انا سمعت عن تنظيف للرشاشات هل دة صحيح ولا اغير الرشاشات ؟ لان العربية بتاكل بنزين . افيدوني .
عرض للطباعة
انا سمعت عن تنظيف للرشاشات هل دة صحيح ولا اغير الرشاشات ؟ لان العربية بتاكل بنزين . افيدوني .
اعمل بحث في القسم عن كلمة رشاشات وانتا هتلاقي كل حاجه تتخيلها ولا تتخيلها
زي ما شريف قالك اعمل بحث و انت هتلاقي مواضيع كتيرة ,
عموماً مشاكل الرشاشات بتبقى مش بس في الاستهلاك الزيادة و لكن كمان تأخر الدوارة خاصة الصبح,
و انت ممكن تعمل حاجتين:
1- انك تستخدم سائل التنظيف من باب انك مش هتخسر حاجة بس متستخدموش كتير , يعني هي مرة و تحطه على التنك و هو مليان و تشوف بعد فترة في فرق ولا لأ.
2- تروح عند حد متخصص عنده جهاز للكشف على الرشاشات و هو هيحدد ليك إذا كنت محتاج تغيرهم ولا لأ.
و لو هتغيرهم يبقى لازم تعرف ممكن تغيرهم بإيه و مستعمل و لا جديد , وده هتلاقيه في المواضيع المرتبط بالرشاشات لما تبحث عنها.
هوا الى انا فاهمة ان منظف الرشاشات بيحافظ على الرشاش مش بيحل مشاكل الرشاش
اذا كنت عامل حسابك في تغيير الرشاشات فممكن الراجل اللي بيكشف على الرشاشات يغيرهالك لو فيها مشكلة و بكده مش هتكلف 60 ج تمن المنظف و الكشف لأنه هيحاسبك على تمن الرشاشات و المصنعية شاملة كل حاجةو بدون تمن الكشف.
عموماً لو فيه مشكلة في الرشاشات فأفضل حل تغييرها سواء بجديد او بإستيراد.