عاوزين نصائح من اخوانا الكبار في المنتدي لنصائح فترة الطلاق يعني المفروض تاخد بالك من ايه في الاجراءات
تظبط امورك ازاي
ازاي تتأقلم في الفترة الاولى على الحياة الجديدة
لا تبخلوا علينا
عرض للطباعة
عاوزين نصائح من اخوانا الكبار في المنتدي لنصائح فترة الطلاق يعني المفروض تاخد بالك من ايه في الاجراءات
تظبط امورك ازاي
ازاي تتأقلم في الفترة الاولى على الحياة الجديدة
لا تبخلوا علينا
انت راجل ولا ست ؟
متابع
المشكله انى مشغول جدا جدا وفى الاغلب مش هاقدر ارد عليك لاحقا
ف هاتكلم على كل الاحتمالات
سواء كنت راجل او ست قبل الانفصال بشكل رسمى - انفصلوا بشكل غير رسمى لمده لا تقل عن 3 شهور و يفضل 6 شهور على الاقل وبعد كده امشوا فى اجراءات الطلاق
لو فيه أطفال يبقى فكروا فى حل انكم تعيشوا مع بعض تحت بند ان الزوجه خادمه للراجل والاولاد - والراجل ماكينة فلوس وحمايه للست والاولاد
فى حالة عدم وجود أطفال اللى عايز ينفصل يتنازل عن كل شئ
اذا كان الزوج مقتدر ومش هاتفرق معاه - يسيب كل حاجه للزوجه حتى لو هيه اللى عايزه الانفصال وده بموافقة الزوج
الكلام للراجل أو الست - فى حالة الانفصال ممنوع منعا باتا الخوض فى سيرة الطرف الاخر الا بكل خير فقط مهما كانت مساوئ الطرف الاخر وفى حالة وجود أطفال يجب مراعاة نفسية الاطفال لأقصى مدى
فى حالة الانفصال ووجود أطفال كلمة الست هيه اللى بتمشى على الراجل بنسبة 90% والراجل لازم يحارب علشان ينفذ طلبات الست اللى هيه أم واللى أغلبها بيكون مادى
الوضع الطبيعى فى حالة وجود أطفال انهم يكونوا مع الام - الاب بيكون مسئول ماديا تماما عن الاطفال وبشكل جزى عن الام - مشاوير المدرسه والدكتور وشراء اللبس والفسح وكل شئ يخص الاطفال خارج البيت النصيب الاكبر يجب ان يكون على الاب
اما نصيحتى لك سواء كنت واحد أو واحده
بلاش الطلاق - صدقنى الفروق ما بين كل شخص وأخر طفيفه الا فى حالات نادره لكن احنا دايما اللى مش بنرضى
بلاش طلاق
بلاش طلاق
اتقى الله وراجع نفسك وبلاش طلاق
انا اسمع نصائح للمقبلين على الزواج للمخطوبين
انما نصائح للمقبلين على الطلاق دي اول مرة الصراحة !!!
انا قصدي نصائح للرجالة الستات بقااا ععندهم فتكاااات مش محتاجين نصائح
بس ليه سؤال ؟ ايه لزمة الفترة اللي 3 شهور او 6 شهور دي بدون طلاق
وبردو ازاي الراجل والست ينهوا حياتهم على شكل ماكنة فلوس وخدامة للاولاد ؟؟؟؟
الراجل والست ليهم احتياجات في الدنيا والا مش هيقدروا يكملوا العيشة اصلا يعني لو الراجل والست مش مرتاحين في بيوتهم وهيعيشوا مع بعض بالطريقة دي يكون ساعتها الموت احسن الا لو كل واحد بااا منهم هيقيضيها براحته بس ده هينتج عنه اولاد من بيئة فاسدة يرون الاب والام فاسقون
شكرا لتعليق حضرتك
نصيحتي لك ستكون اذا كنت لم تطلق بعد
بداية احب اؤكد للجميع ان الزواج قدر و الطلاق ايضا قدر
فلو استحالت العشرة بينكما و آن وقت الطلاق فكن متسامح لاقصى درجة في كافة الامور المادية...فالمادة تعوض و النفس لا تعوض...بالذات لو كان فيه اولاد....ابعد عن المحامين...الا لو تعرف محامي بيحب يمشي بالحلول الودية...و يستحسن لو بتثق في حد من اهل الزوجة يفضل ان يكون الحديث معه
اذا تم الاتفاق على الطلاق (باحسان) فاتفق على ادق التفاصيل الخاصة بالاطفال
تحياتي
والله ما عارف اقولك اية لانك سايب الموضوع مفتوح
وشكل الناس المعاك مش تعبينك وشبة متفقين
ولو بتسال على ما بعد الطلاق ممكن تلاقى وحدة ممكن تلاقى صعوبة فى الحياة فى بيت اهلك لسببين
الاول لانك حياتك اتغيرت بعد ما سيبت بيت اهلك وبقالك خصوصية لوحدك
التانى بيت اهلك نفسة بقى ليك نظام اختلف اكيد لما انت سيبتة
وكمان لو انت من النوع بتاع خلصت شغلى وعلى البيت ماليكش فى الخروج ومعندكش صحاب كتير وقعدة قهوة وسهرات او معندكش نشاط للوت الفاضى هتتعب من الوحدة
ومش عارف انا اتكلمت صح ولا غلط لانى مش فاهم الموضوع كويس
وربنا يصلحلك الحال
هوا حضرتك بتنفصل كام مرة في السنة ؟
من كلامك يظهر لنا إنك ضليع في الإنفصال
عمومًا
بلاش تحسبها بالماديات ومفتكرش حد هيعرف أمورك تتظبط إزاي
كل حالة وظروفها