual-Clutch ب7 سرعات

شكرا للتوضيح