الموضوع: عاوزين نصائح للمقبلين على الطلاق

المشاركة الأصلية كتبت بواسطة msobhy

3 - 6 شهور قبل الطلاق الرسمى بتديك فرصه حقيقه لمراجعة نفسك وتقييم الموقف
بخصوص انك تبقى ماكينة فلوس وهيه خادمه ده علشان الاولاد اللى ملهومش اى ذنب فى انكم مش متوافقين مع بعض
بخصوص احتياجات الراجل والست انا معاك فى النقطه ديه واوقات (انا بقول اوقات) الاحتياجات ديه بترجع الميه لمجاريها
ان كل واحد مقضيها ديه حاجه غير قابله للنقاش - عندى مثال صغير - واحده قريبتى من عائله ميسوره تزوجت واحد قريبى ميسور الحال جدا جدا جدا جدا - خلفت طفلين وتوفاه الله وابنه الصغير عنده سنتين وهيه كان عندها 27 أو 28 سنه - عمرها حاليا تقريبا 55 سنه ومتعرفش فى الدنيا غير أولادها وبس

صدقنى الاحتياجات اللى بتتكلم عليها فيه ناس بتعرف تعمل كنترول محترم عليها

حاول على قد ما تقدر تبعد أولادك عن المحاكم والجو الزباله ده

النبي عليه الصلاة والسلام .. جعل الزهد في الزواج مخالفًا لهديه وسنته
و الكلام جميل جدًا ولكن التطبيق شبه مستحيل في وقتنا الحالي
المثالية دي لو وجدت في الأب والأم هيقدروا ينفصلوا ويتزوجوا ويراعوا مصالح أبنائهم
مش معنى كلامي إني مؤيد للطلاق في حالة وجود أبناء
ولكن لو وقع الطلاق من أكبر المفاسد بقاء الوالدين بدون زواج
التفاني الزائد عن الحد مش مطلوب ولا هيؤدي لحياة الأبناء بشكل أفضل
التوازن مطلوب .. الطلاق بإتفاق والزواج من الشخص المناسب
لكن ربنا بكل عظمته مطلبش من عباده يزهدوا في الدنيا ويعبدوه
وإحنا الهدف من خلقنا أساسًا العبادة
فالخلاص : إن كانت هناك فرصة لإستمرار الحياة الزوجية أهلًا بها
إن تم الإنفصال يعيش الأب والأم حياة طبيعية ويراعي حق أبناءه وحق نفسه