هام جدا جدا بخصوص لمبه epc ارجو الافادة
انا معايا اسبرانزل a516 موديل 2008 اشتريتها ولمبه الEPC منورة المهم انا شفت الهباب اللي علي الشكمان وريحه البنزين عرفت انو حساس شكمان
وبعد ما اشتريتها لقيتها بتاكل بنزين بطريقه رهيبه يعني معدل 100 كليو للصفيحه
المهم فكيت حساس الشكمان ونضفته زي ما قريت شرح وفيديوهات من علي اليوتيوب وهوة حاجة بسيطه يعني ومفيش فايدة اللمبه لسه منورة
قلت مابدهاش رحت حطيتها في شبين الكوم جنبي علي كمبيوتر اعطال طلع حساس الشكمان والهيتر واحساس ال APS
وصاحب الورشه قالي ممكن يكون عيب رشاشات قلتله اوك نضطفها وظبطها علي الكمبيوتر وتمام التمام ورسترلي العربيه بالكمبيوتر ومشيت واللمه نورت تاني وانا في طريقي للبيت
كلمته قالي يبقي حساس الشكمان اكيد وعمل عليا فلم اصلو لازم يتخرط ونفك الفرن قلتله طيب هبقي اجيلك
وخليت واحد زميلي يجبلي حساس من شارع دمشق وهوة جاي من شغله تمنه 190 جنيه نوعه بوش
جابهولي امبارح وركبته وطبعا لما بنفك ونركب بنفصل البطاريه فالكمبيوتر بيرستر المهم مفيش 5 دقايق بعد ما ركبته واللمبه نورت تاني مش عارف في ايه بقي
(علي فكرة الحساسا الجديد حسيت انو محروق شكل المستعمل كدة وقلت لزميلي قالي انو سال الراجل قالو لا كلو كدة ) وكان عليه مادة فضي علي الصاموله بتاعته مش عارف اعمل ايه تاني بقي انا تعبت من الموضوع دة لو حد عندو افادة ياريت يدلني ينوبكوا ثواب وشكرا واسف علي الإطاله